Malayalam
അവർ ജീവിക്കാൻ അനുവദിക്കുന്നില്ല; ലൈവിൽ പൊട്ടിക്കരഞ്ഞ് സൂര്യ! നടുക്കുന്ന വെളിപ്പെടുത്തൽ
അവർ ജീവിക്കാൻ അനുവദിക്കുന്നില്ല; ലൈവിൽ പൊട്ടിക്കരഞ്ഞ് സൂര്യ! നടുക്കുന്ന വെളിപ്പെടുത്തൽ
ബിഗ് ബോസ് റിയാലിറ്റി ഷോയിലൂടെ പ്രേക്ഷകരുടെ പ്രിയങ്കരിയായി മാറിയ താരമാണ് സൂര്യ ജെ മേനോൻ. ബിഗ് ബോസ് സീസൺ 3ൽ എത്തുന്നതിന് മുൻപ് തന്നെ സൂര്യ തെന്നിന്ത്യൻ ബോളിവുഡ് സിനിമാ കോളങ്ങളിൽ ചർച്ചാ വിഷയമായിരുന്നു.
ബോളിവുഡ് താരം ഐശ്വര്യ റായി ബച്ചനുമായുളള രൂപസാദ്യശ്യമായിരുന്നു സൂര്യയ്ക്ക് പ്രേക്ഷക ശ്രദ്ധ നേടി കൊടുത്തത്. താരത്തിന്റെ ഫോട്ടോഷൂട്ടും ഏറെ ശ്രദ്ധിക്കപ്പെട്ടിരുന്നു സോഷ്യൽ മീഡിയയിൽ തിളങ്ങി നിൽക്കുമ്പോഴായിരുന്നു സൂര്യ ബിഗ് ബോസ് ഷോയിൽ എത്തുന്നത്.
ഷോയിൽ നിന്ന് പുറത്തിറങ്ങിയതിന് പിന്നാലെ താരത്തിനെ നേരെ സൈബർ ആക്രമണം നടന്നിരുന്നു. സോഷ്യൽ മീഡിയയിൽ നിന്ന് ഇടവേളയെടുത്ത താരം പിന്നീട് ഗംഭീര തിരിച്ചുവരവാണ് നടത്തിയത്
പ്രേക്ഷക പിന്തുണ ഒന്ന് കൊണ്ട് മാത്രമാണ് താൻ ഇത് വരെയും നിന്നത് എന്ന് അടുത്തിടെ സൂര്യ തുറന്നു സംസാരിച്ചിരുന്നു. പിന്തുണച്ചവർക്കുള്ള നന്ദിയും നടി അറിയിച്ചു.രണ്ടുവർഷം മനസ്സിൽ കൊണ്ടുനടന്ന സ്വപ്നമാണ് ബിഗ് ബോസ് എന്നും സൂര്യ വ്യക്തമാക്കിയിരുന്നു. സൂര്യ ആർമി പേജുകളിലൂടെയാണ് താരത്തിന്റെ വിശേഷങ്ങൾ ഇപ്പോഴും വൈറൽ ആകുന്നത്. ഇപ്പോൾ ഏറ്റവും ഒടുവിലായി സൂര്യ പറഞ്ഞവാക്കുകൾ ആണ് ആരാധകർ ഏറ്റെടുത്തിരിക്കുന്നത്.
സൂര്യയുടെ വാക്കുകളിലേക്ക്….
കുറെ നാളുകൾക്ക് ശേഷമാണു ലൈവിൽ വരുന്നത്. ആഗ്രഹം ഇല്ലാഞ്ഞിട്ടല്ല പക്ഷെ നടക്കാറില്ല. ഇപ്പോൾ ചില കാര്യങ്ങൾ പറയണം എന്ന് തോന്നി അതാണ് ലൈവിൽ വന്നത്. ആരെയും മോശപെടുത്താൻ ആല്ല ലൈവിൽ വന്നിരിക്കുന്നത്. ബിഗ് ബോസ് കഴിഞ്ഞിട്ട് മാസങ്ങൾ ആയി. ഷോയുടെ ഉള്ളിൽ വച്ചിട്ട് കേൾക്കാവുന്നതിന്റെ മാക്സിമം ഞാൻ കേട്ടു കഴിഞ്ഞു. അവിടെ ഒറ്റക്ക് സംസാരിക്കുന്നതിനു പകരം ഞാൻ ആരോടെങ്കിലും പരദൂഷണം പറഞ്ഞു എങ്കിൽ ആളുകൾക്ക് എന്നെ ഇഷ്ടം ആയേനെ.
