’20 ലക്ഷം രൂപയുടെ ഹോം തിയേറ്ററും 9 ലക്ഷം ചെലവിൽ ലിഫ്റ്റും’! വിമർശകർക്ക് സുബി സുരേഷിന്റെ മാസ് മറുപടി!

സിനിമാ തിയേറ്ററും ലിഫ്റ്റുമുള്ള കോട്ടയത്തെ ഒരു വീട് പരിചയപ്പെടുത്തുകയായിരുന്നു കഴിഞ്ഞ ദിവസം
സുബി സുരേഷ്. 20 ലക്ഷം രൂപ മുടക്കി വീട്ടില്‍ തയ്യാറാക്കിയ സിനിമാ തിയേറ്ററും 9 ലക്ഷത്തിന്റെ ലിഫ്റ്റും എന്നായിരുന്നു സുബി സുരേഷ് പങ്കുവെച്ച വീഡിയോയുടെ ക്യാപ്ഷന്‍

നിമിഷനേരം കൊണ്ടാണ് വീഡിയോ വൈറലായി മാറിയത്. ഇതിന് പിന്നാലെതാരത്തെ വിമര്‍ശിച്ച് ചിലരെത്തി. വീഡിയോ മുഴുവൻ കാണാതെയാണ് പലരും വിമർശിച്ചത്

നമ്മുടെയൊരു സുഹൃത്ത് ചേട്ടനാണ് വെറൈറ്റിയായിട്ടുള്ള കാര്യങ്ങള്‍ കാണിച്ച് തരാമെന്ന് പറഞ്ഞ് ഇങ്ങോട്ട് വിളിക്കുകയായിരുന്നു. ഇത്രോം വലിയൊരു വീടൊന്നും ഞാന്‍ കണ്ടിട്ടില്ലെന്ന് പറഞ്ഞായിരുന്നു സുബി വീടിനകത്തേക്ക് കയറിയത്. ബിസിനസുകാരനായ ക്ലൈന്‍സിന്റെ വീടും വീട്ടുകാരേയും വീട്ടിനകത്തെ സംവിധാനങ്ങളുമൊക്കെയാണ് സുബി പരിചയപ്പെടുത്തിയത്.

ക്ലൈന്‍സിനേയും കുടുംബത്തേയുമായിരുന്നു സുബി പ്രേക്ഷകര്‍ക്ക പരിചയപ്പെടുത്തിയത്. ടെറസുള്‍പ്പടെ 4 നിലയുള്ള വീടാണ്. വീട്ടിനകത്ത് സ്വിമ്മിംഗ് പൂളും സിനിമാ തിയേറ്ററും ലിഫ്റ്റ് സംവിധാനങ്ങളുമൊക്കെയുണ്ട്. 18 സീറ്റുള്ള തിയേറ്ററായിരുന്നു വീട്ടിനകത്ത് ഒരുക്കിയത്. ഇത് അടിപൊളി, ശരിക്കും ഞെട്ടിച്ചുവെന്നായിരുന്നു തിയേറ്റര്‍ കണ്ടപ്പോള്‍ സുബി പറഞ്ഞത്. ക്ലൈന്‍സാണ് തിയേറ്ററില്‍ കൂടുതല്‍ സമയം ചെലവഴിക്കുന്നത്.

നാട്ടില്‍ വരുമ്പോള്‍ അങ്ങനെ പണിയൊന്നുമില്ല. ഷാര്‍ജയിലാണ്. അവിടെ തിയേറ്ററിലൊക്കെ പോവുമ്പോള്‍ എനിക്കും ഇത് പോലെയുള്ള അന്ന് വേണമെന്ന് ആഗ്രഹമുണ്ടായിരുന്നു. പണ്ട് മുതലേ സിനിമ നന്നായി കാണാറുണ്ട്. ദിലീഷ് പോത്തന്‍ നമ്മുടെ അയല്‍ക്കാരനാണ്. പുള്ളിക്ക് എന്നെ അറിയില്ല. ഷാര്‍ജയും അരുണുമാണ് ഈ തിയേറ്ററിന് പ്രചോദനമായതെന്നായിരുന്നു ക്ലൈന്‍സ് പറഞ്ഞത്.

