വീഴുമ്പോൾ പിടിക്കാൻ ഞാൻ മാത്രമേ കാണൂ; മൃദുലയ്ക്കൊപ്പമുള്ള ചിത്രം പോസ്റ്റ് ചെയ്ത് യുവ കൃഷ്ണ; ഏറ്റെടുത്ത് സീരിയൽ ആരാധകർ !

മഞ്ഞില്‍ വിരിഞ്ഞ പൂവ് എന്ന മഴവിൽ മനോരമ പരമ്പരയിലൂടെ പ്രേക്ഷകരുടെ പ്രിയങ്കരനായി മാറിയ താരമാണ് യുവ കൃഷ്ണ. . പരമ്പരയിൽ മനുവായി എത്തിയ യുവയ്ക്ക് മികച്ച സ്വീകാര്യതയാണ് ലഭിച്ചുകൊണ്ടിരിക്കുന്നത്. വ്യത്യസ്ത കഥാപാത്രങ്ങളിലൂടെ പ്രേക്ഷകര്‍ക്ക് സുപരിചിതയായ മൃദുല വിജയിനെയാണ് യുവ ജീവിതസഖിയാക്കിയത്. വിവാഹ ശേഷമുള്ള വിശേഷങ്ങളും ഇരുവരും പങ്കിടാറുണ്ട്. ഇന്‍സ്റ്റഗ്രാമിലൂടെ പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. മൃദ്‌വ എന്ന യൂട്യൂബ് ചാനലുമുണ്ട് ഇവര്‍ക്ക്. യാത്രാ വിശേഷങ്ങളും കുടുംബത്തിലെ കാര്യങ്ങളെക്കുറിച്ചുമൊക്കെയായാണ് ഇവര്‍ പറയാറുള്ളത്. മഞ്ഞില്‍ വിരിഞ്ഞ പൂവിന്റെ ചിത്രീകരണത്തിലേക്ക് ജോയിന്‍ ചെയ്തതിനെക്കുറിച്ച് യുവ പറഞ്ഞിരുന്നു.

സീ കേരളത്തിലെ പൂക്കാലം വരവായില്‍ അഭിനയിച്ച് വരികയാണ് മൃദുല. പരമ്പര ക്ലൈമാക്‌സിലേക്ക് കടക്കുകയാണെന്നുള്ള വിവരങ്ങളും പുറത്തുവന്നിരുന്നു. വീണ്ടും പാലക്കാടേക്ക് പോവുന്നതിന്റെ വീഡിയോ മൃദുല പങ്കിട്ടിരുന്നു. പാലക്കാട് നിന്നും പകര്‍ത്തിയ ചിത്രമായിരുന്നു യുവ ഇന്‍സ്റ്റഗ്രാമില്‍ പോസ്റ്റ് ചെയ്തത്. വീഴുമ്പോള്‍ പിടിക്കാന്‍ ഞാന്‍ മാത്രമേ കാണൂയെന്ന ക്യാപ്ഷനോടെയായിരുന്നു ചിത്രം പോസ്റ്റ് ചെയ്തത്. നിരവധി പേരാണ് ചിത്രത്തിന് കീഴില്‍ കമന്റുകളുമായെത്തിയത്. യുവയ്ക്കും അമ്മയ്ക്കുമൊപ്പം പുതിയ വീട്ടിലേക്ക് മാറിയതിന്റെ വീഡിയോ ഇരുവരും പങ്കിട്ടിരുന്നു.

അമ്മൂമ്മ അമ്മയ്ക്ക് കൊടുത്ത സ്ഥലത്താണ് വീട് പണിതത്. അമ്മയായിരുന്നു വീട് പണികളെല്ലാം നോക്കി നടത്തിയത്. പാലുകാച്ചല്‍ കഴിഞ്ഞപ്പോള്‍ ഏറെ സന്തോഷിച്ചതും അമ്മയായിരുന്നുവെന്നും യുവ വ്യക്തമാക്കിയിരുന്നു. അമ്മയുടെ സഹോദരങ്ങളാണ് വീടുകളാണ് തൊട്ടടുത്ത് തന്നെയുള്ളത്. തൊട്ടപ്പുറത്ത് തന്നെയായി ബന്ധുക്കളുള്ളതിനാല്‍ ഒറ്റയ്ക്കാണെന്നുള്ള തോന്നലുകളും അമ്മയ്ക്കില്ല. കലാകുടുംബമാണ് അമ്മയുടേത്. മിക്കവരും ഗായകരാണ്, നര്‍ത്തകരുമുണ്ട്.

അമ്മ മ്യൂസിക്, ഡാന്‍സ് ടീച്ചറായിരുന്നു. ഗൃഹപ്രവേശനം കളറാക്കാനായി പാടിത്തുടങ്ങിയതാണ് അന്ന്. ആ വീഡിയോ സോഷ്യല്‍ മീഡിയയിലൂടെ വൈറലായെന്നും യുവ നേരത്തെ പറഞ്ഞിരുന്നു. തിരുവനന്തപുരത്ത് മൃദുലയും കുടുംബവും പുതിയ വീടിന്റെ പണി തുടങ്ങിക്കഴിഞ്ഞുവെന്നും തലസ്ഥാനത്തും ഒരു മേല്‍വിലാസം ഉണ്ടാവുന്നതിന്റെ സന്തോഷത്തിലാണ് താനെന്നും യുവ പറഞ്ഞിരുന്നു.

about mridva