എല്ലാം പറയാമെന്ന് കരുതി, ഒരിയ്ക്കലും മറച്ച് വെച്ചതല്ല സത്യം ഇതാണ്! വെളിപ്പെടുത്തലുമായി മിയ

പ്രേക്ഷകര്‍ക്ക് സുപരിചിതയായി മാറിയ താരമാണ് മിയ. അധികം സിനിമകളിലോ കഥാപാത്രങ്ങളിലോ അഭിനയിച്ചിട്ടില്ലെങ്കിൽ കൂടി അഭിനയിച്ചതെല്ലാം ഒന്നിനൊന്ന് മികച്ചതായിരുന്നു. മിനിസ്‌ക്രീനില്‍ നിന്നും ബിഗ് സ്‌ക്രീനിലേക്കെത്തിയ മിയ സൂപ്പര്‍താരങ്ങളുടെയും യുവതാരങ്ങളുടെയും എല്ലാം നായിക വേഷങ്ങളില്‍ എത്തിയിരുന്നു.

അടുത്തിടെയായിരുന്നു മിയയുടേയും അശ്വിന്റെയും ജീവിതത്തിലേക്ക് ലൂക്കയെത്തിയത്. അശ്വിനും ലൂക്കയ്ക്കുമൊപ്പമുള്ള ചിത്രത്തിനൊപ്പമായാണ് മിയ സന്തോഷവാര്‍ത്ത പങ്കുവെച്ചത്. മിയയുടെ വിശേഷത്തെക്കുറിച്ച് അറിഞ്ഞേയില്ലല്ലോയെന്നായിരുന്നു ആരാധകരുടെ ചോദ്യം. ഗര്‍ഭാവസ്ഥയിലെ ചിത്രങ്ങളൊന്നും താരം പുറത്തുവിട്ടിരുന്നില്ല.

ലൂക്കയെക്കുറിച്ചും അമ്മയായതിന് ശേഷമുള്ള മാറ്റങ്ങളെക്കുറിച്ചും തുറന്നുപറഞ്ഞുള്ള മിയയുടെ ഒരു വീഡിയോ സോഷ്യല്‍ മീഡിയയിൽ വൈറലായിക്കൊണ്ടിരിക്കുകയാണ്. സ്റ്റാര്‍ മാജികില്‍ അതിഥിയായെത്തിയപ്പോഴായിരുന്നു മിയ വിശേഷങ്ങള്‍ പങ്കുവെച്ചത്.

കേരളപ്പിറവി സ്‌പെഷല്‍ എപ്പിസോഡിലായിരുന്നു മിയ അതിഥിയായി എത്തിയത്. നേരത്തെയും അതിഥിയായി പങ്കെടുത്തിട്ടുള്ള പരിപാടിയായതിനാല്‍ സന്തോഷത്തോടെയാണ് താന്‍ വരുന്നതെന്നായിരുന്നു മിയ പറഞ്ഞത്. ലൂക്കയുടെ അമ്മയ്ക്ക് സ്വാഗതമെന്ന് പറഞ്ഞായിരുന്നു ലക്ഷ്മി നക്ഷത്ര മിയയെ വെല്‍കം ചെയ്തത്. അത് തനിക്ക് ഇഷ്ടമായെന്നായിരുന്നു മിയയുടെ മറുപടി.

മകന്‍ വന്നതിന് ശേഷം ലൈഫിലുണ്ടായ മാറ്റത്തെക്കുറിച്ചും മിയയോട് ലക്ഷ്മി ചോദിച്ചിരുന്നു. മകനെ ചുറ്റിപ്പറ്റിയാണ് ഇപ്പോഴത്തെ ജീവിതം. എല്ലാ കാര്യങ്ങളിലും പ്രഥമ പരിഗണന ലൂക്കയ്ക്കാണ്. അവനെ ചുറ്റിപ്പറ്റിയാണ് ലൈഫിലെ എല്ലാ കാര്യങ്ങളും. അവനൊപ്പമായി നമ്മളും ഇങ്ങനെ ചുറ്റിപ്പറ്റിക്കൊണ്ടിരിക്കുകയാണ്. ലൂക്കയുടെ അമ്മ എന്ന് പറഞ്ഞ് സ്വാഗതം ചെയ്തത് തനിക്കേറെ ഇഷ്ടമായെന്നും മിയ ലക്ഷ്മിയോട് പറഞ്ഞിരുന്നു. ഇത്തരത്തിലൊരു സ്വാഗതം ചെയ്യല്‍ ആദ്യത്തെയാണ്.

താരങ്ങളുടെ ഗര്‍ഭ വിശേഷങ്ങളെല്ലാം സോഷ്യല്‍ മീഡിയയിലൂടെ വൈറലായി മാറാറുണ്ട്. അമ്മയാവാന്‍ പോവുകയാണെന്ന കാര്യം മിയ സോഷ്യല്‍ മീഡിയയില്‍ നിന്നും മറച്ച് വെക്കുകയായിരുന്നോയെന്നും ലക്ഷ്മി ചോദിച്ചിരുന്നു. കുറച്ച് കഴിഞ്ഞ് പറയാമെന്ന് കരുതി നീണ്ടുപോയതാണ്. ഇനി കുഞ്ഞ് വന്നതിന് ശേഷം പറയാമെന്ന് കരുതി. അങ്ങനെയാണ് അത് നീണ്ടുപോയത്.

അഭിനയം മാത്രമല്ല ആലാപനവും തനിക്ക് വഴങ്ങുമെന്ന് മിയ നേരത്തെ തെളിയിച്ചിരുന്നു. മകന് വേണ്ടി പാട്ടുപാടുന്ന വീഡിയോയുമായാണ് അടുത്തിടെ താരമെത്തിയത്. സ്റ്റാര്‍ മാജിക് പരിപാടിയിലും മിയ ഗാനം ആലപിച്ചിരുന്നു. മകന്റെ മാമോദീസ ചിത്രങ്ങളും പിന്നീടുള്ള വിശേഷങ്ങളുമെല്ലാം മിയ ഇന്‍സ്റ്റഗ്രാമിലൂടെയായി പങ്കിട്ടിരുന്നു.