Connect with us

ചേച്ചിക്കെതിരെ ഒരു ബോംബ് പൊട്ടിക്കും… സംസാരം വഷളാക്കി ഫിറോസ് ഖാനും ഭാഗ്യലക്ഷ്മിയും..!

Malayalam

ചേച്ചിക്കെതിരെ ഒരു ബോംബ് പൊട്ടിക്കും… സംസാരം വഷളാക്കി ഫിറോസ് ഖാനും ഭാഗ്യലക്ഷ്മിയും..!

ചേച്ചിക്കെതിരെ ഒരു ബോംബ് പൊട്ടിക്കും… സംസാരം വഷളാക്കി ഫിറോസ് ഖാനും ഭാഗ്യലക്ഷ്മിയും..!

ബിഗ് ബോസിൽ പുതിയ മത്സരാർത്ഥികൾ വന്നതുമുതൽ പതിവായി തർക്കങ്ങളും അടിയും നടക്കുകയാണ്. അപ്പോൾ തന്നെ ഊഹിക്കാം വന്നവർ തന്നെയാണ് അടിയും വഴക്കും തുടങ്ങി വച്ചിരിക്കുന്നത്. ഇപ്പോൾ ഫിറോസ് ഖാനും സജ്‍നയും മറ്റുള്ളവരും തമ്മിലുള്ള സംഭാഷണങ്ങളാണ് പതിവായി പ്രശ്നങ്ങളാകുന്നത്. ഭാഗ്യലക്ഷ്‍മിയുമായിട്ടുള്ള ഒരു വിഷയത്തെ ചുറ്റിപ്പറ്റിയായിരുന്നു വഴക്കുകൾക്ക് തുടക്കം. തന്നെ ഒറ്റപ്പെടുത്തുന്നുവെന്ന് ഫിറോസ് ഖാൻ പറയുന്നത് ശരിയല്ലെന്ന് കിടിലൻ ഫിറോസ് പറഞ്ഞു. ആരും ആരെയും ഒറ്റപ്പെടുത്തുന്നില്ല എന്നും കിടിലൻ ഫിറോസ് പറഞ്ഞു. എന്നാല്‍ തനിക്ക് എതിരെ അമ്പുകള്‍ വരുമ്പോള്‍ അത് എടുത്ത് ഉമ്മ വയ്‍ക്കാൻ തനിക്ക് ആകില്ലെന്നാണ് ഇതിനെതിരെ ഫിറോസ് ഖാൻ പറഞ്ഞത്. മറ്റൊരാള്‍ പറയാത്ത കാര്യം പറഞ്ഞെന്ന് വരുത്തുന്നത് ശരിയല്ലെന്ന് അനൂപ് പ്രതികരിച്ചു. സജ്‍ന കള്ളം പറയുകയാണ് എന്ന് സന്ധ്യാ മനോജും മജ്‍സിയയും ഉറപ്പിച്ചു പറയുന്നുണ്ടായിരുന്നു.

ഫിറോസ് ഖാൻ കളവ് പറയുന്നുവെന്നും പലരോടും ചിലരെ കുറിച്ച് മോശം പറയുന്നുവെന്നും വ്യക്തമാക്കി രൂക്ഷമായി പ്രതികരിച്ച് അനൂപ് കൃഷ്‍ണനും രംഗത്ത് എത്തി. അനൂപ് കൃഷ്‍ണനല്ല അത് പറയേണ്ടത് എന്ന് ഫിറോസ് ഖാൻ പറഞ്ഞു. എന്നാല്‍ മിഷേല്‍ ഫിറോസിനോട് എന്തുകൊണ്ടാണ് പറഞ്ഞത് അതുപോലെ ഒരു വിഷയമുണ്ടായാല്‍ ഇവിടെ പരസ്‍പരം അടുപ്പമുള്ളവര്‍ തമ്മില്‍ പറയുമെന്നും അനൂപ് കൃഷ്‍ണനും വിശദീകരിക്കുന്നുണ്ടായിരുന്നു.