അരുണാണ് തിയേറ്റര്‍ ഒരുക്കിയത്. ചെറുപ്പം മുതലേ മനസ്സിലുള്ള പ്ലാനാണ്. 2016ലാണ് തിയേറ്റര്‍ വര്‍ക്ക് ചെയ്ത് തുടങ്ങിയത്. ശരിക്കും സിനിമാതിയേറ്റര്‍ ചെയ്യുന്ന പോലെയാണ് ഇത് ചെയ്തത്. സീറ്റിന്റെ ഉയരവും കിടക്കാനുള്ള സൗകര്യമൊക്കെ ഒരുക്കിയിട്ടുണ്ട്. അത് പോലെ തന്നെ സ്പീക്കറെല്ലാം വാളിനകത്താണ്. പുറത്ത് കാണാനൊന്നുമില്ല. സുഖകരമായി സിനിമ കാണാനാവും. തിയേറ്ററിനകത്ത് ഉപയോഗിച്ച ഉപകരണങ്ങളുടെ പ്രത്യേകതകളെക്കുറിച്ചെല്ലാം അരുണ്‍ വിശദീകരിച്ചിരുന്നു.

ഇതൊക്കെ ചെയ്യാനായിട്ട് എത്ര വരുമെന്നായിരുന്നു സുബി ചോദിച്ചത്. 4 ലക്ഷം മുതല്‍ 20 ലക്ഷം വരെ പോവും. 20 ലക്ഷയോളം മുടക്കിയാണ് ഇത് ചെയ്തത്. അതിനുള്ള മുതലുണ്ടെന്നായിരുന്നു സുബിയുടെ കമന്റ്. കോട്ടയം ജില്ലയിലെ ഏറ്റവും വലിയ വീടുകളിലൊന്നിലെ വലിയ തിയേറ്ററാണ് ഇവിടത്തേത്. 45 ദിവസമെടുത്താണ് ഈ തിയേറ്ററിന്റെ പണി പൂര്‍ത്തിയാക്കിയത്. തിയേറ്ററിന് പുറമെ വീട്ടിലെ ലിഫ്്റ്റിനെക്കുറിച്ചും സുബി ചോദിച്ചിരുന്നു. 9 ലക്ഷം രൂപ മുടക്കിയാണ് ലിഫ്റ്റ് ചെയ്തത്.

വീഡിയോ പങ്കുവെച്ച സുബി സുരേഷിനെ വിമര്‍ശിച്ചായിരുന്നു ഒരുവിഭാഗമെത്തിയത്. മലര് എന്ന കമന്റിന് പൂവെന്ന മറുപടിയായിരുന്നു സുബി നല്‍കിയത്. വീഡിയോ കാണാതെയാണ് പലരും വിമര്‍ശനങ്ങള്‍ ഉന്നയിച്ചത്. മാന്യമായ് ജോലി ചെയ്ത് ജീവിച്ചവര്‍ ഇപ്പോള്‍ നിലനില്‍പ്പിനായ് നെട്ടോട്ടമോടുമ്പോള്‍ നാണമില്ലേ നിങ്ങള്‍ക്ക് ഇത് പോലെ ഊള പോസ്റ്റുമായി ഇറങ്ങിത്തിരിക്കാനെന്നായിരുന്നു ഒരാളുടെ ചോദ്യം.

കഷ്ടപ്പെടുണ്ടാക്കിയ പണം കൊണ്ടാണ് മാഷേ ഇതെല്ലാം ചെയ്തിരിക്കുന്നത്. പിന്നെ ഇതൊക്കെ കാണേണ്ടെങ്കില്‍ പിന്നെ എന്തിനാണ് ചേട്ടന്‍ എന്‍റെ പേജ് നോക്കുന്നതും ഈ കമന്‍റിടുന്നതുമെന്നായിരുന്നു സുബിയുടെ മറുപടി