Connect with us

സംവിധായകന്‍ മാത്തുക്കുട്ടി ഒരു സൈക്കോയാണ്; ഷൂട്ടിംഗിനിടെയിലെ രസകരമായ സംഭവം വെളിപ്പെടുത്തി ആസിഫ് അലിയും മിഥുനും

Malayalam

സംവിധായകന്‍ മാത്തുക്കുട്ടി ഒരു സൈക്കോയാണ്; ഷൂട്ടിംഗിനിടെയിലെ രസകരമായ സംഭവം വെളിപ്പെടുത്തി ആസിഫ് അലിയും മിഥുനും

സംവിധായകന്‍ മാത്തുക്കുട്ടി ഒരു സൈക്കോയാണ്; ഷൂട്ടിംഗിനിടെയിലെ രസകരമായ സംഭവം വെളിപ്പെടുത്തി ആസിഫ് അലിയും മിഥുനും

നിരവധി ചിത്രങ്ങളിലൂടെ മലയാളി പ്രേക്ഷകരുടെ പ്രിയങ്കരനായി മാറിയ താരമാണ് ആസിഫ് അലി. ഇപ്പോഴിതാ സംവിധായകന്‍ മാത്തുക്കുട്ടി ഒരു സൈക്കോയാണെന്ന് പറയുകയാണ് ആസിഫ് അലിയും നടന്‍ മിഥുന്‍ എ. ദാസും. കുഞ്ഞെല്‍ദോ എന്ന ചിത്രത്തിന്റെ ഷൂട്ടിംഗിനിടെയിലെ രസകരമായൊരു സംഭവമാണ് ഒരു മാധ്യമത്തിന് നല്‍കിയ അഭിമുഖത്തില്‍ ആസിഫ് അലിയും മിഥുനും പറയുന്നത്.

”സിനിമയില്‍ ഒരു പയ്യന്റെ ചെവിയിലേക്ക് ആസിഫ് വെള്ളമൊഴിക്കുന്ന ഒരു സീനുണ്ട്. ആ ചെക്കനാണെങ്കില്‍ വല്ലാതെ അസ്വസ്ഥതപ്പെടുന്നുണ്ട്. ഞങ്ങള് നോക്കുമ്പോള്‍ ഇവന്‍ അത് കണ്ട് ചിരിക്കുന്നു. രാത്രി ഇടയ്ക്കിടയ്ക്ക് ഈ ഷോട്ട് പോയി കാണും. പിന്നെയും വന്നിരുന്ന് ചിരിക്കും. എവിടെയോ ഒരു വശപിശക് ഇല്ലേ” എന്നാണ് മിഥുന്‍ പറയുന്നത്.

”മൂന്ന് ഡിവിഷനായിട്ടാണ് ആ ഷോട്ട് എടുത്തത്. ആദ്യത്തേത് ഒരു വൈഡ് ഷോട്ടാണ്. അത് ഗ്ലാസുമായിട്ട് അവന്റെ അടുത്തേക്ക് നടന്നു പോകുന്നതാണ്. ചെവിയില്‍ ഒഴിച്ചില്ലെങ്കിലും കുഴപ്പമില്ല. അത് കാണില്ല, അപ്പോള്‍ ‘അത് ചെവിയില്‍ ഒഴിക്കെടാ’ എന്ന് മാത്തുക്കുട്ടി വിളിച്ചു പറഞ്ഞു.”

”ഞാന്‍ ചെവിയില്‍ ഒഴിച്ചു. അത് കഴിഞ്ഞ് ക്ലോസപ്പ് വേറെ. മൂന്ന് പ്രാവശ്യം ഒഴിച്ചു” എന്ന് ആസിഫ് അലി വ്യക്തമാക്കി. അതേസമയം, ഡിസംബര്‍ 24ന് ആണ് കുഞ്ഞെല്‍ദോ തിയേറ്ററുകളില്‍ എത്തുന്നത്. 17 വയസുള്ള കോളജ് വിദ്യാര്‍ത്ഥിയായാണ് ആസിഫ് അലി ചിത്രത്തില്‍ വേഷമിടുന്നത്.

പുതുമുഖം ഗോപിക ഉദയന്‍ ആണ് നായിക. ലിറ്റില്‍ ബിഗ് ഫിലിംസിന്റെ ബാനറില്‍ സുവിന്‍ കെ വര്‍ക്കി, പ്രശോഭ് കൃഷ്ണ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ക്രിയേറ്റീവ് ഡയറക്ടറായി വിനീത് ശ്രീനിവാസന്‍ എത്തുന്ന ചിത്രത്തിന് ഛായാഗ്രഹണം നിര്‍വഹിക്കുന്നത് സ്വരൂപ് ഫിലിപ് ആണ്.

Continue Reading
You may also like...

More in Malayalam

Trending

Recent

To Top