Connect with us

സംഗീതത്തിന്റെ ഉത്സവം തീർത്ത് വിനീത് ശ്രീനിവാസൻ; സ്റ്റാർ സിങ്ങർ സീസൺ 8 റീ-ലോഞ്ച് ഇവന്റ് പ്രൗഢഗംഭീരം!

Malayalam

സംഗീതത്തിന്റെ ഉത്സവം തീർത്ത് വിനീത് ശ്രീനിവാസൻ; സ്റ്റാർ സിങ്ങർ സീസൺ 8 റീ-ലോഞ്ച് ഇവന്റ് പ്രൗഢഗംഭീരം!

സംഗീതത്തിന്റെ ഉത്സവം തീർത്ത് വിനീത് ശ്രീനിവാസൻ; സ്റ്റാർ സിങ്ങർ സീസൺ 8 റീ-ലോഞ്ച് ഇവന്റ് പ്രൗഢഗംഭീരം!

പ്രേക്ഷകരെ പാട്ടുകൾകൊണ്ട് വിസ്മയിപ്പിച്ച സ്റ്റാർ സിങ്ങർ സീസൺ 8 ഏഷ്യാനെറ്റിൽ വീണ്ടും സംപ്രേക്ഷണം ചെയ്യുന്നു. അതിനു മുന്നോടിയായി ജനുവരി 2 ഞായറാഴ്ച വൈകുന്നേരം 7 മണിമുതൽ ഒരു പുതുവത്സരസമ്മാനമായി മെഗാ സ്റ്റേജ് ഇവന്റ് സ്റ്റാർ സിങ്ങർ സീസൺ 8 റീ-ലോഞ്ച് ഏഷ്യാനെറ്റിൽ സംപ്രേക്ഷണം ചെയ്യുന്നു.

ഈ വേദിയിൽവച്ച് മലയാളത്തിന്റെ സ്വന്തം ഭാവഗായകൻ പി ജയചന്ദ്രനെ പ്രശസ്തഗായിക പി സുശീല ആദരിച്ചു. കൂടാതെ പി സുശീലയ്ക്കും പി ജയചന്ദ്രനും സ്റ്റാർ സിംഗേഴ്‌സിലെ മത്സരാർത്ഥികളും വിധികർത്താക്കളായ കെ എസ് ചിത്ര , ശരത് , ജി വേണുഗോപാൽ , സ്റ്റീഫൻ ദേവസ്സി , മഞ്ജരി തുടങ്ങിയവർ സംഗീതാർച്ചനയും അർപ്പിച്ചു. കൂടാതെ ഇവർ ഒരുമിച്ചുള്ള പാട്ടുകളും വിവിധ പാട്ടുകളെ കുറിച്ചുള്ള അഭിപ്രായങ്ങളും പ്രേക്ഷകർക്ക് ഒരു പുത്തൻ അനുഭവമായിരിക്കും.

സ്റ്റാർ സിങ്ങർ സീസൺ 8 റീ-ലോഞ്ച് ഇവന്റിൽ പി സുശീലയും പി ജയചന്ദ്രനും വിധികർത്താക്കളും മത്സരാത്ഥികളും സംഗീതവിസ്മയം തീർക്കുമ്പോൾ പ്രശസ്ത താരങ്ങളായ ഗ്രേസ് ആന്റണിയും സസ്തികയും നൃത്തത്തിന്റെ വശ്യതയുമായി എത്തുന്നു.

ഈ പ്രൗഢഗംഭീരമായ ചടങ്ങിൽവച്ച് സ്റ്റാർ സിങ്ങർ സീസൺ 8 റീ-ലോഞ്ച് ഔദ്യോഗികമായി നിർവഹിച്ചത് സംവിധായകനും നടനും ഗായകനുമായ വിനീത് ശ്രീനിവാസനാണ് . വിനീതും ഹിഷാമും വേദിയിൽ സംഗീതത്തിന്റെ മറ്റൊരു ഉത്സവം തീർത്തു. ഇവരോടൊപ്പം അജു വർഗീസും വേദിയിൽ സന്നിഹിതനായിരുന്നു . പുതിയ റൗണ്ടുകളും പുതുമകളുമായി സ്റ്റാർ സിങ്ങർ സീസൺ 8 ശനി ,ഞായർ ദിവസങ്ങളിൽ ജനുവരി 8 മുതൽ സംപ്രേക്ഷണം ചെയ്യുന്നു.

about asianet

More in Malayalam

Trending

Recent

To Top