Connect with us

ചാക്കോച്ചന്റെ അമ്മ മോളി ആന്റി ആണ് ഇത് അയച്ചു തന്നത്, മിസ് യൂ സുധി ചേട്ടാ; വേദനയോടെ റിമി! വീഡിയോ പങ്കിട്ട് താരം

Malayalam

ചാക്കോച്ചന്റെ അമ്മ മോളി ആന്റി ആണ് ഇത് അയച്ചു തന്നത്, മിസ് യൂ സുധി ചേട്ടാ; വേദനയോടെ റിമി! വീഡിയോ പങ്കിട്ട് താരം

ചാക്കോച്ചന്റെ അമ്മ മോളി ആന്റി ആണ് ഇത് അയച്ചു തന്നത്, മിസ് യൂ സുധി ചേട്ടാ; വേദനയോടെ റിമി! വീഡിയോ പങ്കിട്ട് താരം

കൊല്ലം സുധിയുമായുള്ള ഓർമ്മകൾ പങ്കുവെച്ച് ഇപ്പോഴും സഹപ്രവർത്തകർ സോഷ്യൽ മീഡിയയിലൂടെ എത്തുന്നുണ്ട്. സുധി പങ്കെടുക്കുന്ന സ്റ്റാർ മാജിക്കിൽ ഗസ്റ്റ് ആയി വന്നിട്ടുള്ള ഒട്ടുമിക്ക താരങ്ങളും സുധി എന്ന കലാകാരനെയും അദ്ദേഹത്തിനൊപ്പം ചിലവഴിച്ച മുഹൂർത്തങ്ങളും സമൂഹ മാധ്യമങ്ങളിലൂടെ ഓർത്തു വിതുമ്പുകയാണ്. അത്തരത്തിൽ ഗായികയും അവതാരികയുമായ റിമി ടോമി ഇൻസ്റ്റാഗ്രാമിലൂടെ സുധിയെ അനുസ്മരിച്ചുകൊണ്ട് ഷെയർ ചെയ്തിരിക്കുന്ന ഒരു വീഡിയോ ആരാധകരിൽ സങ്കടം നിറയ്ക്കുകയാണ്

“സ്റ്റാർ മാജിക്കിന്റെ ഈ എപ്പിസോഡ് ഇപ്പോഴും ഓർക്കുന്നു, മിസ് യൂ സുധി ചേട്ടാ, ചാക്കോച്ചന്റെ അമ്മ മോളി ആന്റി ആണ് ഈ വീഡിയോ അയച്ചു തന്നത്, നന്ദി” എന്ന കുറിപ്പോടെ ആണ് റിമി സ്റ്റാർ മാജിക്കിന്റെ റിമി പങ്കെടുത്ത ഒരു എപ്പിസോഡിന്റെ വീഡിയോ ഇൻസ്റ്റാഗ്രാമിൽ ഷെയർ ചെയ്തിരിക്കുന്നത്. ഉസ്താദ് എന്ന ചിത്രത്തിലെ വെണ്ണിലാ കൊമ്പിലെ രാപ്പാടി എന്ന് തുടങ്ങുന്ന ഗാനം റിമി ആലപിക്കുന്ന വീഡിയോ ആണിത്. വിഡിയോയിൽ ഉല്ലാസ് പന്തളം, ബിനു അടിമാലി, ഷിയാസ് കരീം, നെൽസൺ എന്നിവരും റിമിയ്ക്കും കൊല്ലം സുധിയ്ക്കും ഒപ്പം ഉണ്ട്. “മഞ്ഞുനീർ തുള്ളിപോൽ നിന്നോമൽ കുഞ്ഞുകൺപീലിയിൽ കണ്ണീരോ” എന്ന വരികൾ ആലപിച്ചുകൊണ്ട് സുധിയ്ക്കടുത്തേക്ക് റിമി പോകുന്നതും സുധി റിമിയുടെ തലയിൽ തലോടി ഒരു ഏട്ടന്റെ സ്നേഹം പങ്കുവയ്ക്കുന്നതും വീഡിയോ കാണുന്ന ഏതൊരു മലയാളിയുടെയും കണ്ണ് നിറയ്ക്കുന്ന കാഴ്ചയാണ്. നിരവധി ആരാധകരാണ് ഈ വീഡിയോയ്ക്ക് താഴെ കമന്റും ആയി എത്തിയിരിക്കുന്നത്. “സുധി ചേട്ടൻ ഇപ്പോഴും ആ വേദിയിൽ തന്നെ ഉള്ളപോലെ തോന്നുന്നു”,” ഈ പാട്ട് കൂടിയായപ്പോൾ സങ്കടം സഹിക്കാൻ പറ്റുന്നില്ല” എന്നൊക്കെയാണ് ആരാധകരിൽ കൂടുതൽ പേരും പറയുന്നത്.

വടകരയിലെ ഒരു പരിപാടിയിൽ പങ്കെടുത്ത ശേഷം തിരുവനന്തപുരത്തേക്ക് മടങ്ങുന്നതിനിടയിലായിരുന്നു കൊല്ലം സുധി സഞ്ചരിച്ച വാഹനം ഒരു പിക്കപ്പുമായി കൂട്ടിയിടിച്ച് അപകടം ഉണ്ടാവുന്നത്. അപകട സമയത്ത് സുധിക്കൊപ്പം സഞ്ചരിച്ചിരുന്ന ബിനു അടിമാലിയും മഹേഷ് കുഞ്ഞുമോനും ഗുരുതര പരിക്കുകളോടെ ആശുപത്രിയിൽ തുടരുകയാണ്. വളവ് തിരിഞ്ഞെത്തിയ പിക്കപ്പ് വാനിൽ സുധി സഞ്ചരിച്ച കാർ ഇടിക്കുകയായിരുന്നു. ഇടിയുടെ ആഘാതത്തിൽ കാറിന്റെ മുൻവശം പൂർണമായി തകരുകയും മുൻസീറ്റിൽ ഇരുന്ന സുധിയ്ക്ക് തലയ്ക്ക് പരിക്കേൽക്കുകയും ആയിരുന്നു. അധികം വൈകാതെ തന്നെ ആശുപത്രിയിൽ എത്തിച്ചെങ്കിലും അദ്ദേഹം വിടപറയുകയായിരുന്നു.

More in Malayalam

Trending

Recent

To Top