സ്ത്രീധനം കൊടുത്താണ് വിവാഹം കഴിച്ചത്; അതെല്ലാം എടുത്ത് അയാൾ എന്നെ ഉപേക്ഷിച്ചുപോയി, അദ്ദേഹത്തിന്റെ ക്രൂര പീഡനങ്ങൾക്ക് ഒടുവിൽ ആ കുഞ്ഞു അബോർഷൻ ആയി. വീടിന്റെ കിണറ്റിലേക്ക് എടുത്തു ചാടിയ അവസ്ഥ ഉണ്ടായിട്ടുണ്ട്; രാത്രിയിൽ തെരുവിൽ ചെലവഴിച്ച താൻ ചുറ്റുമുള്ള ആളുകളിൽ നിന്ന് പുതിയ കാര്യങ്ങൾ പഠിച്ചു

ആക്ടിവിസ്റ്റായും , ബിഗ് ബോസ്സിലെ മത്സരാർഥിയായും എത്തി പ്രേക്ഷകരുടെ ശ്രദ്ധ നേടിയ താരമാണ് ദിയ സന. ഏത് വിഷയത്തെയും കുറിച്ച് തന്റെ അഭിപ്രായങ്ങളും, നിലപാടുകളും ദിയ സോഷ്യൽ മീഡിയയിലൂടെ തുറന്ന് പറയാറുണ്ട്.

ഇപ്പോൾ ഇതാ ദിയയുടെ ചില തുറന്നുപറച്ചിലുകൾ ആണ് സോഷ്യൽമീഡിയയിൽ വീണ്ടും വൈറലാകുന്നത്. ജോഷ് ടോക്ക് എന്ന പരിപാടിയിലാണ് ദിയ തുറന്ന് പറച്ചിൽ നടത്തിയത്

ദിയയുടെ വാക്കുകളിലേക്ക്….

തിരുവനന്തപുരത്ത് വെമ്പായം എന്നുപറഞ്ഞ സ്ഥലത്താണ് താൻ ജനിച്ചു വളർന്നത് എന്ന് പറഞ്ഞു തുടങ്ങുന്ന ദിയ കുട്ടിക്കാലം മുതലുളള വിശേഷങ്ങൾ പങ്ക് വച്ചു. പണ്ടുമുതലേ പാടാൻ ഉള്ള കഴിവുണ്ടായിരുന്നു. മറ്റു ലോകവിവരങ്ങൾ ഒന്നും അറിയാത്ത ഒരു സാധാ മുസ്ളീം കുടുംബത്തിൽ നിന്നുള്ള ആളായിരുന്നു അന്ന് താനെന്നും ദിയ വീഡിയോയിലൂടെ പറയുന്നു. ഉമ്മയാണ് തന്നെ ജീവിതത്തിൽ ഏറ്റവും കൂടുതൽ പിന്തുണച്ചത്

മറ്റൊരു കൾച്ചർ ആയിരുന്നു എങ്കിലും കൂടുതൽ പുറത്തേക്ക് വരാൻ തനിക്ക് ആദ്യ കാലങ്ങളിൽ കഴിഞ്ഞിരുന്നില്ല എന്നും ദിയ പറയുന്നു. ” രാത്രികാലങ്ങളിൽ വീട്ടിൽ ഉള്ളവരെ ധിക്കരിച്ചും, ഒളിച്ചും പാത്തും സ്റ്റേജ് പരിപാടികൾക്കൊക്കെ പോയിട്ടുണ്ട്.

അങ്ങിനെയാണ് സമ്മാനങ്ങൾ വാങ്ങിച്ചിട്ടുള്ളത്. ആ സമയത്തും ഉപദ്രവിച്ചാൽ കൂടിയും ഉമ്മ ആയിരുന്നു ഒരുപാട് പിന്തുണച്ചിട്ടുള്ളത്. എങ്കിലും അമ്മാവന്മാർക്കും മറ്റും ഞാൻ ഓർത്തഡോക്സ് രീതിയിൽ നിന്നും പുറത്തുകടക്കുന്നതിനോട് എന്നും എതിർപ്പായിരുന്നു.

