Connect with us

ഈ വർഷം നൂറ് ദിവസം പിന്നിട്ട മലയാള ചിത്രങ്ങൾ ഇവയൊക്കെയാണ്!

Movies

ഈ വർഷം നൂറ് ദിവസം പിന്നിട്ട മലയാള ചിത്രങ്ങൾ ഇവയൊക്കെയാണ്!

ഈ വർഷം നൂറ് ദിവസം പിന്നിട്ട മലയാള ചിത്രങ്ങൾ ഇവയൊക്കെയാണ്!

2019 അവസാന പാതത്തോട് അടുത്തു കൊണ്ടിരിക്കുകയാണ്. ഈ വര്‍ഷം മലയാളി പ്രേക്ഷകര്‍ക്ക് നിരവധി ചിത്രങ്ങളാണ് ലഭിച്ചത്. അതിൽ ഒരുപിടി ചിത്രങ്ങൾ തീയേറ്ററുകളിൽ 100 ദിവസങ്ങൾക്ക് മേൽ ഓടിയിട്ടുണ്ട്.

ആസിഫ് അലിയെയും ഐശ്വര്യ ലക്ഷ്മിയെയും മുഖ്യ കഥാപാത്രങ്ങളാക്കി ഹിറ്റ് സംവിധായകനായ ജിസ് ജോയ് ഒരുക്കിയ ചിത്രമാണ് 2019 ലെ മലയാളത്തിലെ ആദ്യം ഹിറ്റ് സമ്മാനിച്ച ചിത്രം. സൂര്യ ഫിലിംസിൻ്റെ ബാനറിൽ സുനിൽ എ കെ ആണ് ഈ ചിത്രം നിർമ്മിച്ചത്. മികച്ച പ്രേക്ഷക പ്രതികരണം നേടിയ വിജയ് സൂപ്പറും പൗര്‍ണമിയും ആസിഫ് അലി- ജിസ് ജോയ് ടീമിൻ്റെ മറ്റു ചിത്രങ്ങളെ അപേക്ഷിച്ച് ഹാട്രിക്ക് വിജയം നേടിയ ചിത്രമാണ്.

നവാഗതനായ മധു സി നാരായണൻ സംവിധാനം ചെയ്ത കുമ്പളങ്ങി നൈറ്റ്സ്. ഈ സൂപ്പര്‍ ഹിറ്റ് ചിത്രം രചിച്ചത് ശ്യാം പുഷ്കരനാണ്. ദിലീഷ് പോത്തൻ, ശ്യാം പുഷ്ക്കരൻ, ഫഹദ് ഫാസിൽ എന്നിവര്‍ ചേർന്നാണ് ഈ ചിത്രം നിര്‍മ്മിച്ചത്. ഫഹദ് ഫാസിൽ, സൗബിൻ ഷാഹിർ, ഷെയിൻ നിഗം, ശ്രീനാഥ് ഭാസി, മാത്യു തോമസ്, അന്ന ബെൻ എന്നിവരാണ് ചിത്രത്തിൽ മുഖ്യ കഥാപാത്രങ്ങളെ അവതരിപ്പിച്ചത്. പ്രേക്ഷക – നിരൂപക പ്രശംസ ഒരുപോലെ നേടിയെടുത്ത ചിത്രം കൂടിയാണ് ഇത്.

നടൻ പൃഥ്വിരാജ് മോഹൻലാലിനെ നായകനാക്കി ഒരുക്കിയ
ലൂസിഫര്‍. മലയാള സിനിമയുടെ അഭിമാനമായി മാറിയ വര്‍ഷം കൂടിയാണ് 2019. ബോക്സോഫീസുകൾ പിടിച്ചുലച്ചുകൊണ്ടാണ് ലൂസിഫര്‍ മലയാള സിനിമയിലെ സാന്നിധ്യം അറിയിച്ചത്. പുലിമുരുകന് ശേഷം മലയാളത്തിലെ രണ്ടാമത്തെ നൂറു കോടി ചിത്രമായി മാറാൻ ലൂസിഫറിന് കഴിഞ്ഞു. 200 കോടി രൂപയുടെ ടോട്ടൽ ബിസിനസ്സാണ് ലൂസിഫര്‍ ആകെ നടത്തിയത്. ആശീർവാദ് സിനിമാസിൻ്റെ ബാനറിൽ ആൻ്റണി പെരുമ്പാവൂരാണ് ലൂസിഫര്‍ നിർമ്മിച്ചത്.

മെഗാ സ്റ്റാർ മമ്മൂട്ടിയുടെ കരിയറിലെ ഏറ്റവും വലിയ വിജയം ആയി മാറിയ ചിത്രമാണ് മധുരരാജ. ആദ്യമായി നൂറുകോടി ക്ലബ്ബിൽ കടക്കുന്ന മമ്മൂട്ടി ചിത്രമെന്ന ഖ്യാതി സ്വന്തമാക്കാൻ ഈ ചിത്രത്തിനായി. വൈശാഖ് സംവിധാനം ചെയ്ത ചിത്രത്തിനായി രചന നിര്‍വ്വഹിച്ചത് ഉദയ കൃഷ്ണയാണ്. തമിഴ് നടൻ ജയ് ഉൾപ്പെടെ വലിയ താരനിരയാണ് ഈ ചിത്രത്തിൽ അണിനിരന്നത്. നവാഗതനായ നിർമ്മാതാവ് നെൽസൺ ഐപ്പ് ആണ് ഈ ചിത്രം നിർമ്മിച്ചത്.

നവാഗതനായ മനു അശോകൻ സംവിധാനം ചെയ്ത ഈ ചിത്രത്തിൽ പാര്‍വതി, ആസിഫ് അലി, ടൊവിനോ തോമസ് എന്നിവരായിരുന്നു മുഖ്യ കഥാപാത്രത്തെ അവതരിപ്പിച്ചത്. ബോബി- സഞ്ജയ് ടീം ആണ് ചിത്രത്തിന് രചന നിര്‍വ്വഹിച്ചത്. നിർമ്മാതാവ് പി വി ഗംഗാധരൻ്റെ മക്കൾ ചേർന്നാണ് ഈ ചിത്രം നിർമ്മിച്ചത്. ഉയരെ വലിയ രീതിയിൽ നിരൂപക പ്രശംസ നേടുകയും രാജ്യാന്തര ചലച്ചിത്ര മേളകളിൽ പ്രദര്‍ശിപ്പിക്കുകയും ചെയ്തിരുന്നു.

Malayalam movie

Continue Reading
You may also like...

More in Movies

Trending

Recent

To Top