Connect with us

ഒരു ബലിയാടായി മാറി, പേര്‍സണലി ടാര്‍ഗറ്റ് ചെയ്യപ്പെട്ടു; വീഡിയോയുമായി ഗോവിന്ദ് പത്മസൂര്യ

Malayalam

ഒരു ബലിയാടായി മാറി, പേര്‍സണലി ടാര്‍ഗറ്റ് ചെയ്യപ്പെട്ടു; വീഡിയോയുമായി ഗോവിന്ദ് പത്മസൂര്യ

ഒരു ബലിയാടായി മാറി, പേര്‍സണലി ടാര്‍ഗറ്റ് ചെയ്യപ്പെട്ടു; വീഡിയോയുമായി ഗോവിന്ദ് പത്മസൂര്യ

അവതാരകനും നടനുമായ ഗോവിന്ദ് പത്മസൂര്യ വിവാഹിതനായി എന്ന വാര്‍ത്തകളാണ് അടുത്തിടെ സോഷ്യല്‍ മീഡിയയില്‍ നിറഞ്ഞു നിന്നത്. വിവാഹ വേഷത്തില്‍ തുളസി മാലയണിഞ്ഞ് നില്‍ക്കുന്ന ജിപിയുടെയും നടി ദിവ്യ പിള്ളയുടെയും ചിത്രങ്ങള്‍ സോഷ്യല്‍ മീഡിയയില്‍ വൈറലായിരുന്നു. ഇതിന് പിന്നാലെ അത് ഒരു റിയാലിറ്റി ഷോയുടെ പ്രൊമോ വീഡിയോക്കായി ചിത്രീകരിച്ചതാണെന്ന് വ്യക്തമാക്കി ജിപി രംഗത്തെത്തിയിരുന്നു.

ചിത്രങ്ങള്‍ പ്രതീക്ഷിക്കാത്ത രീതിയില്‍ വളച്ചൊടിക്കപ്പെട്ടപ്പോള്‍ അങ്കലാപ്പ് കാരണം ആദ്യമൊന്നും തനിക്ക് പ്രതികരിക്കാന്‍ കഴിഞ്ഞില്ല എന്നാണ് ജിപി ഇപ്പോള്‍ പറയുന്നത്. ഒരു സ്‌കിറ്റിന്റെ ഭാഗമായി ചെയ്ത ഒരു കാര്യം തനിക്കെതിരെ തന്നെ വരുമെന്ന് കരുതിയില്ല എന്ന് താരം തന്റെ യൂട്യൂബ് ചാനലിലൂടെ ജിപി വീണ്ടും വ്യക്തമാക്കി.

ചാനല്‍ അതിന്റെ പ്രൊമോയില്‍ മാത്രം ഉപയോഗിക്കും എന്ന ഉറപ്പിലാണ് ആ വീഡിയോ ചെയ്തത്, ഇത്തരത്തില്‍ തെറ്റിദ്ധാരണ പരത്തുമെന്ന് താന്‍ കരുതിയില്ല. സ്‌കിറ്റിലൂടെ എന്ത് സന്ദേശം ജനങ്ങളിലേക്ക് എത്തിക്കണം എന്ന് കരുതിയോ ആ അവസ്ഥയുടെ ഒരു ബലിയാടായി താന്‍ മാറുകയായിരുന്നു. ഇപ്പോഴും മനസിലാകാത്തത്, ഇതുകൊണ്ട് ആര്‍ക്ക് എന്ത് ഗുണമാണ് ഉണ്ടായത് എന്നാണ്.

ഫോട്ടോ പ്രചരിച്ചത് കൊണ്ടും ഓണ്‍ലൈനില്‍ അത് വാര്‍ത്തയായത് കൊണ്ടും റിയാലിറ്റി ഷോയെയോ അതിന്റെ ഫിനാലെയെയോ റേറ്റിംഗിനെയോ ഇത് സഹായിക്കും എന്ന് തോന്നുന്നില്ല. പിന്നെ എന്ത് ഗുണമാണ് ഉണ്ടായത്? താന്‍ പേര്‍സണലി ടാര്‍ഗറ്റ് ചെയ്യപ്പെട്ടു. തന്റെ കുടുംബം, സുഹൃത്തുക്കള്‍, ഫാന്‍സ് അങ്ങനെ ഒരുപാട് പേര് ഈ വാര്‍ത്ത കണ്ടു വിഷമിച്ചിട്ടുണ്ട്.

വിഷമിച്ച എല്ലാവരോടും മനസില്‍ തട്ടി ക്ഷമ ചോദിക്കുന്നു. ആരെയും കബളിപ്പിക്കാന്‍ ചെയ്തതല്ല ഇത് എന്ന് ജിപി വീഡിയോയില്‍ പറഞ്ഞു. അതേസമയം, ജിപിയുടെ അടുത്ത സുഹൃത്ത് കൂടിയാണ് നടി ദിവ്യ. തന്റെ വിവാഹം ആയാല്‍ ഗോസിപ്പുകാര്‍ക്ക് കൊത്താന്‍ കൊടുക്കാതെ താന്‍ തന്നെ നേരിട്ട് അറിയിക്കുമെന്നും താരം നേരത്തെ പറഞ്ഞിരുന്നു.

Continue Reading
You may also like...

More in Malayalam

Trending

Recent

To Top