എനിക്ക് അവിടെ വച്ച് ഒരാളോട് ഒരു ഇഷ്ടം തോന്നി ഞാൻ അവിടെ വച്ച് അതുപറയുകയും ചെയ്തു. ഒരു മൂന്നു മാസം കൊണ്ട് ഞാൻ അതിനു അവിടെ വച്ച് കേൾക്കാവുന്നതിനു അപ്പുറം കേട്ടു. ഒരു പെൺകുട്ടിയുടെ ഐഡികാർഡ് ഒരാളുടെ പെർമിഷൻ ഇല്ലാതെ എല്ലാ ഇടത്തും പ്രചരിപ്പിക്കുന്നത് ശരിയാണോ. പ്രത്യേകിച്ചും വിവാഹം കഴിക്കാത്ത, ജോലി തേടിക്കൊണ്ടിരിക്കുന്ന പെൺകുട്ടിയുടെ ഐഡി അങ്ങനെ ചെയ്യാൻ പാടുണ്ടോ. എന്റെ അച്ഛനും അമ്മയ്ക്കും വിദ്യാഭ്യാസം കുറവാണ്. അവർക്ക് അത് നിയമപരമായി എങ്ങനെ നേരിടണം എന്ന് പോലും അറിയില്ലായിരുന്നു. അതുകൊണ്ടുതന്നെ മിണ്ടാതെ ഇരുന്നു.
എന്നെ കുറിച്ചും അമ്മയെ കുറിച്ചുമുള്ള ട്രോളുകൾ അമ്മയുടെ നമ്പറിലേക്ക് അയച്ചുകൊടുത്തിരുന്നു. അവർ പ്രായമായ ആളുകൾ ആണ്. ഞാൻ അകത്തുണ്ടായ സമയത്തായിരുന്നു ഇതൊക്കെ. പ്രായം ആയ ആളുകൾ ആണെന്ന് പോലും നിങ്ങൾ നോക്കിയോ. ഞാൻ കരയുമ്പോൾ ഇമോഷണൽ ഡ്രാമ. പ്രിയപ്പെട്ട കണ്ടസ്റ്റന്റസ് കരഞ്ഞാൽ നിങ്ങൾക്ക് സങ്കടം ആകും. ഞാൻ ഇത്രയും നാളും ആളുകളുടെ മുൻപിൽ അഭിനയിച്ചു. ഞാൻ ബിഗ് ബോസിൽ നിന്നും പുറത്തുവന്ന ശേഷമാണു അഭിനയിച്ചത്. എനിക്ക് വന്ന മൂവി ചാൻസസ്‌ അവർ കളഞ്ഞു, കളയിച്ചതാണ്. ഇതൊന്നും ഞാൻ ആരോടും പറഞ്ഞിട്ടില്ല.
ലൈവിൽ എത്തിയ സൂര്യക്ക് ഒപ്പം പുതിയ സിനിമയുടെ നിർമ്മാതാവും ഒപ്പം ചേർന്നിരുന്നു
അവരുടെ വാക്കുകൾ ഇങ്ങനെ
ഞങ്ങളുടെ സിനിമ വേഗം തുടങ്ങുകയാണ്. ഇത് ചെയ്യരുത് എന്ന് പറഞ്ഞുകൊണ്ട് ഒരുപാട് നെഗറ്റീവ്സ് വരുന്നുണ്ട്. ഞാൻ ആണ് എന്റെ ക്യാഷ് എന്തുവേണം എന്ന് തീരുമാനിക്കുന്നത്. സൂര്യയെ വെറുക്കുന്നവർക്ക് എന്നെ ഉപദേശിക്കേണ്ട കാര്യമില്ല. എനിക്ക് സൂര്യയെ വ്യക്തമായി അറിയുന്നതുകൊണ്ടാണ് അവളെ വച്ചുകൊണ്ട് ഞാൻ സിനിമ ചെയ്യുന്നത്. സൂര്യ എന്ത് തെറ്റു ചെയ്തു. ഒരാളോട് ഇഷ്ടം തുറന്നു പറഞ്ഞതിന്റെ പേരിലാണോ സൂര്യയെ ഇങ്ങനെ ഉപദ്രവിക്കുന്നത്. ഞങ്ങൾ എന്ത് ചെയ്യണം എന്ന് ഞങ്ങൾ തീരുമാനിച്ചോളാം.
