മമ്മുക്കയുടെ മെസേജ് കണ്ടപ്പോൾ ശരിക്കും ഞെട്ടിപ്പോയി! എന്നോട് വിഷമിക്കണ്ട എന്ന് പറഞ്ഞ് ആശ്വസിപ്പിച്ചു, അമ്മയുടെ മീറ്റിങ്ങിനു ചെന്നപ്പോൾ ബീനയോടും അദ്ദേഹം എന്റെ കാര്യങ്ങൾ അന്വേഷിച്ചു,ചിലർ വിളിച്ചു കരയുകയാണ്… നിങ്ങളുടെ സ്നേഹവും പ്രാർത്ഥനയും ആണ് ഞങ്ങളുടെ നിലനിൽപ്പ്; മനോജ് കുമാര്‍

മലയാളി മിനിസ്ക്രീൻ പ്രേക്ഷകരുടെ പ്രിയപ്പെട്ട സീരിയൽ താരമാണ് മനോജ് കുമാര്‍. ഇക്കഴിഞ്ഞ ദിവസം താരം പുറത്ത് വിട്ട ഒരു വീഡിയോ പ്രേക്ഷകരെ ആകെ ഞെട്ടലിലാഴ്ത്തിയിരുന്നു. വിധി അടിച്ച് ഷേപ്പ് മാറ്റിയ എന്റെ മുഖമെന്ന കുറിപ്പ് നൽകിക്കൊണ്ടാണ് മനോജ് വീഡിയോ പോസ്റ്റ് ചെയ്തത്. നേരം പുലർന്നപ്പോൾ മുഖം കോടിപ്പോയത് കണ്ട് താരം തന്നെ ഞെട്ടിപ്പോയെന്നാണ് പറയുന്നത്. സ്ട്രോക്ക് ആണോ എന്ന് ആശങ്കപ്പെട്ടുവെങ്കിലും പിന്നെയാണ് ഇത് ബെൽസ് പാൾസി എന്ന രോഗമാണെന്നായിരുന്നു മനോജ് വിഡിയോയിൽ പറഞ്ഞത്

ഇപ്പോഴിതാ താൻ തൊണ്ണൂറു ശതമാനത്തോളം പഴയ ജീവിതത്തിലേക്ക് മടങ്ങിയെത്തി എന്ന് പറയുകയാണ് അദ്ദേഹം. മാത്രമല്ല തനിക്ക് വേണ്ടി പ്രാർത്ഥിച്ച ഓരോരുത്തർക്കും നന്ദിയും അദ്ദേഹം പറയുന്നുണ്ട്. ഒപ്പം തന്റെ പ്രിയ സുഹൃത്ത് ആദിത്യനും മമ്മൂട്ടിയും വിളിച്ചതിനെക്കുറിച്ചും ബന്ധുക്കൾ വേദനിച്ചതിനെക്കുറിച്ചുമെല്ലാം മനോജ് സംസാരിക്കുന്നു.

അദ്ദേഹത്തിന്റെ വാക്കുകളിലേക്ക്.

മിണ്ടുമ്പോൾ ചെറിയ പ്രശ്നം അത്ര മാത്രമേ ഉള്ളൂ. തൊണ്ണൂറു ശതമാനവും ഭേദമായിട്ടുണ്ട് ഇനി ബാക്കിയുള്ളത് പത്തു ശതമാനം മാത്രമാണ്. ഇത്രവേഗം ഭേദം ആകും എന്നോർത്തില്ല. കഴിഞ്ഞദിവസം ഒരു സങ്കടവർത്തയും ഒപ്പം സന്തോഷവാർത്തയും വന്നിരുന്നു. സങ്കടവർത്ത നമ്മുടെ എംഎൽഎ യുടെ മരണവർത്തയാണ്. സന്തോഷവാർത്ത കഴിഞ്ഞദിവസം ഞാൻ എന്റെ സൗണ്ട് ടെസ്റ്റിങ്ങിനു പോയിരുന്നു. അതിൽ സെലെക്ഷൻ കിട്ടി. സായിപ്പ് പച്ചക്കൊടി കാണിച്ചു എന്നതാണ്- മനോജ് പറയുന്നു.

