മുഖം കോടിപ്പോയി..ഒരു അരിക് താഴ്ന്നിരിക്കുന്നു! ആ ഭയം അലട്ടി, വിധിയുടെ കൊടും ക്രൂരത, ബീന ആന്റണിയുടെ ഭർത്താവിന് സംഭവിച്ചത്! ഇപ്പോഴത്തെ അവസ്ഥ ഇങ്ങനെ

സിനിമാ സീരിയല്‍ താരമായി മലയാളി പ്രേക്ഷകര്‍ക്ക് പ്രിയങ്കരിയായ താരമാണ് ബീന ആന്റണിയും ഭർത്താവ് മനോജ് കുമാറും. വര്‍ഷങ്ങളായി അഭിനയ രംഗത്തുളള ഇരുവരും ശ്രദ്ധേയ കഥാപാത്രങ്ങള്‍ ചെയ്ത് പ്രേക്ഷകര്‍ക്ക് മുന്‍പില്‍ എത്തിയിരുന്നു.

മാതൃകാപൂർണ്ണമായ ദാമ്പത്യം നയിക്കുന്ന ഇവർ സോഷ്യൽ മീഡിയയിലും സജീവമാണ്. മനൂസ് വിഷൻ എന്ന സ്വന്തം യൂ ട്യൂബ് ചാനലും മനോജ് കുമാറിനുണ്ട്. ഇടയ്ക്കിടെ ഇതിലൂടെ വീഡിയോകള്‍ താരം പങ്കുവയ്ക്കാറുമുണ്ട്. വീട്ടിൽ കൊവിഡ് വന്നപ്പോഴുള്ള അവസ്ഥകളും മനോജ് യൂട്യൂബിൽ പങ്കുവെച്ചിരുന്നു. ഇപ്പോഴിതാ തനിക്ക് വന്ന ഒരു അസുഖത്തെ കുറിച്ച് ഒരു വീഡിയോ പങ്കുവെച്ചിരിക്കുകയാണ് മനോജ് കുമാർ. നിരവധി പേരാണ് വീഡിയോയ്ക്ക് താഴെ ആശ്വാസ വാക്കുകളുമായി എത്തിയിരിക്കുന്നത്

മനോജിന്റെ വാക്കുകൾ ഇങ്ങനെയായിരുന്നു

തന്‍റെ മുഖത്തിന്‍റെ ആകൃതി മാറിയതിനാലാണ് ഇപ്പോൾ അധികം വീഡിയോകൾ പങ്കുവയ്ക്കാത്തത്. തന്‍റെ മുഖത്തിന്‍റെ ഇടുതുഭാഗം കോടിപ്പോയി. ഈ വീഡിയോ കാണുന്നവർക്ക് പെട്ടെന്ന് ഒന്നും തോന്നാതിരിക്കാൻ മാസ്ക് ഇട്ട് സംസാരിക്കാം, ബെൽസ് പൾസി എന്നാണ് ഈ അസുഖത്തിന് പേര്. നവം28നാണ് അറിഞ്ഞത്. 27ന് രാത്രി എന്തോ തോന്നി. രാവിലെ മാറുമെന്ന് കരുതി. പക്ഷേ മുഖം താല്‍ക്കാലികമായി കോടിപ്പോയി. രാവിലെ പല്ല് തേക്കുന്നതിനിടയിൽ ഒരു അരിക് താഴ്ന്നിരിക്കുന്നു. ഉടൻ ഡോക്ടറായ കുഞ്ഞച്ചനോട് വീഡിയോകോളിൽ സംസാരിച്ചു. സ്ട്രോക് ആണോയെന്ന ഭയമുണ്ടായിരുന്നു. അദ്ദേഹം ബെൽസ് പള്‍സിയെന്ന് പറഞ്ഞു, അദ്ദേഹത്തിന്‍റെ നിർദ്ദേശ പ്രകാരം ബീനയോടൊപ്പം ഞാൻ ആശുപത്രിയിലെത്തി, മനോജ് പറയുന്നു.

