ഇങ്ങേരുടെ വീട്ടിലെ മതിലിന്‍റെ പൊക്കം കൂടുതൽ ആണോ? ഇയ്യാൾ വല്ല പീഡനത്തിന് ഇരയായാൽ എന്നെ കുറ്റം പറയരുത്, ഇമ്മാതിരി പ്രേലോഭിപ്പിച്ചാൽ ആരായാലും ഒന്ന് സ്നേഹിച്ചു പോകുമെന്ന് ആരാധിക! പോസ്റ്റ് വൈറൽ.. കലി തുള്ളി ആരാധകർ.. ഒടുവിൽ മറുപടിയുമായി വീണ്ടും!

കഴിഞ്ഞ ദിവസം നടൻ മമ്മൂട്ടി ഫേസ്ബുക്കിൽ പങ്കുവെച്ച ഒരു ചിത്രം സോഷ്യൽമീഡിയയിൽ വലിയ വൈറലായി മാറിയിരുന്നു. ഒരു വൈറ്റ് ടീ ഷ‍‍‍ര്‍ട്ടിട്ടുകൊണ്ട് ദൂരേക്ക് നോക്കി നിൽക്കുന്ന ബ്ലാക്ക് ആൻഡ് വൈറ്റ് ചിത്രമാണ് തരംഗമായി മാറിയത്.

നടന്മാരും ആരാധകരുമെല്ലാം മമ്മൂട്ടിയുടെ പുതിയ ചിത്രം സോഷ്യൽ മീഡിയയിൽ ഷെയർ ചെയ്തുകൊണ്ടിരിക്കുകയാണ്. ദുൽഖർ സൽമാനും ചിത്രം ഇൻസ്റ്റഗ്രാമിൽ പങ്കുവച്ചിട്ടുണ്ട്.

സെലിബ്രിറ്റി ഫോട്ടോഗ്രാഫർ‍ ഷാനി സാകിയാണ് ചിത്രം പകർത്തിയിരുന്നത്. ഫാൻസ് ഗ്രൂപ്പുകളിലുള്‍പ്പെടെ ചിത്രം സജീവ ചർച്ചയായിരുന്നു.

അതിനിടയിൽ മമ്മൂക്കയോടുള്ള ആരാധന വെളിപ്പെടുത്തിക്കൊണ്ട് ചിത്രം പങ്കുവെച്ച് ഫേസ്ബുക്കിൽ കുറിപ്പ് പങ്കുവെച്ച ഒരു ആരാധിക പുലിവാല് പിടിച്ചിരിക്കുകയാണിപ്പോൾ. ഇവരുടെ പോസ്റ്റിൻറെ സ്ക്രീൻ ഷോട്ടുകൾ ഫാൻസ് ഗ്രൂപ്പുകളിൽ ചർച്ചയായിരിക്കുകയാണ്.

കുറിപ്പ് ഇങ്ങനെയായിരുന്നു

”ഇങ്ങേരുടെ വീട്ടിലെ മതിലിന്‍റെ പൊക്കം ഒരുപാട് കൂടുതൽ ആണോ ആവോ. അല്ല പൊക്കം എത്ര എന്നൊരു ഊഹം ഉണ്ടേൽ മതിൽ ചാടാൻ എളുപ്പമായിരുന്നു. അല്ല ഇങ്ങേരുടെ വീട്ടിൽ പട്ടിയുണ്ടാകുമോ. അല്ല കഷ്ടപ്പെട്ട് മതില് ചാടിയിട്ട് പട്ടിയുടെ കടിയും കൊണ്ട് വന്നിട്ട് കാര്യമില്ലലോ, അല്ലെ ഇങ്ങേരു ഇങ്ങനെ ഒക്കെ തുടങ്ങിയാൽ മനുഷ്യൻ മതിൽ ചാടാതെയിരിക്കുന്നതെങ്ങനെയാണ്. പിന്നെ ഒരു കാര്യം പറഞ്ഞേക്കാം ഇയ്യാൾ വല്ല പീഡനത്തിന് ഇരയായാൽ എന്നെ കുറ്റം പറയരുത്, ഇമ്മാതിരി പ്രേലോഭിപ്പിച്ചാൽ ആരായാലും ഒന്ന് സ്നേഹിച്ചു പോകും പുല്ല്”, എന്നാണ് മമ്മൂട്ടിയുടെ ചിത്രം പങ്കുവെച്ച് ഒരു ആരാധിക ഫേസ്ബുക്കിൽ കുറിച്ചത്. ഒടുവിൽ ഫാൻസ് പൊങ്കാലയുമായെത്തിയതോടെ പീഡനം എന്നത് മാറ്റി ഇവർ സ്നേഹബന്ധം എന്നാക്കുകയായിരുന്നു.