ഒരു ഇന്റർനാഷണൽ മാർവെൽ മൂവിക്ക് ഒരു പ്രധാന കഥാപാത്രത്തിന് ശബ്ദം നൽകാൻ ആണ് ഞാൻ സെലക്ഷനിൽ പങ്കെടുത്തത്. പേര് ഇപ്പോൾ പുറത്തുപറയാൻ ആകില്ല മലയാളം സിനിമയാണ്. വലിയ വലിയ കമ്പനികൾ ഇടപെട്ട മൂവിയാണ്. പിന്നെ സന്തോഷവാർത്തയാണ്, ഞാൻ സങ്കടം ആയാലും സന്തോഷം ആയാലും നിങ്ങളുമായി പറയാറുണ്ടല്ലോ അതുകൊണ്ട് പറഞ്ഞതാണ്. കുറച്ചു സീൻസൊക്കെ ഞാൻ ഡബ്ബ് ചെയ്തു. ഇത് വച്ചുകൊണ്ട് ബുദ്ധിമുട്ടൊന്നും ഉണ്ടായില്ല. ചെറിയ സ്ഥലങ്ങളിൽ മാത്രമായിരുന്നു പ്രശ്നം.

നിങ്ങളുടെ ഒക്കെ പ്രാർത്ഥന വളരെ വലുതാണ്. എന്റെ വിവരം അറിഞ്ഞിട്ട് നിരവധിയാളുകൾ ആണ് വിളിച്ചു സംസാരിച്ചത്. ഞെട്ടിപ്പോയി. നമ്മളോടുള്ള നിങ്ങളുടെ സ്നേഹം കാണുമ്പൊൾ ശരിക്കും സന്തോഷമായി. ഇങ്ങനെയൊക്കെ വന്നതുകൊണ്ടാണല്ലോ ഇതൊക്കെ, ഈ സ്നേഹം ഒക്കെ തിരിച്ചറിയാൻ ആകുന്നത്. അതൊക്കെ വലിയ ഒരു കാര്യമാണ്, നിങ്ങൾ തരുന്ന പ്രർത്ഥന. എത്ര പറഞ്ഞാലും തീരാത്ത നന്ദിയും കടപ്പാടും ഉണ്ട്. ചിലർ വിളിച്ചു കരയുകയാണ്. നിങ്ങളുടെ സ്നേഹവും പ്രാർത്ഥനയും ആണ് ഞങ്ങളുടെ നിലനിൽപ്പ്.

ഓരോ ആളുകളുടെയും സ്നേഹം നമ്മൾ തിരിച്ചറിഞ്ഞു. സാന്ത്വനം സീരിയലിന്റെ സംവിധായകൻ ആദിത്യൻ എനിക്ക് എന്റെ സഹോദരനെപോലെയാണ്. ഞങ്ങൾ പരസ്പരം എല്ലാം പങ്കിടുന്നവരാണ്. ഞങ്ങളുടെ ആത്മബന്ധം വളരെയധികം വേരൂന്നിയതാണ്. വീഡിയോ കണ്ടിട്ട് ആദിത്യൻ വിളിച്ചു പറഞ്ഞു ഞാൻ കരഞ്ഞു പോയെന്നു. നമ്മളോടുള്ള സ്നേഹത്തിന്റെ ആഴം മനസിലാകുന്നത് ഈ സന്ദർഭത്തിലാണ്. എനിക്ക് വേണ്ടി പള്ളികളിലും അമ്പലങ്ങളിലും പ്രാർത്ഥിച്ചിരുന്നവർ ഒരുപാടാണ്.

മമ്മുക്കയുടെ മെസേജ് കണ്ടപ്പോൾ ശരിക്കും ഞെട്ടിപ്പോയി. അദ്ദേഹവുമായി ഒന്നോ രണ്ടോ പടങ്ങളിൽ മാത്രമാണ് അഭിനയിച്ചിട്ടുള്ളത്. ഈ വിവരം അറിഞ്ഞിട്ടാകാം എനിക്ക് അദ്ദേഹം മെസേജ് അയച്ചത്. തിരികെ മെസേജ് അയച്ചപ്പോൾ എന്നോട് വിഷമിക്കണ്ട എന്നും പറഞ്ഞു ആശ്വസിപ്പിച്ചു. അമ്മയുടെ മീറ്റിങ്ങിനു ചെന്നപ്പോൾ ബീനയോടും അദ്ദേഹം എന്റെ കാര്യങ്ങൾ അന്വേഷിച്ചു. ഒരുപാട് ആളുകൾ ആണ് വിളിച്ചത്. വിളിച്ച എല്ലാവർക്കും നന്ദി. നിങ്ങൾ തന്നത് വലിയ ഊർജ്ജമാണ്. ചങ്കിലാണ് നിങ്ങൾ ഓരോരുത്തരും- മനോജ് പറയുന്നു.