‘ഹാപ്പി ബെര്‍ത്ത് ഡേ ടീ ചേച്ചിക്കുട്ടീ..’; അഞ്ജലി എന്ന ഗോപികയ്ക്ക് പിറന്നാള്‍ ആശംസകളുമായി സാന്ത്വനം കുടുംബവും ആരാധകരും

വളരെ ചുരുങ്ങിയ സമയം കൊണ്ടു തന്നെ മലയാളി പ്രേക്ഷകരുടെ പ്രിയ പരമ്പരയായി മാറിയ പരമ്പരയാണ് സാന്ത്വനം. ഒരു കൂട്ടുകുടുംബത്തിലെ രസകരമായ സംഭവങ്ങളെ കോര്‍ത്തിണക്കി തനിമ ചോരാതെ പ്രേക്ഷകരിലേയ്ക്ക് എത്തിക്കുന്നതിനാല്‍ തന്നെ പ്രേക്ഷകര്‍ ഇരുകയ്യും നീട്ടിയാണ് പരമ്പരയെ സ്വീകരിച്ചതും.

ഇപ്പോഴിതാ പരമ്പരയില്‍ അഞ്ജലിയായെത്തുന്ന ഗോപികയ്ക്ക് പിറന്നാള്‍ ആശംസകളുമായെത്തിയിരിക്കുകയാണ് സാന്ത്വനം കുടുംബവും ആരാധകരും. ഗോപികയുടെ ചിത്രങ്ങള്‍ ചേര്‍ത്ത വീഡിയോ പങ്കുവച്ചുകൊണ്ടാണ് ബിജേഷ് പിറന്നാളാശംസകളുമായെത്തിയത്.

അതേസമയം ഹാപ്പി ബെര്‍ത്ത് ഡേ ടീ ചേച്ചിക്കുട്ടീ എന്നു പറഞ്ഞുകൊണ്ടാണ് അച്ചു സുഗന്ധി എത്തിയത്. മാത്രമല്ല, ശിവാഞ്ജലി ഫാന്‍സ് ഗ്രൂപ്പുകളിലും താരത്തിന് ആശംസ പ്രവാഹമാണ്.

ബാലേട്ടന്‍ എന്ന മോഹന്‍ലാല്‍ ചിത്രത്തില്‍ മോഹന്‍ലാലിന്റെ മകളായാണ് ഗോപിക അഭിനയത്തിലേക്കെത്തുന്നത്. കബനി’ എന്ന പരമ്പരയിലൂടെയാണ് ഗോപിക സീരിയുകളിലേക്ക് എത്തുന്നതും.