ഫേസ്ബുക്കിൽ ഈ പോസ്റ്റ് വൈറലായതോടെ ഫാൻസ് ഉൾപ്പെടെ ആരാധികയ്‍ക്കെതിരെ രംഗത്തെത്തി. താങ്കളോട് ഒരു ചോദ്യം മാത്രം. ഒരു നടിയുടെ ഫോട്ടോ വച്ചു ഒരു പുരുഷൻ പീഡിപ്പിച്ചാൽ കൊള്ളാം, മതിൽ ചാടണം എന്ന് പറഞ്ഞാലുള്ള അവസ്ഥ എന്തായിരിക്കും എന്ന് ചിന്തിച്ചു നോക്കുക. സ്ത്രീകൾക്കും പുരുഷൻമാർക്കും ഇരട്ട നീതി പാടില്ല, എന്നാണ് ചിലർ പോസ്റ്റിന് മറുപടിയിട്ടത്.

പിന്നാലെ മറുപടിയുമായി ആരാധിക രംഗത്തെത്തി.

”പീഡനം എന്ന് കേട്ട ഉടനെ സെക്സ് ചിന്തിച്ചു കൂട്ടിയിട്ട് എന്തിനാവോ എന്‍റെ മണ്ടക്ക് കയറുന്നത്. പീഡനം എന്നാൽ ഉപദ്രവിക്കുക എന്നാണ് അർത്ഥം. അതായത് ഞാൻ അല്ലെങ്കിൽ മറ്റൊരു ആൾ ഒന്ന് ദേഷ്യം പിടിച്ചു സംസാരിച്ചത് മറ്റൊരാൾക്ക മാനസിക വിഷമം ഉണ്ടായെങ്കിൽ അതും മാനസിക പീഡനം ആണ്. മമ്മൂക്കയെ കണ്ടപ്പോൾ എനിക്ക് ഒരു കടി കൊടുക്കാൻ തോന്നിയാൽ അതും പീഡനം ആണ്. അല്ലാതെ ഇഷ്ടം ഇല്ലാതെ ചെയ്യുന്ന സെക്സ് മാത്രമല്ല പീഡനം. കുറെ പേരുണ്ട് എന്ത് കേട്ടാലും സെക്സ് മാത്രം തലയിൽ വരുന്നവ‍ർ. എനിക്ക് മമ്മൂട്ടി എന്ന വ്യക്തിയോട് കടുത്ത ആരാധനയാണ്. അതുകൊണ്ട് തന്നെ അയാളുടെ ഓരോ ലുക്കും എന്നെ പ്രലോഭിപ്പിക്കാറുമുണ്ട്. അത് ഏത് അർത്ഥത്തിൽ എന്നത് എന്‍റെ കാര്യമാണ്. പിന്നെ പെണ്ണിനെ പറഞ്ഞാൽ എന്താകും എന്നു തുള്ളുന്ന എത്രയെണ്ണം ഇവിടുത്തെ പീഡനകൊലപാതകങ്ങൾ പോലെ ഉള്ളവയ്ക്ക് പ്രതികരിച്ചു. ആദ്യം പോയി അതിനൊക്കെ തീരുമാനം ഉണ്ടാക്കാൻ നോക്ക് എന്നിട്ട് പോരെ ഇക്കായെ സംരക്ഷിക്കാൻ നടക്കാൻ. പ്രൊഫൈലും പൂട്ടി അണ്ണാക്കിൽ വച്ചു വാക്കിന്‍റെ അർത്ഥം ചികഞ്ഞു വരുന്നു. എവിടുന്നുള്ള തള്ള് കമന്‍റുകൾ ആണ് അതെന്നു അറിയാത്തത് കൊണ്ടല്ല. എനിക്ക് മനസില്ല ആ കമന്‍റുകൾക് റിപ്ലെ തരാൻ. എന്താ സാമൂഹിക പ്രതികരണം ഹോ നമിച്ചു”, എന്നായിരുന്നു ആരാധികയുടെ മറുപടി.

