പുതിയ നിയമത്തില്‍ മമ്മൂട്ടിയുമായി പൊന്നമ്മ വഴക്കിട്ടു? സത്യാവസ്ഥ വെളിപ്പെടുത്തി പൊന്നമ്മ ബാബു

മലയാള സിനിമയിലെ ശ്രദ്ധേയരായ നടിമാരില്‍ ഒരാളാണ് പൊന്നമ്മ ബാബു. മികച്ച അഭിനയത്തിലൂടെ പ്രേക്ഷക പ്രശംസ നേടിയെടുത്ത പൊന്നമ്മ കൂടുതലായും ഹാസ്യ കഥാപാത്രങ്ങളിലൂടെയാണ് ശ്രദ്ധിക്കപ്പെടുന്നത്. 300-ലധികം ചലചിത്രങ്ങളിലും ടി.വി. സീരിയലുകളിലും കോമഡി ഷോകളിലും അഭിനയിച്ചിട്ടുള്ള പൊന്നമ്മ ബാബു 1996 ലാണ് സിനിമയിലേക്ക് എത്തുന്നത്.

ഇപ്പോൾ ഇതാ എംജി ശ്രീകുമാറിനൊപ്പം പറയാം നേടാമില്‍ എത്തിയപ്പോഴായിരുന്നു പൊന്നമ്മ ബാബു തന്റെ വിശേഷങ്ങള്‍ പങ്കുവെക്കുകയാണ്

മമ്മൂട്ടി, മോഹന്‍ലാല്‍, ദിലീപ് തുടങ്ങിയവരെല്ലാം കൂടെ നിന്ന് പിന്തുണയ്ക്കാറുണ്ടെന്ന് പൊന്നമ്മ പറയുന്നു. പുതിയ നിയമത്തില്‍ അഭിനയിക്കുന്നതിനിടെ മമ്മൂട്ടിയും പൊന്നമ്മയും വഴക്കിട്ടോ, അങ്ങനെ എന്തോ കേട്ടല്ലോയെന്നായിരുന്നു എംജി ശ്രീകുമാറിന്റെ ചോദ്യം. അയ്യോ, മമ്മൂക്കയെ കുറിച്ചോ, ഇതൊക്കെയാണ് ഗോസിപ്പ് എന്ന് പറയുന്നത്. മമ്മൂക്കയെ കുറിച്ച് അങ്ങനെ പറഞ്ഞാല്‍ അത് സമ്മതിക്കില്ല.

പുതിയ നിയമത്തിലെ ആദ്യ ഷോട്ട് എന്റേതായിരുന്നു. കോസ്റ്റിയൂമര്‍ ബ്ലൗസ് സ്റ്റിച്ച് ചെയ്തത് ശരിയായിരുന്നില്ല. അതേക്കുറിച്ച് ഞാന്‍ ചോദിച്ചിരുന്നു. അതിനിടയിലാണ് ഷോട്ടിന് വിളിച്ചത്. ഞാന്‍ മേക്കപ്പ് ഇട്ടിട്ടില്ലെന്ന് പറഞ്ഞപ്പോള്‍ പൊന്നമ്മയ്‌ക്കെന്തിനാണ് മേക്കപ്പ് എന്നായിരുന്നു അവരുടെ ചോദ്യം.

ഡയലോഗൊന്നും നോക്കിയിരുന്നില്ല, പഠിച്ചിരുന്നില്ല. താന്‍ ഡയലോഗ് പഠിച്ചില്ലേയെന്ന് ചോദിച്ചപ്പോള്‍ ഇല്ലെന്നായിരുന്നു പറഞ്ഞത്. താന്‍ നാടകത്തില്‍ നിന്നൊക്കെ വന്നതല്ലേ, ഡയലോഗ് പഠിച്ചില്ലേ, നാടകത്തില്‍ ഡയലോഗ് പഠിക്കാന്‍ 15 ദിവസം തരും.

ആഹാ എന്നാ ശരി, ഇത് 15 ദിവസം കഴിഞ്ഞെടുക്കാമെന്ന് മമ്മൂക്ക പറഞ്ഞു. അപ്പോള്‍ എനിക്ക് വാശിയായി. ആ സമയത്ത് തന്നെ അത് പഠിച്ചു. ഞാന്‍ ഡയലോഗ് പറഞ്ഞു, എല്ലാം ഒറ്റ ടേക്കില്‍ ഓക്കെയായി. പഠിച്ചല്ലോയെന്നായിരുന്നു മമ്മൂക്ക ചോദിച്ചത്. മമ്മൂക്ക അപ്പോഴാണ് ഡയലോഗ് നോക്കിയത്, എടോ എനിക്കും പണി കിട്ടി ഞാനും പഠിച്ചില്ലെന്നായിരുന്നു അദ്ദേഹം പറഞ്ഞത്. അതൊരു തമാശ പോലെ നടന്ന സംസാരമാണ്. തര്‍ക്കമൊന്നുമായിരുന്നില്ല.

മമ്മൂക്കയും ലാലേട്ടനുമെല്ലാം സീന്‍ നന്നാവാനായി ചില ടിപ്‌സ് പറഞ്ഞ് തരാറുണ്ട്. മമ്മൂക്കയും ലാലേട്ടനുമെല്ലാം സഹായയിക്കാറുണ്ട്. അമ്പിളിച്ചേട്ടന്‍, ദിലീപ്, ജയസൂര്യ ഇവരെല്ലാം ഇങ്ങനെ സഹായിക്കുന്നവരാണെന്നും പൊന്നമ്മ ബാബു പറഞ്ഞിരുന്നു.