സഹിക്കാനാവുന്നില്ല ,എപ്പോഴും എന്നില്‍ വിശ്വസിക്കുകയും സ്വപ്‌നങ്ങളെ പിന്തുടരാനായി പ്രേരിപ്പിക്കുകയും ചെയ്തതിന് നന്ദി;അച്ഛന്റെ മകളായി ജനിച്ചതില്‍ എനിക്കൊരുപാട് അഭിമാനമുണ്ട് ! അച്ഛനെക്കുറിച്ച് പറഞ്ഞ് വിദ്യ ഉണ്ണി
ദിവ്യ ഉണ്ണിയെപ്പോലെ തന്നെ പ്രേക്ഷകര്‍ക്ക് സുപരിചിതയാണ് വിദ്യ ഉണ്ണിയും. ചാനല്‍ പരിപാടികളിലൂടെയും സിനിമകളിലൂടെയുമൊക്കെയായി തിളങ്ങിയ വിദ്യ ജോലിയില്‍ ശ്രദ്ധ കേന്ദ്രീകരിച്ചതോടെയായിരുന്നു സിനിമയോട് ബൈ പറഞ്ഞത്. ഡോക്ടര്‍ ലവ് എന്ന ചിത്രത്തിലൂടെയായിരുന്നു വിദ്യ തുടക്കം കുറിച്ചത്. എഞ്ചിനീയറിംഗ് പഠനത്തിനിടയിലായിരുന്നു വിദ്യയും സഞ്ജയും സുഹൃത്തുക്കളായത്. സോഷ്യല്‍ മീഡിയയില്‍ സജീവമായ വിദ്യ ഉണ്ണിയുടെ പുതിയ പോസ്റ്റ് വൈറലായിക്കൊണ്ടിരിക്കുകയാണിപ്പോള്‍.നവംബറിലായിരുന്നു വിദ്യയുടേയും ദിവ്യയുടേയും അച്ഛനായ ഉണ്ണികൃഷ്ണന്‍ അന്തരിച്ചത്. ഹൃദയാഘാതത്തെത്തുടര്‍ന്നായിരുന്നു അച്ഛനെ നഷ്ടമായതെന്ന് ഇരുവരും പറഞ്ഞിരുന്നു. 3 മാസങ്ങള്‍ക്ക് ശേഷവും അച്ഛന് കൂടെയില്ലെന്ന് വിശ്വസിക്കാനാവുന്നില്ലെന്ന് വിദ്യ പറയുന്നു. അച്ഛനൊപ്പമുള്ള ചിത്രങ്ങളും വിദ്യ പങ്കുവെച്ചിട്ടുണ്ട്.
അച്ഛനില്ലാത്ത 90 ദിവസം, വളരെ ബുദ്ധിമുട്ടേറിയ കാര്യമാണ്. അച്ഛനില്ലാത്ത ദിനങ്ങളെക്കുറിച്ച് ഓര്‍ക്കാന്‍ പോലും ഇഷ്ടമില്ല. എന്നും എന്നെ നയിക്കുന്ന വെളിച്ചം അച്ഛനാണ്, ആ നഷ്ടം ശരിക്കും ഞാന്‍ അറിയുന്നുണ്ട്. ഇനിയൊരിക്കലും പഴയത് പോലെയാവില്ലെന്ന് എനിക്കറിയാം, ഇനി എനിക്കും അത് പോലെയാവാന്‍ പറ്റില്ലല്ലോയെന്നും വിദ്യ കുറിച്ചിട്ടുണ്ട്.
എപ്പോഴും എന്നില്‍ വിശ്വസിക്കുകയും സ്വപ്‌നങ്ങളെ പിന്തുടരാനായി പ്രേരിപ്പിക്കുകയും ചെയ്തതിന് നന്ദി. അച്ഛന്റെ മകളായി ജനിച്ചതില്‍ എനിക്കൊരുപാട് അഭിമാനമുണ്ട്. വാക്കുകള്‍ കൊണ്ട് വിവരിക്കാനാവുന്നതല്ല അക്കാര്യം. അച്ഛനും എപ്പോഴും എന്നെക്കുറിച്ചോര്‍ത്ത് അഭിമാനമാണല്ലോയെന്നുമായിരുന്നു വിദ്യ കുറിച്ചത്. ഇപ്പോഴും വിശ്വസിക്കാനാവാത്ത വിയോഗം എന്നായിരുന്നു പോസ്റ്റിന് താഴെയുള്ള കമന്റുകള്‍.
കുട്ടിക്കാലം മുതലേ ദിവ്യയും വിദ്യയും നൃത്തം അഭ്യസിച്ചിരുന്നു. മത്സരങ്ങളിലും മറ്റ് പരിപാടികളിലുമെല്ലാം സ്ഥിരമായി ഇരുവരും പങ്കെടുക്കുകയും ചെയ്തിരുന്നു. മക്കളുടെ കാര്യങ്ങള്‍ക്കെല്ലാമായി എപ്പോഴും കൂടെയുണ്ടാവാറുണ്ടായിരുന്നു അച്ഛന്. താനും ചേച്ചിയും തമ്മില്‍ 10 വയസിന്റെ വ്യത്യാസമുണ്ടെന്നും പലപ്പോഴും ചേച്ചി അമ്മയെപ്പോലെ പെരുമാറാറുണ്ടെന്നും, മകളെപ്പോലെയായാണ് തന്നെ കാണുന്നതെന്നും മുന്‍പ് വിദ്യ പറഞ്ഞിരുന്നു.
about vidhya unni
