Malayalam
എല്ലാത്തിനും ഉപരി ഒരു അമ്മയുടെ സ്നേഹം തന്നിട്ടുണ്ട്; എസ് ജാനകിയെ കുറിച്ച് വാചാലയായി കെഎസ് ചിത്ര
എല്ലാത്തിനും ഉപരി ഒരു അമ്മയുടെ സ്നേഹം തന്നിട്ടുണ്ട്; എസ് ജാനകിയെ കുറിച്ച് വാചാലയായി കെഎസ് ചിത്ര
ജാനകിയമ്മയുടെ ജന്മദിനത്തില് ആശംസകളും സ്നേഹവും അറിയിച്ച് ഗായിക കെ എസ് ചിത്ര. നേരത്തെയും ജാനകിയമ്മയെ കുറിച്ച് ചിത്ര പല വേദികളിലും വാചാലയായിട്ടുണ്ട്.
അമ്മയെ പോലെ താന് ബഹുമാനിക്കുകയും സ്നേഹിക്കുകയും ചെയ്യുന്ന വ്യക്തിയാണ് ജാനകിയമ്മ എന്ന് ചിത്ര പറയുന്നു.
‘പരിചയപ്പെട്ടത് മുതല് തന്നെ എന്നെ വലിയ കാര്യമാണ് ജാനകിയമ്മയ്ക്ക്. പാട്ടില് എന്തൊക്കെ നന്നാക്കാം, സ്റ്റേജിലും പ്ലേ ബാക്ക് പാടുമ്പോഴും ശ്രദ്ധിക്കേണ്ട കാര്യങ്ങള് ഇതൊക്കെ പറഞ്ഞും തിരുത്തിയും തന്നിട്ടുണ്ട്.
അതിനെക്കാളുമൊക്കെ അപ്പുറത്ത് ഒരു അമ്മയുടെ സ്നേഹം തന്നിട്ടുണ്ട്’ എന്നും ചിത്ര പറഞ്ഞു. ഇക്കഴിഞ്ഞ വെള്ളിയാഴ്ച ആയിരുന്നു ജാനകിയമ്മയുടെ പിറന്നാള്.
വിവിധ ഭാഷകളില് ഇരുപതിനായിരത്തിലേറെ ഗാനങ്ങള് ആലപിച്ചിട്ടുള്ള ജാനകിയമ്മയ്ക്ക് നാലുതവണ ഏറ്റവും നല്ല പിന്നണിഗായികക്കുള്ള ദേശീയപുരസ്കാരം ലഭിച്ചിട്ടുണ്ട്.
1938-ല് ഏപ്രില് 23-ന് ആന്ധ്രപ്രദേശിലെ ഗുണ്ടൂര് ജില്ലയില് ജനിച്ച ജാനകി മൂന്നാം വയസില്തന്നെ സംഗീതത്തോട് ആഭിമുഖ്യ പ്രകടിപ്പിച്ചുതുടങ്ങി. പത്താം വയസില് പൈതി സ്വാമിയുടെ കീഴില് ശാസ്ത്രീയ സംഗീത പഠനം ആരംഭിച്ചു.