ടികെ രാജിവ് കുമാറിന്റെ സംവിധാനത്തില്‍ ഷൈന്‍ നിഗം, വിനയ് ഫോര്‍ട്ട് എന്നിവര്‍ കേന്ദ്ര ചിത്രമായി എത്തുന്ന ബര്‍മുഡ എന്ന ചിത്രത്തിന്റെ മൂന്നാമത്തെ ഫ്രൈഡേ ബില്‍ബോര്‍ഡ് പുറത്തിറക്കി. ചലച്ചിത്ര സംവിധായകന്‍ നാദിര്‍ഷായുടെ പേജിലൂടെയാണ് റിലീസ് ചെയ്തിരിക്കുന്നത്. ‘ഞങ്ങളങ്ങ് ചിരിക്കുവാ’ എന്ന ടാഗ് ലൈനോടുകൂടി പങ്ക് വെച്ചിരിക്കുന്ന പോസ്റ്ററില്‍ വര്‍ത്തമാന കേരളത്തിലെ സംഭവങ്ങളെ രസകരമായി പ്രതിപാദിച്ചിട്ടുണ്ട്.
പുരാവസ്തു തട്ടിപ്പ് കേസ് വന്നപ്പോള്‍ മുതല്‍ നിരന്തരം ട്രോളുകളില്‍ ഉള്‍പ്പെടെ നിറഞ്ഞു നില്‍ക്കുന്ന യൂദാസിന്റെ വെള്ളി നാണയം, മോശയുടെ അംശവടി, ടിപ്പുവിന്റെ സിംഹാസനം എന്നിവയൊക്കെ പോസ്റ്ററില്‍ സ്ഥാനം പിടിച്ചിട്ടുണ്ട്. ഷൈന്‍ നിഗം, വിനയ് ഫോര്‍ട്ട് എന്നിവരെ കൂടാതെ ഇന്ദ്രന്‍സ്, സൈജു കുറുപ്പ്, സുധീര്‍ കരമന, നിരഞ്ജന അനൂപ്, ധര്‍മജന്‍, നൂറിന്‍ ഷെറീഫ്, ഗൗരി നന്ദ എന്നിവരാണ് പുതിയ പോസ്റ്ററില്‍ പ്രത്യക്ഷപെട്ടിരിക്കുന്നത്.
24 ഫ്രെയിംസിന്റെ ബാനറില്‍ സൂരജ് സി.കെ, ബിജു സി.ജെ, ബാദുഷ എന്‍.എം എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ‘കാണാതായതിന്റെ ദുരൂഹത’ എന്ന ടാഗ് ലൈനിലാണ് ചിത്രം പുറത്തിറങ്ങുന്നത്. ചിത്രത്തില്‍ കാശ്മീരിയായ ശെയ്‌ലീ കൃഷ്ണയാണ് നായിക. സിനിമയുടെ രചന നിര്‍വഹിച്ചിരിക്കുന്നത് നവാഗതനായ കൃഷ്ണദാസ് പങ്കിയാണ്.
അളഗപ്പന്‍, ഷെല്ലി കാലിസ്റ്റ് എന്നിവരാണ് ഛായാഗ്രഹണം. ശ്രീകര്‍ പ്രസാദ് എഡിറ്റിങ് നിര്‍വഹിക്കുന്നു. വിനായക് ശശികുമാര്‍, ബീയാര്‍ പ്രസാദ് എന്നിവരുടെ വരികള്‍ക്ക് രമേഷ് നാരായണന്‍ സംഗീതം. ഹരീഷ് കണാരന്‍, മണിയന്‍പിള്ള രാജു, സാജല്‍ സുധര്‍ശന്‍, ദിനേഷ് പണിക്കര്‍, കോട്ടയം നസീര്‍, ശ്രീകാന്ത് മുരളി, നന്ദു, ഷൈനി സാറ, വീണ നായര്‍ തുടങ്ങി വന്‍ താരനിര തന്നെ ചിത്രത്തില്‍ ഉണ്ട്.
തമിഴകത്ത് നയൻതാരയുടെയും വിഘ്നേഷ് ശിവന്റെയും വിവാഹം വലിയ രീതിയിലാണ് ആരാധകർ ആഘോഷിച്ചത്. 2022 ൽ ആണ് നയൻതാര വിഘ്നേഷ് ശിവനെ വിവാഹം...
അന്തരിച്ച സംഗീതജ്ഞൻ കെ.ജി. ജയനുമായുള്ള ഓർമകൾ പങ്കുവച്ച് ഗാനരചയിതാവ് കൈതപ്രം ദാമോദരൻ നമ്പൂതിരി. ജയൻ മാസ്റ്ററെ ആദ്യമായി കാണുന്നത് ശബരിമല ഇറങ്ങി...
ചുരുങ്ങിയ സീസണുകൾ കൊണ്ട് തന്നെ മലയാളി പ്രേക്ഷകർക്കിടയിൽ ശ്രദ്ധേയമായ ഇടം കണ്ടെത്തിയ ടിവി ഷോയാണ് ബിഗ് ബോസ്. നിലവിൽ ആറാം സീസണിലേക്ക്...
ബിഗ് ബോസ് മലയാളം സീസൺ ആറിൽ നാടകീയ സംഭവങ്ങൾ. കഴിഞ്ഞ ദിവസം ഗബ്രി-ജാസ്മിൻ കോമ്പോയ്ക്കിടയിൽ എന്താണ് എന്ന ക്ലാരിഫിക്കേഷനുകൾ മോഹൻലാൽ നടത്തിയിരുന്നു....
നടിയെ ആക്രമിച്ച കേസിൽ രണ്ടാംഘട്ട വഴിത്തിരിവ് ഉണ്ടായത് സംവിധായകന്‍ പി ബാലചന്ദ്രകുമാറിന്റെ വെളിപ്പെടുത്തലിന് പിന്നാലെയായിരുന്നു. രോഗാവസ്ഥയിലും നടിയെ ആക്രമിച്ച കേസില് വിചാരണയ്ക്കായും...