‘ പത്താം ക്ലാസ്സ് കഴിഞ്ഞപ്പോൾ വിവാഹം, അതുകഴിഞ്ഞപ്പോൾ കുഞ്ഞു ജനിക്കുന്നു. ശരിക്കും എന്നെ ഇഷ്ടപ്പെട്ടു ചോദിച്ചുവന്നു വിവാഹം കഴിച്ചതാണ്. എന്നാൽ നാട് മുഴുവനും അറിയുന്നത് ഞാൻ പ്രേമിച്ചു വിവാഹം കഴിച്ചു എന്നാണ്. ആദ്യമായി സദാചാരപ്രശ്നം നേരിടുന്നത് അപ്പോഴാണ്. അദ്ദേഹത്തിന്റെ ഫാമിലി ബാക്ഗ്രൗണ്ടൊക്കെ നോക്കിയപ്പോൾ അതൊക്കെ അടിപൊളിയാണ് അങ്ങിനെയാണ് വിവാഹം നടക്കുന്നത്. പക്ഷെ പുള്ളിക്കാരനെ സംബന്ധിച്ചിടത്തോളം വലിയ ലോകപരിചയമോ ജോലിയോ ഒന്നും ഇല്ലാതെ കഴിഞ്ഞിരുന്ന ഒരാൾ ആയിരുന്നു ഭർത്താവ്

‘പ്രേമിച്ചു വിവാഹം കഴിച്ചു എന്ന് പറയുന്നത് അന്ന് സമൂഹത്തിൽ വലിയ തെറ്റായിരുന്നു. പ്രത്യേകിച്ചും ഒരു മുസ്‌ലിം കുടുംബത്തിൽ ജനിച്ചുവളർന്ന എനിക്ക് അത് തെറ്റ് തന്നെ ആയിരുന്നു. ഞാൻ അയാളെ കണ്ടിട്ടുണ്ട് എന്നത് വസ്തുതയാണ്.

അയാൾ എന്നെയും കണ്ടിട്ടുണ്ട്. പക്ഷെ പ്രണയം ഉണ്ടായിരുന്നില്ല. അങ്ങനെ വിവാഹം കഴിഞ്ഞ ശേഷമുള്ള എന്റെ കുടുംബ ജീവിതം എന്റെ മാമന്മാർക്ക് ഉൾക്കൊള്ളാൻ പറ്റുന്നത് ആയിരുന്നില്ല. ഞാനും ഉമ്മച്ചിയും മറ്റുമക്കളും തമ്മിൽ വഴക്ക് ഉണ്ടാക്കാൻ മാമന്മാരും മറ്റും ശ്രമിച്ചിട്ടുണ്ട്. എന്നാൽ അപ്പോഴും അവർ അത് തിരിച്ചറിയും എന്നാണ് ഞാൻ വിശ്വസിച്ചത്. എന്നാൽ അവർക്ക് ഒരുമാറ്റവും ഉണ്ടായില്ല. എന്നെ അടിച്ചമർത്താൻ ആണ് അവർ ശ്രമിച്ചിരുന്നത്’

