സെറ്റ് സാരിയണിഞ്ഞ് റൂബി, മുണ്ടും കുര്‍ത്തിയുമണിഞ്ഞ് അജാസ് ; അജാസിനൊപ്പം ചേര്‍ന്ന് നിന്ന് താരം.. റൂബിയുടെ എൻഗേജ്മെന്റ് ചിത്രവുമായി അൻഷിത!
മിനിസ്‌ക്രീന്‍ പ്രേക്ഷകര്‍ക്ക് സുപരിചിതയായി മാറിയ അഭിനേത്രികളിലൊരാളാണ് റൂബി ജ്യുവല്‍. സോഷ്യല്‍ മീഡിയയില്‍ സജീവമായ റൂബിയുടെ ജീവിതത്തിലെ പുതിയ സന്തോഷത്തെക്കുറിച്ച് പറഞ്ഞെത്തിയിരിക്കുകയാണ് സുഹൃത്തായ അന്‍ഷിത.
റൂബിയുടെ എന്‍ഗേജ്‌മെന്റ് ചടങ്ങിന്റെ ചിത്രത്തിനൊപ്പമായാണ് അന്‍ഷിത കുറിപ്പ് പോസ്റ്റ് ചെയ്തത്. കണ്‍ഗ്രാറ്റ്‌സ് മുത്തേ, മൈ ചക്കരേയെന്നായിരുന്നു താരം കുറിച്ചത്. റൂബി സെറ്റ് സാരിയണിഞ്ഞപ്പോള്‍ മുണ്ടും കുര്‍ത്തിയുമണിഞ്ഞായിരുന്നു അജാസ് എത്തിയത്. അജാസിനൊപ്പം ചേര്‍ന്നുനിന്നുള്ള ചിത്രം ഇന്‍സ്റ്റഗ്രാം സ്റ്റോറിയായി റൂബിയും പങ്കുവെച്ചിട്ടുണ്ട്.
താരങ്ങളെല്ലാമായി അടുത്ത സൗഹൃദമുണ്ട് റൂബിക്ക്. അന്‍ഷിത ഉള്‍പ്പടെ നിരവധി പേരാണ് റൂബിക്ക് ആശംസ അറിയിച്ചത്. കാത്തിരിപ്പിനൊടുവിലായി നടന്ന എന്‍ഗേജ്‌മെന്റിന്റെ ചിത്രങ്ങള്‍ പങ്കുവെച്ച് അജാസിന്റെ സുഹൃത്തുക്കളും എത്തിയിരുന്നു. പ്രിയപ്പെട്ടവരുടെ കുറിപ്പുകള്‍ ഇന്‍സ്റ്റഗ്രാം സ്റ്റോറിയായി റൂബിയും അജാസും പോസ്റ്റ് ചെയ്തിട്ടുണ്ട്
അവതാരകയായാണ് റൂബിയുടെ കരിയര്‍ തുടങ്ങിയത്. കൊച്ചു ടിവിയില്‍ പരിപാടി അവതരിപ്പിച്ച് വരുന്നതിനിടയിലായിരുന്നു ബിഗ് സ്‌ക്രീനിലേക്ക് അവസരം ലഭിച്ചത്. 2013 ലായിരുന്നു റൂബി വേഷമിട്ട റെഡ് റെയ്ന്‍ എന്ന സയന്‍സ് ഫിക്ഷന്‍ ചിത്രം റിലീസ് ചെയ്തത്. ഇന്ദിരയിലൂടെയായിരുന്നു റൂബി സീരിയലില്‍ ചുവടുറപ്പിച്ചത്. ജയ്ഹിന്ദ് ചാനലില്‍ സംപ്രേഷണം ചെയ്ത മിറക്കിള്‍സ് ഓഫ് വല്ലാര്‍പാടത്തമ്മയിലും റൂബി അഭിനയിച്ചിരുന്നു. പരസ്പരത്തില്‍ അഭിനയിച്ചതോടെയായിരുന്നു റൂബിയുടെ കരിയര്‍ മാറിമറിഞ്ഞത്.
രേവതി കൃഷ്ണയ്ക്ക് പകരക്കാരിയായി സുചിത്രയെ അവതരിപ്പിച്ചത് റൂബിയായിരുന്നു. പടിപ്പുര വീട്ടില്‍ പത്മാവതിയമ്മയായി രേഖ രതീഷും ദീപ്തി ഐപിഎസായി ഗായത്രയും വേഷമിട്ട പരസ്പരത്തിന് മികച്ച സ്വീകാര്യതയായിരുന്നു ലഭിച്ചത്. പത്മാവതിയുടെ മകളായ സുചിത്ര തുടക്കത്തില്‍ നെഗറ്റീവും പിന്നീട് പോസിറ്റീവുമായി മാറിയ കഥാപാത്രമായിരുന്നു.
