Malayalam
ചതി …ചതി… ജിഷിൻ ചതിച്ചതാണ് എന്ന് അപ്‌സര ; ജിഷിനെ സൂക്ഷിക്കണം എന്ന് ആൽബി ; അപ്‌സര പങ്കുവച്ച വീഡിയോ വൈറൽ !
ചതി …ചതി… ജിഷിൻ ചതിച്ചതാണ് എന്ന് അപ്‌സര ; ജിഷിനെ സൂക്ഷിക്കണം എന്ന് ആൽബി ; അപ്‌സര പങ്കുവച്ച വീഡിയോ വൈറൽ !
ഈ അടുത്ത് കാലത്ത് മലയാള ടെലിവിഷന്‍ ലോകത്ത് കല്യാണം കഴിഞ്ഞ സെലിബ്രിറ്റി കപ്പിള്‍സ് ആണ് അപ്‌സര രത്‌നാകരനും ആല്‍ബി ഫ്രാന്‍സിസും. വിവാഹ ശേഷവും ഇന്റസ്ട്രിയില്‍ സജീവമാണ് അപ്‌സര. ഏറ്റവും ഒടുവില്‍ അപ്‌സര പങ്കുവച്ച ഒരു ലൊക്കേഷന്‍ വീഡിയോ ആണ് ഇപ്പോള്‍ സംസാര വിഷയം. ജിഷിന്‍ മോഹനാണ് ഈ ‘വിവാദ’ വീഡിയോ പകര്‍ത്തിയത്. ഭര്‍ത്താവിനൊപ്പമുള്ള വീഡിയോ ഇന്‍സ്റ്റഗ്രാമില്‍ പങ്കുവച്ചത് അപ്‌സര തന്നെയാണ്. വിശദമായി വായിക്കാം ചിത്രങ്ങളിലൂടെ കൈരളി ടിവിയിലെ പ്രോഗ്രാം ഡയറക്ടറാണ് ആല്‍ബി ഫ്രാന്‍സിസ്. ചാനലില്‍ സെലിബ്രിറ്റി കിച്ചണ്‍ മാജിക് എന്ന ഷോയിലെ മത്സരാര്‍ത്ഥികളില്‍ ഒരാളാണ് അപ്‌സര. ആ ബന്ധമാണ് ഇരുവരുടെയും പ്രണയത്തിനും വിവാഹത്തിനും കാരണം. വിവാഹ ശേഷം ഇരുവരും ഒരുമിച്ച് ഒരു ഷോയില്‍ പ്രവൃത്തിക്കുമ്പോള്‍ എന്താവും സംഭവിയ്ക്കുക എന്ന് ഊഹിക്കാമല്ലോ.. അത്രമാത്രമാണ് ഇവിടെയും സംഭവിച്ചത്.
,സെലിബ്രിറ്റി കിച്ചണ്‍ മാജിക്കിന്റെ ബ്രേക്ക് ടൈമില്‍ അപ്‌സരയും ആല്‍ബിയും തമ്മിലുള്ള രസകരമായ രംഗം ഷോയിലെ മറ്റൊരു മത്സരാര്‍ത്ഥിയായ ജിഷിന്‍ മോഹന്‍ വീഡിയോ ആക്കി. അപ്‌സരയുടെ കൈയ്യിലെ മോതിരം ശരിയാക്കി കൊടുക്കുകയാണ് ആല്‍ബി. ആ വീഡിയോ നടി തന്റെ ഇന്‍സ്റ്റഗ്രാമില്‍ പങ്കുവച്ചു. ‘ചതി.. ചതി.. ജിഷിന്‍ ചതിച്ചതാ’ എന്ന് പറഞ്ഞുകൊണ്ടാണ് അപ്‌സര വീഡിയോ പങ്കുവച്ചിരിയ്ക്കുന്നത്.
ആല്‍ബിയും വീഡിയോ തന്റെ ഇന്‍സ്റ്റഗ്രാമില്‍ ഷെയര്‍ ചെയ്തിട്ടുണ്ട്. ‘വീട്ടില്‍ നായയുണ്ട് സൂക്ഷിക്കുക എന്ന് പറയുന്നത് പോലെ ലൊക്കേഷനില്‍ ജിഷിനുണ്ട് സൂക്ഷിക്കുക എന്ന ബോര്‍ഡ് വയ്‌ക്കേണ്ട അവസ്ഥയാണ്. ഒരു മോതിരം കഷ്ടപ്പെട്ട് ഊരിയെടുക്കുന്നത് കണ്ടപ്പോള്‍ അതില്‍ നിന്ന് ഒരു വീഡിയോ ഉണ്ടാക്കി എടുക്കാനുള്ള ജിഷിന്‍ അളിയന്റെ കഴിവിനെ ആത്മാര്‍ത്ഥമായി അഭിനന്ദിയ്ക്കുന്നു’ എന്നാണ് വീഡിയോയ്‌ക്കൊപ്പം ആല്‍ബി എഴുതിയത്.
വന്‍ ഗോസിപ്പുകളോടെ തുടങ്ങിയ ദാമ്പത്യമാണ് അപ്‌സരയുടെയും ആല്‍ബിന്റെയും. വിവാഹ വാര്‍ത്ത പുറത്ത് വന്നതോടെ ഇരുവരും കേള്‍ക്കാത്ത ഗോസിപ്പുകളില്ല. അപ്‌സരയുടെ രണ്ടാം വിവാഹമാണ്, ആദ്യ വിവാഹത്തില്‍ ഒരു കുഞ്ഞുണ്ട് എന്നൊക്കെയായിരുന്നു ഗോസിപ്പുകള്‍. എന്നാല്‍ ആല്‍ബിനും അപ്‌സരയും ഗോസിപ്പുകള്‍ എല്ലാം ചിരിച്ച് തള്ളുകയാണ്. സാന്ത്വനത്തിലെ ജയന്തി എന്ന കഥാപാത്രത്തിലൂടെയാണ് അപ്‌സര കൂടുതല്‍ പ്രേക്ഷകര്‍ക്ക് പരിചിതയായത്.
about apsara