ഇതോടെ ഫാൻസ് ഇവരുടെ പ്രൊഫൈലിൽ പൊങ്കാല തുടങ്ങി. ഒടുവിൽ മാപ്പ് പറഞ്ഞുകൊണ്ട് ആരാധിക രംഗത്തെത്തി. ”പ്രിയപ്പെട്ട ഇക്കാക്ക്, ആരാധനഎന്നതിലുപരി ബഹുമാനവും സ്നേഹവും വേണമെങ്കിൽ പ്രണയവും ഒക്കെ ആണ് നിങ്ങളോട് എനിക്ക്. കോടികണക്കിന് ആരാധകരെ പോലെ തന്നെ നിങ്ങൾക്ക് ഞങ്ങളെ അറിയില്ലേലും എനിക്ക് നിങ്ങളെ അത്രമേൽ ഇഷ്ടം ആണ്. നിങ്ങൾക്ക് എന്നെ അറിയാം എന്ന് തന്നെ വിശ്വസിച്ചാണ് പല പോസ്റ്റുകളും ഇടാറുള്ളത്. ചിലത് തമാശ ആയി ചിലത് ഒരുപാട് സീരിയസ് ആയും ഒക്കെ ഇടും. അതുപോലെ തന്നെ ഇക്കായുടെ ഫോട്ടോ കണ്ടപ്പോഴും ഇക്കയുടെ പേജിലും തമാശ കമന്‍റ് ഇട്ട് മതിൽ ചാടിക്കും നിങ്ങൾ എന്ന്. എന്നിട്ട് വാളിൽ പോയി പോസ്റ്റ് ഇട്ടതും അതെ മനോഭാവത്തോടെ തന്നെയാണ്. വളരെ തമാശക്ക് എനിക്ക് ഏറ്റവും പ്രിയപ്പെട്ട ഒരാളോട് തമാശ പറയാൻ ഉള്ള സ്വാതന്ത്ര്യം ഞാൻ ഉപയോഗിക്കുന്ന അതെ സ്വാതന്ത്ര്യത്തോടെ ആണ് ഞാൻ ആ പോസ്റ്റ്‌ ഇട്ടത്. എന്നാൽ അതിൽ ഇക്കാ പീഡനത്തിന് ഇരയായാൽ എന്ന വാക്ക് നിങ്ങളെ ഞാൻ ബാലസംഘം ചെയ്യും എന്ന് പറഞ്ഞപ്പോലെ ആണ് പലരും ആക്കി തീർത്തത്. ആ വാക്കിന്‍റെ പേരിൽ മറ്റു ആരോടും മാപ്പ് പറയാനൊന്നും ഞാൻ തയ്യാറുമല്ല”

”പക്ഷെ എന്തേലും കാരണത്താൽ ആ പോസ്റ്റ്‌ നിങ്ങൾ കാണാൻ ഇടയായാൽ നിങ്ങളുടെ മനസിൽ അത്‌ അത്രയും മോശം വർത്തമാനം നിങ്ങളെ കുറിച്ച് പറഞ്ഞു എന്ന് നിങ്ങൾക്ക് തോന്നിയാൽ മാത്രം ഞാൻ ഇക്കായോട് മാപ്പ് ചോദിക്കുന്നു. സമൂഹത്തിൽ വലിയ ദോഷം ആണ് എന്നൊക്കെ ആരൊക്കെയോ പറഞ്ഞത് കൊണ്ട് ആ വാക്ക് ഞാൻ എഡിറ്റ്‌ ചെയ്തു മാറ്റിയിട്ടുണ്ട്”

”ഈ പോസ്റ്റ്‌ ഇക്കാ കാണും എന്ന് കരുതി ഒന്നുമല്ല ഈ പോസ്റ്റ്‌. ഒരുപാട് വിവാദം കേൾക്കാറുണ്ട് എങ്കിലും ഇക്കയെ മോശം പറഞ്ഞ പേരിൽ ഒരു വിവാദം ഉണ്ടാകുന്നത് സങ്കടകരം ആയതു കൊണ്ട് മാത്രം നിങ്ങളിത് കാണുന്നു എന്ന് വിശ്വസിച്ചു പോസ്റ്റുന്നു”, എന്നാണ് മാപ്പുപറഞ്ഞുകൊണ്ടുള്ള ആരാധികയുടെ ഒടുവിലത്തെ പോസ്റ്റ്.