മരണസന്ധിയല്ല, മരണം തന്നെ സംഭവിക്കാം എന്നായിരുന്നു അന്ന് അയാൾ പ്രവചിച്ചത്…. ഇതും ഒരു തരത്തിൽ മരണമാണല്ലോ, ജീവിച്ചിരിക്കുമ്പോൾ തന്നെ ഒരുപാട് ആളുകൾ തന്നെ കൊല്ലുന്നത് കാണാനുള്ള ഭാഗ്യം ഉണ്ടായി; അഭിമുഖത്തിൽ പറഞ്ഞത്

ദിലീപും അദ്ദേഹത്തിന്റെ കുടുംബ വിശേഷങ്ങളുമാണ് ഇപ്പോൾ സോഷ്യൽ മീഡിയയിൽ നിറയുന്നത്. നടിയെ ആക്രമിച്ച കേസ് ചൂട് പിടിച്ച് നിൽക്കുന്നതിനിടെയാണ് ദിലീപിന്റെയും കുടുംബത്തിൻെറയും അഭിമുഖം എത്തിയത്

ഈ പ്രതിസന്ധിയെ എങ്ങനെയാണു മറികടക്കുന്നതെന്ന ചോദ്യ കർത്താവിന്റെ ചോദ്യത്തിന് ദിലീപ് നൽകിയ മറുപടി ഇങ്ങനെയായിരുന്നു. “സത്യമെന്ന സൂര്യനെ എന്നും മേഘം മറയ്ക്കില്ല. മേഘത്തിന്റെ നിഴൽ മാറി വെളിച്ചം തിരിച്ചുവരും” എന്നാണ് നടൻ പറഞ്ഞത്

എന്തിനാണ് പലർക്കും തന്നോട് ഇത്ര ശത്രുത എന്ന് അറിയില്ലെന്നും ദിലീപ് പറയുന്നു. തനിക്കും ഭാര്യയും രണ്ടുപെൺമക്കളും സഹോദരങ്ങളും അമ്മയും ഉണ്ട് എന്ന് പറഞ്ഞ നടൻ അവരുടെ ഭാവി കിടക്കുന്നത് തന്റെ കൈയ്യിൽ ആണെന്നും പറയുന്നു.

അതേ സമയം തന്റെ ദശാകാലത്തെ കുറിച്ച് ജ്യോത്സ്യൻ പങ്കിട്ട വാക്കുകൾ അർത്ഥവത്തായതിനെക്കുറിച്ചും നടൻ സംസാരിക്കുന്നുണ്ട്. അവരുടെ ഭാവി എന്റെ കൈയ്യിൽ ആണെന്നുള്ളതുകൊണ്ടാണ് ഞാനീ യുദ്ധം ചെയ്യുന്നത്. എന്റെ കുടുംബത്തിന് വേണ്ടിയാണിത്. ഈ കാലം കടന്നുപോകും, ഉറപ്പ്. നൂറു ശതമാനം ദൈവവിശ്വാസിയാണ് ഞാൻ. സമയദോഷം എന്ന് വിശ്വസിച്ചു സമാധാനിക്കുന്നു. എനിക്കൊപ്പം ഒരുപാട് പേരുടെ പ്രാർത്ഥനകളുണ്ട്. എനിക്ക് വേണ്ടി വഴിപാട് ചെയ്തു പ്രാർത്ഥിക്കുന്ന, ഞാൻ പോലും അറിയാത്ത എത്രയോ പേരുണ്ട്. ഇതെല്ലാം സമയദോഷമെന്നു എന്ന് വിശ്വസിക്കുന്നു എന്നും ദിലീപ് പറയുന്നു.

സഹായിച്ചവർ പോലും തിരിയുന്ന കാലമാണ് ഇത്. നാല്പത്തിയെട്ടാം പിറന്നാളിന് മുൻപ് ലാൽജോസിന്റെ വീടിനടുത്ത് ഒരു ജ്യോത്സ്യൻ എനിക്ക് അപകടം വരുന്നുണ്ട് എന്ന് പ്രവചിച്ചു എന്നും ദിലീപ് പറഞ്ഞു. അദ്ദേഹത്തെ പിന്നീട് പോയി കണ്ടിരുന്നുവെങ്കിലും അദ്ദേഹത്തിന്റെ പ്രവചനം അന്നത്ര കാര്യം ആക്കിയിരുന്നില്ല എന്നും ദിലീപ് വ്യക്തമാക്കി.

ഈ പ്രവചനത്തിനു ശേഷമാണു ഒരിക്കൽ അമേരിക്കയിൽ ഒരു ഷോയ്ക്ക് പോയ ശേഷം മടങ്ങുമ്പോൾ വിമാനം എയർപോക്കറ്റിൽ പെടുന്നത് എന്നും ദിലീപ് പറഞ്ഞു. വിമാനം തകരും, എല്ലാവരും മരിക്കും എന്ന് തന്നെ കരുതി ആ സമയം പുള്ളിയുടെ പ്രവചനത്തെ കുറിച്ചാണ് താൻ ഓർത്തതെന്നും ദിലീപ് പറഞ്ഞു. അതിനുശേഷം നാട്ടിൽ വന്ന സമയത്താണ് കേസും ബഹളവും ഉണ്ടായതെന്നും നടൻ പറഞ്ഞു.

മരണസന്ധിയല്ല, മരണം തന്നെ സംഭവിക്കാം എന്നായിരുന്നു അന്ന് അയാൾ പ്രവചിച്ചത് എന്ന് അടുത്തിടെയാണ് ലാൽ ജോസ് പറയുന്നത്. ഇതും ഒരു തരത്തിൽ മരണമാണല്ലോ, ദിലീപ് എന്ന വ്യക്തിയുടെ മരണമല്ലേ നടന്നത്, വിവാദമായ അഭിമുഖത്തിൽ ദിലീപ് പറഞ്ഞിരിക്കുകയാണ്. ജീവിച്ചിരിക്കുംമ്പോൾ തന്നെ ഒരുപാട് ആളുകൾ തന്നെ കൊല്ലുന്നത് കാണാനുള്ള ഭാഗ്യം തനിക്ക് ഉണ്ടായെന്നും ദിലീപ് പറഞ്ഞു. ഒരാപത്ത്‌ ഉണ്ടാകുമ്പോൾ ആരൊക്കെ കൂടെ ഉണ്ടാകും ഉണ്ടാകില്ല എന്ന് തിരിച്ചറിയാൻ പറ്റിയ കാലം ആയിരുന്നു കടന്നുപോയതെന്നും ദിലീപ് പറയുന്നു.