ഭാഗ്യലക്ഷ്മിക്ക് കൈ കൊടുത്ത് ഫിറോസ് ഖാൻ!

ബിബി വീട്ടിൽ ഇപ്പോൾ പ്രണയമൊന്നുമല്ല വിഷയം, ഭക്ഷണമാണ് ഇവിടെ വില്ലൻ . ശരീരമനങ്ങാതെയിരുന്ന് ഭക്ഷണം കഴിക്കുന്ന ചിലരുണ്ടെന്ന് ഫിറോസ് ഖാൻ പറഞ്ഞതിനെ വ്യക്തിപരമായാണ് ഭാഗ്യലക്ഷ്മി എടുത്തത്. ഇത് തന്നെ വല്ലാതെ വിഷമിപ്പിച്ചുവെന്നും ഭക്ഷണം കഴിക്കുന്നില്ലെന്നും ബിഗ് ബോസിനോട് ക്യാമറയിൽ നോക്കി ഭാഗ്യലക്ഷ്മി വ്യക്തമാക്കുകയുണ്ടായി.

അതിനു ശേഷം ഇത്തരത്തിൽ ഭക്ഷണത്തെ ഇൻസൾട്ട് ചെയ്യുന്നത് തന്നെ ഇൻസൾട്ട് ചെയ്യുന്നതിന് തുല്യമാണെന്ന് സജ്ന പറഞ്ഞു . ഇതോടെ ഭാഗ്യലക്ഷ്മി നേരിട്ടെത്തി സജ്നയോട് സംസാരിച്ചു. ഒരാളുടെ മനസ്സിനെ വേദനിപ്പിക്കുന്നതിൽ ഒരു പരിധിയുണ്ട്, എന്താണ് ഫിറോസ് എന്നെ ഇത്രയും ടാർഗെറ്റ് ചെയ്യുന്നത്. ഗെയിമാണെങ്കിലും ആരോഗ്യപരമായിട്ടായിക്കൂടെയന്നും ഭാഗ്യലക്ഷ്മി ചോദിച്ചു.

ഫിറോസ് ഖാൻ പറയുന്ന കാര്യങ്ങൾക്ക് മറുപടി പറയാൻ പോലും തോന്നുന്നില്ല. സഹികെട്ടാണ് മാന്യമായ ഭാഷയിൽ ഒടുവിൽ ഞാൻ പ്രതികരിച്ചത്. പലതും ഞാൻ അവഗണിക്കുകയാണ്. സജ്നയോടുള്ള റെസ്പെക്ട് കൊണ്ടാണ് പോട്ടോയെന്ന് വെച്ചത്.

അമ്മേടെ പ്രായമുള്ള സ്ത്രകളോട് ഇങ്ങനെയാണോ അയാൾ പെരുമാറുന്നത്. ചവിട്ടി ചവിട്ടി ഭൂമിയും കഴിഞ്ഞ് പാതാളാം കഴിഞ്ഞ് ഇനി എവിടെ വരെ ഇയാൾ ചവിട്ടും. എന്നെ ഇങ്ങനെ ഇൻസല്‍ട്ട് ചെയ്യുന്നത് എന്‍റെ മക്കൾ കാണുകയല്ലേയെന്നും ഭാഗ്യലക്ഷ്മി ചോദിച്ചു.

ഭാഗ്യലക്ഷ്മിയുടെ വാക്കുകൾ കേട്ട ശേഷം സജ്‌ന ഫിറോസിനോട് സംസാരിക്കുകയുണ്ടായി.. ചേച്ചി ഏറെ ഇമോഷണലായി. ചേച്ചിയോട് ഇക്ക ക്ഷമ പറയണമെന്നും സജ്ന പറഞ്ഞു. ഇതോടെ ഫിറോസ് ഖാനും ഭാഗ്യലക്ഷ്മിയും നേരിൽ കണ്ടു.

താൻ കരഞ്ഞിട്ട് 10 കൊല്ലമായെന്നും ഇവിടെ വന്നപ്പോൾ താങ്കൾ പറഞ്ഞ വിഷക്കടൽ വാക്കു മൂലമാണ് താൻ വീണ്ടും കരഞ്ഞതെന്നും ഭാഗ്യലക്ഷ്മി ഫിറോസ് ഖാനോട് പറഞ്ഞു. വാവിട്ട വാക്ക് തിരിച്ചെടുക്കാൻ പറ്റില്ലെന്നും പറയുകയുണ്ടായി.

ഇതോടെ താനിനി ചേച്ചിയോട് ഫീൽ ചെയ്യുന്ന രീതിയിൽ സംസാരിക്കില്ലെന്നും താൻ മൂലം ഒരാളുടെ അന്നം മുടങ്ങിയതിൽ വിഷമമുണ്ടെന്നും ചേച്ചി വളരെ ബോള്‍ഡാണെന്ന് ഞാൻ മനസ്സിൽ കണ്ടാണ് ഇതൊക്കെ പറയുന്നതെന്നും ഇനി മുതൽ എനിക്ക് വേദനയുള്ള കാര്യങ്ങള്‍ പറഞ്ഞാലും തിരിച്ച് ചേച്ചിയെ താൻ വേദനിപ്പിക്കില്ലെന്നും ഫിറോസ് ഖാൻ പറഞ്ഞു.

ഞാൻ കാരണം ചേച്ചി ഇവിടുന്ന് പോകാൻ പാടില്ലെന്നും ഫിറോസ് ഖാൻ കൈകൊടുത്ത് സൂചിപ്പിക്കുകയുണ്ടായി. വരും ദിവസങ്ങളിൽ ഇവർക്കിടയിൽ ഇനി വഴക്കുണ്ടാകുമോ എന്നാണ് പ്രേക്ഷകർ ചിന്തിക്കുന്നത്.

about bigg boss