നിങ്ങൾ കാണുന്ന ദിയ സനക്ക് പിറകിൽ ഒരു ചരിത്രം തന്നെയുണ്ട്. നമ്മളുടെ ജീവിതം തന്നെയാണ് നമ്മളെ ശരിക്കും ജീവിക്കാൻ പാകപ്പെടുത്തിയെടുക്കുന്നത്. മകന് ഒന്നര വയസ്സ് ഉള്ളപ്പോൾ ആണ് ഞാൻ എന്റെ ഉമ്മയുടെ കയ്യിൽ ഏല്പിച്ചിട്ട് അവിടെ നിന്നും ഇറങ്ങുന്നത്. അതിനു കുഞ്ഞിനെ നോക്കാത്തവൾ എന്ന പഴി കേട്ടിട്ടുണ്ട്. ഇവൾ ചെയ്യുന്ന തൊഴിൽ വേറെയാണ്. വൃത്തികെട്ട രീതിയിൽ ആണ് നടക്കുന്നത്. പ്രശ്നക്കാരി ഒക്കെയാണ് എന്ന് ആളുകൾ പറഞ്ഞുണ്ടാക്കി. സദാചാരഗുണ്ടായിസം

രാത്രിയിൽ തെരുവിൽ ചെലവഴിച്ച താൻ ചുറ്റുമുള്ള ആളുകളിൽ നിന്ന് പുതിയ കാര്യങ്ങൾ പഠിച്ചുകൊണ്ട് ഒരു പുതിയ ജീവിതം ആരംഭിച്ചു എന്നും വീഡിയോയിലൂടെ പറയുന്നു. അതിജീവനത്തിനും കുടുംബത്തെ പോറ്റുന്നതിനും ആയി വീട്ടുവേല ചെയ്തിട്ടുണ്ട് എന്നും, തെരുവിൽ കിടന്നുറങ്ങിയ അവസ്ഥ വരെ ഉണ്ടായിട്ടുണ്ട് എന്നും ദിയ പറയുന്നു.

ആ സമയം ഫ്ലാറ്റിൽ ആണ് താമസം എന്നായിരുന്നു ഉമ്മയോട് പറയുന്നതെന്നും, തന്നാൽ കഴിയുന്ന സഹായം വീട്ടിൽ കൊടുക്കുമായിരുന്നതായും ദിയ വ്യക്തമാക്കി. അങ്ങനെ തകർച്ചയിൽ നിന്നും പടിപടിയായിട്ടാണ് താൻ ജീവിതത്തിൽ വിജയം കൈവരിച്ചത്

എന്റെ ഭർത്താവിനു സ്ത്രീധനം കൊടുത്താണ് വിവാഹം കഴിച്ചത്. അതെല്ലാം എടുത്തിട്ടാണ് അയാൾ എന്നെ ഉപേക്ഷിച്ചുപോയത്. പിന്നീട് ഇടക്ക് അയാൾ തിരിച്ചുവരികയും താൻ വീണ്ടും ഗർഭിണി ആവുകയും ചെയ്തു.

എന്നാൽ അദ്ദേഹത്തിന്റെ ക്രൂര പീഡനങ്ങൾക്ക് ഒടുവിൽ ആ കുഞ്ഞു അബോർഷൻ ആവുകയും ചെയ്തു. ഈ പ്രശ്നങ്ങൾ ഒക്കെ കാരണം വീടിന്റെ കിണറ്റിലേക്ക് എടുത്തു ചാടിയ അവസ്ഥ വരെ ഉണ്ടായിട്ടുണ്ട്. ഇതൊക്കെ നാട്ടുകാർക്ക് അറിവുള്ളതാണ്. അത്രയും പ്രശ്നങ്ങൾ തരണം ചെയ്തിട്ടാണ് ഞാൻ അവിടെ നിന്നും ഇറങ്ങുന്നത്. അന്നൊന്നും ആരും പിന്തുണക്കാൻ ഉണ്ടായില്ല’ എന്ന് പറഞ്ഞ ദിയ ബിഗ് ബോസിലേക്ക് എത്താൻ കിട്ടിയ അവസരത്തെ കുറിച്ചും പറഞ്ഞു. ‘ആ ഒരു ഷോയാണ് എന്റെ ജീവിതത്തിലെ എന്റെ ഏറ്റവും വലിയ അച്ചീവ്‌മെന്റ്’ എന്നും ദിയ തുറന്നുപറഞ്ഞു.