നമ്മളറിയാതെ ഉള്ളിൽ ചിക്കൻപോക്സ്, കോൾഡ്, ചെവിയിലെ പ്രശ്നം അങ്ങനെ എന്തെങ്കിലും വന്ന് പോയാൽ, അതുവഴി നീര്‍ക്കെട്ട്, വീക്കം ഒക്കെ വന്നാൽ ചിലപ്പോള്‍ ഇത്തരത്തിൽ വരാം. കുറെ നേരത്തേക്ക് എ.സി മുഖത്തേക്ക് അടിച്ചിരുന്നാലുമൊക്കെ ഇതുവരാം. ഞങ്ങള്‍ വെൽകെയറിൽ പോയി. പ്രഷര്‍ നോക്കി 200 ആയിരുന്നു. അവർ റിലാക്സ് ചെയ്യാൻ പറഞ്ഞു. എംആര്‍ഐ എടുത്തു നോക്കി. തലയിൽ വേറെ പ്രശ്നമൊന്നും ഇല്ലെന്നറിഞ്ഞു. ബെൽസി പൾസി തന്നെയായിരുന്നു. രണ്ടാഴ്ചത്തേക്ക് മെഡിസിൻ തുടങ്ങി. ആസ്റ്ററിലും പോയി ഒരു ചെക്കപ്പ് നടത്തി. മറ്റ് പ്രശ്നങ്ങളൊന്നും ഇല്ലെന്നറിഞ്ഞു.

ഭയങ്കര ടെൻഷനാിരുന്നു. ഈ വീഡിയോ ഇടുന്നതിനോട് വീട്ടിൽ എതിര്‍പ്പുണ്ടായിരുന്നു. നമ്മളനുഭവിച്ച് പോകുന്ന ടെൻഷനും കാര്യവും മറ്റുള്ളവർ കൂടി അറിയണം എന്നുള്ളതുകൊണ്ടാണിത്. ഇതു വന്നാൽ ആരും ടെൻഷനടിക്കേണ്ട, ഭയപ്പെടണ്ടേ ഇപ്പോള്‍ ഓകെ ആയി തുടങ്ങി. ഫിസിയോ തെറാപ്പി ചെയ്യുന്നുണ്ട്. കൊവിഡ് കാലത്ത് പങ്കുവെച്ച വീഡിയോ കുറെപ്പേര്‍ക്ക് പൾസ് ഓക്സിമീറ്ററിന്‍റെ പ്രാധാന്യത്തെ കുറിച്ച് മനസ്സിലാക്കാൻ കഴിഞ്ഞതായി അറിഞ്ഞു. അതാണ് ഇക്കുറി ഇത്തരത്തലൊരു വീഡിയോ പങ്കുവെയ്ക്കാൻ തീരുമാനിച്ചത്.

ഇതൊരു ചെറിയ പ്രശ്നമാണ്. ആര്‍ക്കും വരാവുന്നതാണ്. മാസ്ക് ഉള്ളതുകൊണ്ട് ഞാൻ രക്ഷപെട്ടു. മാസ്ക് ഒരു അനുഗ്രഹമായി തോന്നിയതിപ്പോഴാണ്. ഇത് ആർ‍ക്കും വരാതിരിക്കട്ടെ, വന്നാലും ഭയപ്പെടേണ്ട. മരുന്നെടുത്താൽ വേഗം മാറും. മറ്റെന്തെങ്കിലുമാണോ എന്ന് കരുതി ടെൻഷൻ അടിച്ച് മറ്റ് പ്രശ്നങ്ങൾ വരാതിരുന്നാൽ മതി.

മുഖം നല്ലതായിരിക്കുമ്പോള്‍ നല്ല റോളൊന്നും എനിക്ക് കിട്ടിയിട്ടില്ല, ഇനി ഇങ്ങനെയായാൽ വല്ല വേഷവും കിട്ടിയാലോ, നടൻ അച്ചൻ കുഞ്ഞിനെ ഭരതൻ സാര്‍ ലോറിയിലേക്ക് വിളിച്ചതു പോലെയെന്നാണ് സുഹൃത്തുക്കളോട് ഞാൻ തമാശയ്ക്ക് പറഞ്ഞത്. ഈശ്വരന്‍റെ ഓരോ കുസൃതികളാണിത്. ദൈവം എന്‍റെയടുതതൊരു കുസൃതി കാണിച്ചതാണെന്നാണ് മനോജ് വീഡിയോയിൽ പറയുന്നത്

അനുഭവങ്ങളും അറിവുകളും മറ്റുള്ളവരിലേക്ക് പകർന്ന് തരാൻ കഴിഞ്ഞ ആ വലിയ മനസിന് നന്ദി വളരെ വേഗം സുഖം പ്രാപിയ്ക്കുന്നതിന് വേണ്ടി പ്രാർത്ഥിക്കാം… മനോജ്‌ ധൈര്യമായിരിക്കൂ. ആത്മവിശ്വാസം തന്നെയാണ് എന്തിനും പ്രതിവിധി. പ്രാർത്ഥിക്കാം. എത്രയും വേഗം അസുഖം പൂർണമായും ഭേദമായി വരട്ടെ… ഈ അറിവുകൾ മറ്റുള്ളവർക്ക് കൂടെ പറയാൻ കാണിച്ച മനസിന്‌ നന്ദി തുടങ്ങിയ കമന്റുകളാണ് ആരാധകർ പങ്കിട്ടത്