തര്‍ക്കം രൂക്ഷമായതോടെ ഭാഗ്യലക്ഷ്‍മി ഇടപെട്ടു. തന്നെ കുറിച്ചാണ് എല്ലാവരും പറയുന്നത്. ചേച്ചിക്കെതിരെ ഒരു ബോംബ് പൊട്ടിക്കും എന്ന് പറഞ്ഞ് പലതവണ പിന്നാലെ വന്ന് ഫിറോസ് ഖാൻ ശല്യപ്പെടുത്തിയെന്ന് ഭാഗ്യലക്ഷ്‍മി പറഞ്ഞു. ആദ്യം ഒഴിവായി മാറിയെങ്കിലും ഒടുവില്‍ എന്തെങ്കിലും ചെയ്യെന്ന് പറഞ്ഞു. തന്റെ വ്യക്തിപരമായ കാര്യങ്ങള്‍ മൂന്നാമതൊരാളോട് താൻ പറയേണ്ട ആവശ്യമില്ല. പുറത്തെ കാര്യങ്ങള്‍ ഇവിടെ പറയേണ്ട ആവശ്യമില്ല എന്നും ബിഗ് ബോസ് അറിയിച്ചതായി ഭാഗ്യലക്ഷ്‍മി വ്യക്തമാക്കി.

എല്ലാവരും പിരിഞ്ഞ് കഴിഞ്ഞും തുടര്‍ന്ന് ചര്‍ച്ചകള്‍ നടന്നു. സജ്‍ന മറ്റുള്ളവരോട് കാര്യങ്ങള്‍ അവതരിപ്പിക്കുന്നുണ്ടായിരുന്നു. എല്ലാവരും ഫിറോസ് ഖാനെ മനപൂര്‍വം ഒഴിവാക്കുന്നുവെന്ന് സജ്‍ന പറഞ്ഞു. അങ്ങനെ ആരും ആരെയും ഒഴിവാക്കുന്നില്ല എന്ന് മണിക്കുട്ടനും നോബിയും പറഞ്ഞു. അല്ല ഭാഗ്യലക്ഷ്‍മി ചേച്ചി തന്നെ അക്കാര്യം പറഞ്ഞുവെന്ന് സജ്‍ന വ്യക്തമാക്കി. ഫിറോസ് ഖാനെ ഞങ്ങള്‍ക്ക് എല്ലാവര്‍ക്കും പേടിയാണ് അതുകൊണ്ട് അവഗണിക്കാൻ ഞങ്ങള്‍ എല്ലാവരും തീരുമാനിച്ചുവെന്ന് ഭാഗ്യലക്ഷ്‍മി പറഞ്ഞതായി സജ്‍ന സൂചിപ്പിച്ചു. എന്നാല്‍ അങ്ങനെയൊരു സംഭവം ഉണ്ടായിട്ടില്ലെന്ന് അവിടെയുണ്ടായിരുന്ന മജ്‍സിയയും സന്ധ്യാ മനോജും പറഞ്ഞു. ഭാഗ്യലക്ഷ്‍മിയോട് സജ്‍ന സംസാരിച്ചപ്പോള്‍ തങ്ങളും അവിടെ ഉണ്ടായിരുന്നുവെന്ന് മജ്‍സിയ അവിടെ വച്ചുതന്നെ തുറന്നു പറയുന്നുണ്ട്. പച്ചക്കള്ളമാണ് സജ്‌ന പറയുന്നത് എന്നാണ് ഇരുവരും പറയുന്നത്.

ഒപ്പം സജ്ന ആവർത്തിച്ച് ആത്മഹത്യ ചെയ്യും എന്ന് പറയുകയുണ്ടായി. ആത്മഹത്യ ചെയ്യുമെന്നൊന്നും പറയരുത് എന്ന് നോബിയും മണിക്കുട്ടനും പറഞ്ഞു. എന്നാല്‍ നിങ്ങള്‍ പറഞ്ഞപ്പോള്‍ തമാശ പോലെ താൻ അത് അംഗീകരിച്ചതാണ് എന്നായിരുന്നു സജ്‍ന കൊടുത്ത മറുപടി. തനിക്ക് അങ്ങനെ പറഞ്ഞതായി ഓര്‍മയില്ലെന്നും സജ്‍ന പറഞ്ഞു. എന്തൊരു അഭിനയമാണ് ഇതെന്നെയിരുന്നു സന്ധ്യാ മനോജും മജ്‍സിയയും പിന്നീട് മറ്റുള്ളവരോട് പറഞ്ഞത്. എന്നാൽ കൺഫെഷൻ റൂമിൽ ബിഗ് ബോസ് സജ്നയെ വിളിക്കുമ്പോഴും അവിടെ സജ്‌ന സംസാരിക്കുമ്പോഴും സത്യം പറയുന്നുണ്ട്. പിന്നീട് ഫിറോസ് ഖാന് ഇവിടെ വന്ന് ഭ്രാന്തായി എന്ന് കിടിലൻ ഫിറോസ് സജ്‍നയോട് പറയുന്നതായും കാണിക്കുന്നുണ്ട് .

about bigg boss

More in Malayalam

Trending

Recent

To Top