ആ മൂന്ന് ചിത്രങ്ങൾ കണ്ടാണ് വിവാഹ മോചിതയായെന്ന വാർത്തകൾ വന്ന് തുടങ്ങിയത്! ഇപ്പോഴും വിവാഹിത തന്നെയാണെന്ന് പറയേണ്ട ആവശ്യമുണ്ടോ? ഇത് ഒരു ആഗോള പ്രശ്‌നമൊന്നുമല്ലല്ലോ ;നവ്യ നായർ പറയുന്നു!

മലയാളികളുടെ പ്രിയപ്പെട്ട താരമാണ് നവ്യ നായർ. ഞാനേ കണ്ടുള്ളൂ ഞാൻ മാത്രേ കണ്ടുള്ളൂ എന്ന ബാലാമണിയുടെ ഇമോഷണൽ ഡയലോഗ് ഇന്നും സൂപ്പർ ഹിറ്റാണ്. ഇന്ന് ഇമോഷൻ അൽപം മാറിയെന്ന് മാത്രമേയുള്ളു. നന്ദനം സിനിമയുമായി ബന്ധപ്പെട്ട മീമുകള്‍ ആസ്വദിക്കാറുണ്ടെന്നാണ് നവ്യ പറയുന്നത്. ‘ഞാനേ കണ്ടുള്ളൂ…’ എന്ന പ്രയോഗം എവിടെയെങ്കിലും കേള്‍ക്കുമ്പോള്‍ എനിക്കുതന്നെ ചിരിവരുമെന്ന് നവ്യ പറഞ്ഞു. സിനിമയില്‍ വളരെ വൈകാരികമായി പറഞ്ഞ വാക്കുകള്‍ കേള്‍ക്കുമ്പോള്‍ ഇപ്പോള്‍ ആളുകള്‍ക്ക് ചിരിയാണെന്നും ഒരു പ്രമുഖ മാധ്യമത്തിന് നൽകിയ അഭിമുഖത്തിൽ നവ്യ പറയുന്നു. ഒരിടക്കാലത്ത് നവ്യയുടെ വിവാഹ മോചന വാർത്തകളും പ്രചരിച്ചിരുന്നു. അതിനെ പറ്റിയും നവ്യ തുറന്നു പറയുന്നുണ്ട്

വിവാഹമോചന വാര്‍ത്തകള്‍ സമൂഹമാധ്യമങ്ങളുടെ നിലനില്‍പ്പിന്റെ ഭാഗമായി പുറത്തുവരുന്നതാണ്. അത്തരം വാര്‍ത്തകള്‍ക്ക് ആവശ്യക്കാരുണ്ടെന്ന് തോന്നുമ്പോളാണ് അത് കയറിക്കാണുക. കൗതുകമുള്ള ഒരു വാര്‍ത്തയായതുകൊണ്ട് കൂടുതൽ പേർ അതുകാണുമെന്ന് നവ്യ.

മകന്റെ പിറന്നാളിന് വണ്ടി വാങ്ങിയപ്പോഴും, പിറന്നാളിനുമിട്ട ചിത്രങ്ങളില്‍ ഭര്‍ത്താവുണ്ടായിരുന്നില്ല. ഈ മൂന്നു ചിത്രങ്ങളും ചേര്‍ത്തുവച്ചാണ് വിവാഹമോചന പ്രചാരണങ്ങള്‍ എഴുതിയിരുന്നത്.എന്നാല്‍ അതുകഴിഞ്ഞ് ചേട്ടൻ്റെ വീട്ടിലെ കാവടി വന്നപ്പോള്‍ ചേട്ടനും അമ്മയും മോനും കാവടി എടുത്തിരുന്നു.
എല്ലാവരും ആഘോഷവും നടത്തി. അച്ഛന് ബലിയുമിട്ടാണ് ഭര്‍ത്താവ് മുംബൈയിലേക്ക് മടങ്ങിയത്. ഇതെല്ലാമെങ്ങനെ ആളുകളെ പറഞ്ഞ് മനസിലാക്കുമെന്ന് നവ്യ ചോദിക്കുന്നു. ഇപ്പോഴും വിവാഹിത തന്നെയാണെന്ന് പറയേണ്ട ആവശ്യമുണ്ടോ എന്നും നവ്യ.
വാർത്തയ്ക്കു വേണ്ടിയുള്ള കാര്യങ്ങളെന്ന നിലയിൽ മാത്രമേ ഇക്കാര്യങ്ങളെ കാണുന്നുള്ളൂ. ആരും എന്നെ മോശക്കാരിയാക്കാനാണ് വാര്‍ത്തകള്‍ ഇടുന്നതെന്ന് കരുതുന്നില്ല. ഇതിന് പിന്നില്‍ ഒരു ലോബി പ്രവര്‍ത്തനം ഒന്നും നടക്കുന്നില്ല. നവ്യ നായര്‍ എന്നത് ഒരു ആഗോള പ്രശ്‌നമൊന്നുമല്ലല്ലോ എന്നും നടി ചോദിക്കുന്നു

പ്രണയത്തെ കുറിച്ച് നടി പറയുന്നതിങ്ങനെ. പ്രണയം സ്വാഭാവികമായി സംഭവിയ്ക്കുന്ന വികാരമാണ്. പക്ഷെ പ്രണയപ്പക അമ്പരപ്പിക്കുന്നുണ്ട്. വിവാഹിതരായവര്‍പോലും പിരിയുന്നു. അപ്പോള്‍ പ്രണയമുള്ളവര്‍ക്കൊന്നു പിരിയാന്‍ പോലുമുള്ള അവസരം ഇല്ലാതാകുന്നു. കുട്ടികളൊക്കെ സൂക്ഷിച്ച് പ്രണയിക്കണമെന്നും നടി ഓർമ്മിപ്പിച്ചു.പ്രണയമുണ്ടെന്ന് തുറന്നുപറയുന്നതില്‍ മടിയില്ലെന്ന് നടി പറയുന്നു. പ്രണയമുണ്ടെന്ന് താന്‍ തുറന്നുപറയുമ്പോൾ, മറ്റു ചിലര്‍ തുറന്നു പറയുന്നില്ലെന്ന് മാത്രം. അനശ്വരമായ ഒറ്റപ്രണയം കൊണ്ടു ജീവിച്ചതിൽ കാഞ്ചനമാല മാത്രമേ കാണൂ.

ചിലര്‍ ഭാര്യയെ പേടിച്ചും നാട്ടുകാരെ പേടിച്ചുമൊക്കെ പറയാതിരിക്കും. പ്രണയമുണ്ടെന്നു തുറന്നു പറയാതിരിയ്ക്കാന്‍ താന്‍ കുലസ്ത്രീ അല്ലെന്നും നവ്യ നായര്‍ പറഞ്ഞു.

about navya nair