മിനിസ്‌ക്രീന്‍ പ്രേക്ഷകര്‍ക്കെല്ലാം പ്രിയപ്പെട്ട റിയാലിറ്റി ഷോ ആണ് ബിഗ് ബോസ്. മലയാളം, തമിഴ്, ഹിന്ദി എന്നു തുടങ്ങി നിരവധി ഭാഷകളിലാണ് റിയാലിറ്റി ഷോ എത്തുന്നത്. ഇപ്പോള്‍ കമല്‍ ഹസന്‍ അവതാരകനായെത്തുന്ന തമിഴ് ബിഗ് ബോസ് അഞ്ചാം സീസണ്‍ വിജയകരമായി മുന്നേറുകയാണ്. ഇതിനിടെ കഴിഞ്ഞ ആഴ്ച നദിയ ചങ് ഷോയില്‍ നിന്നും എലിമിനേഷനിലൂടെ പുറത്തായിരുന്നു. ഇപ്പോഴിതാ ഇതില്‍ അതൃപ്തി അറിയിച്ച് രംഗത്തെത്തിയിരിയ്ക്കുകയാണ് താരത്തിന്റെ കുടുംബാംഗങ്ങള്‍.
മലേഷ്യയില്‍ ജനിച്ചു വളര്‍ന്ന മോഡല്‍ ആണ് നദിയ. മലേഷ്യന്‍ ചൈനക്കാരനായ ചങ് ആണ് നദിയയുടെ ഭര്‍ത്താവ്. ഷോയിക്ക് ഒരു ആഗോള ശ്രദ്ധ ലഭിയ്ക്കാന്‍ വേണ്ടിയാണ് തമിഴ്‌നാടിന് പുറത്തുള്ള, തമിഴ് സെലിബ്രിറ്റികളെ ഷോയില്‍ ഉള്‍പ്പെടുത്തുന്നത് എന്നും, അതുകൊണ്ടാണ് കഴിഞ്ഞ സീസണില്‍ മുഗന്‍ റാവുവിനെ കൊണ്ടു വന്നത് എന്നും, ഈ സീസണില്‍ അന്താരാഷ്ട ശ്രദ്ധ ലഭിയ്ക്കാനാണ് തന്റെ സഹോദരിയെ വിളിച്ചത് എന്നും നദിയ ചങിന്റെ സഹോദരന്‍ പറയുന്നു.
ബിഗ് ബോസ് സീസണ്‍ 5 ന് വേണ്ടി എന്റെ സഹോദരിയെ വിളിച്ചപ്പോള്‍ ഞങ്ങള്‍ക്ക് വളരെ അധികം സന്തോഷം തോന്നി. സ്വന്തം നാട്ടില്‍ ശ്രദ്ധയും ജോലിയില്‍ അത് സഹായകവും ആവും എന്നാണ് ഞങ്ങള്‍ കരുതിയത്. എന്നാല്‍ വെറും രണ്ട് ആഴ്ച കൊണ്ട് നദിയയെ എലിമിനേഷനിലൂടെ പുറത്താക്കി.
അവള്‍ ഒരു ആക്ടര്‍ ആണ്. പക്ഷെ നൂറ് ദിവസം ആ വീട്ടല്‍ ഓവര്‍ ആക്ടിങ് നടത്താന്‍ അവള്‍ക്ക് പറ്റില്ല. എന്നാല്‍ കുറച്ച് അധികം ദിവസം കൂടെ ചാനലിന് അവള്‍ക്ക് നല്‍കാമായിരുന്നു. മലേഷ്യയില്‍ നിന്ന് ഈ ഷോയ്ക്ക് വേണ്ടി മാത്രമാണ് നദിയ ചെന്നൈയില്‍ എത്തിയത്. എന്നാല്‍ രണ്ട് ആഴ്ച കൊണ്ട് മടങ്ങി പോകേണ്ടി വന്നു.
അവള്‍ക്ക് ഷോയില്‍ നിന്നും ലഭിച്ച പ്രതിഫലം യാത്ര ചെലവുകള്‍ക്ക് പോലും തികയില്ലായിരുന്നു. സ്വന്തം കൈയ്യില്‍ നിന്നും പണമെടുത്താണ് യാത്ര ചെയ്തത് പോലും. അവള്‍ക്ക് കുറച്ച് അധികം ജനശ്രദ്ധ കിട്ടും എന്നാണ് ഞങ്ങള്‍ കരുതിയത്. എന്നാല്‍ അതും ഉണ്ടായില്ല എന്ന് സഹോദരന്‍ പറയുന്നു.
ഗോരഖ്പൂരിലെ ബിജെപി സ്ഥാനാര്ത്ഥിയ്ക്കും ബോജ്പുരി നടനുമായ രവി കിഷന്‍ തന്റെ മകളുടെ പിതാവാണെന്ന് ആരോപിച്ച യുവതിയ്ക്കെതിരെ ലഖ്നൗവില് കേസ്. രവി കിഷന്റെ...
ടെലിവിഷന് താരം ദിവ്യങ്ക ത്രിപാഠിയ്ക്ക് വാഹനാപകടത്തില് ഗുരുതരമായി പരിക്കേറ്റു. ആശുപത്രിയില് പ്രവേശിപ്പിച്ച നടിയുടെ എല്ലുകള്‍ നുറങ്ങിയ നിലയിലാണെന്നും ശസ്ത്രക്രിയക്ക് വിധേയയാക്കി. ഭര്‍ത്താവ്...
ലോക്‌സഭാ തെരഞ്ഞെടുപ്പിന്റെ ഒന്നാംഘട്ട വോട്ടെടുപ്പില് പോളിംഗ് ബൂത്തിലെത്തി തമിഴ് സിനിമാ താരങ്ങള്. ചെന്നൈയിലെ അതത് പോളിംഗ് ബൂത്തിലെത്തി നടന് രജനികാന്തും ധനുഷും...
ബോളിവുഡ് താരം സല്മാന് ഖാന്റെ വീടിന് നേരെ വെടിയുതിര്ത്ത സംഭവത്തില് ഒരാള്‍ കൂടി പിടിയില്. നേരത്തെ പിടിയിലായ വിക്കി ഗുപ്തയുടെ സഹോദരന്‍...
നടിയെ ആക്രമിച്ച കേസിലെ നിര്ണായക തെളിവായ മെമ്മറി കാര്‍ഡ് നിയമവിരുദ്ധമായി പരിശോധിച്ചതില് അന്വേഷണം ആവശ്യപ്പെട്ട് അതിജീവിതയുടെ സഹോദരന്‍. കുറ്റക്കാര്ക്കെതിരെ നടപടി വേണമെന്നും...
