ജീവിതത്തില്‍ ഇത്രയും നല്ലൊരു ബര്‍ത്ത് ഡേ ഇതുവരെയുണ്ടായിട്ടില്ല, ഇനി ഉണ്ടാവുമോയെന്നറിയില്ല; കണ്ണും മനസും നിറയ്ക്കുന്ന വീഡിയോയുമായി ലക്ഷ്മി നക്ഷത്ര!
പ്രേക്ഷകര്‍ക്ക് പ്രിയങ്കരിയായി മാറിയ അവതാരകയാണ് ലക്ഷ്മി നക്ഷത്ര. ടമാര്‍ പഠാറിലും സ്റ്റാര്‍ മാജിക്കിലൂടെയുമായി ആരാധകരുടെ സ്വന്തമായി മാറുകയായിരുന്നു ലക്ഷ്മി. ചിന്നു എന്നാണ് ആരാധകരും ലക്ഷ്മിയെ വിളിക്കുന്നത്. യൂട്യൂബ് ചാനലിലൂടെയായും ലക്ഷ്മി വിശേഷങ്ങള്‍ പങ്കിടാറുണ്ട്. ചിന്നുവെന്നാണ് ആരാധകര്‍ ലക്ഷ്മിയെ വിളിക്കാറുള്ളത്. പിറന്നാള്‍ ദിനത്തില്‍ തനിക്ക് ലഭിച്ച സര്‍പ്രൈസിനെക്കുറിച്ച് പറഞ്ഞുള്ള വീഡിയോ വൈറലായിക്കൊണ്ടിരിക്കുകയാണ്. മാജിക് പ്ലാനറ്റില്‍ വെച്ചായിരുന്നു ലക്ഷ്മി നക്ഷത്ര പിറന്നാളാഘോഷിച്ചത്.
ഈ ബര്‍ത്ത് ഡേ ഞാനെങ്ങനെ മറക്കുമെന്ന ക്യാപ്ഷനോടെയായാണ് ലക്ഷ്മി വീഡിയോ പോസ്റ്റ് ചെയ്തത്. ജീവിതത്തിലെ ഏറ്റവും മികച്ച ബര്‍ത്ത് ഡേ സെലിബ്രേഷനാണ് ഇത്തവണത്തേതെന്നും ലക്ഷ്മി കുറിച്ചിരുന്നു. വീഡിയോ ഇതിനകം തന്നെ ട്രന്‍ഡിംഗില്‍ ഇടം നേടിക്കഴിഞ്ഞിട്ടുണ്ട്. കുഞ്ഞുമക്കളുടെ കൂടെ അവരെ ചിരിപ്പിച്ച്,രസിപ്പിച്ച് അവരുടെ മാജിക്കൊക്കെ കണ്ട് ആഘോഷിക്കാനായാണ് ഞാന്‍ തീരുമാനിച്ചിട്ടുള്ളത്. ലക്ഷ്മി വരൂ, നമുക്ക് ഇവിടെ ബര്‍ത്ത് ഡേ ആഘോഷിക്കാമെന്ന് പറഞ്ഞ് തന്നെ ഇങ്ങോട്ടേക്ക് ക്ഷണിച്ചത് മുതുകാട് സാറായിരുന്നുവെന്നും ലക്ഷ്മി പറഞ്ഞിരുന്നു.
കുട്ടികള്‍ക്ക് സിമ്പതിയൊന്നുമല്ല വേണ്ടത്. സ്‌നേഹമാണ്. ഇങ്ങനെയുള്ള കുട്ടികളുണ്ടെന്ന് എല്ലാവരും അറിയണം. ഇതൊരു അസുഖമല്ല, ജീവിതകാലം മുഴുവനും അനുഭവിക്കുന്നൊരു അവസ്ഥയാണ്. ഓട്ടിസം, സെറിബ്രല്‍ പാള്‍സി, മള്‍ട്ടിപ്പിള്‍ ഡിസോര്‍ഡര്‍, കണ്ണുകാണാനും ചെവി കേള്‍ക്കാനും പറ്റാത്തവരുമൊക്കെ ഇവിടെയുണ്ട്. മരുന്നൊന്നും ഇവിടെയില്ല. ആര്‍ട്ടിലൂടെയായാണ് നമ്മളവരെ പോത്സാഹിപ്പിക്കുന്നത്. ഇവിടെ വരാനായി ടിക്കറ്റൊന്നുമില്ല. ഇവിടത്തെ ദൈവങ്ങള്‍ എന്ന് പറയുന്നത് എന്റെ മക്കളാണെന്നായിരുന്നു ഗോപിനാഥ് മുതുകാട് ലക്ഷ്മിയോട് പറഞ്ഞത്.
മാജിക്കൊക്കെ ഞാന്‍ ഉപേക്ഷിച്ചു. ഞാനിപ്പോള്‍ 24 മണിക്കൂറും ഇവിടെയാണ്. അവസാന ശ്വാസം വരെ ഞാന്‍ ഇവിടെയുണ്ടാവുമെന്നും അദ്ദേഹം പറഞ്ഞിരുന്നു. ലക്ഷ്മിയുടെ വരവ് അവര്‍ക്കൊരു പോസിറ്റിവിറ്റിയാണ്. ടിവിയില്‍ കണ്ടിട്ടുണ്ടെന്നായിരുന്നു ലക്ഷ്മിയെ കണ്ടപ്പോള്‍ കുട്ടികള്‍ പറഞ്ഞത്. ഇവിടെ വന്നപ്പോള്‍ ഭയങ്കര സന്തോഷമാണ് തോന്നുന്നത്. അതെങ്ങനെ പറഞ്ഞറിയിക്കുമെന്നറിയില്ലെന്നുമായിരുന്നു ലക്ഷ്മി പറഞ്ഞത്.
അതീവ സന്തോഷത്തോടെയായാണ് ലക്ഷ്മിയെ കുട്ടികള്‍ സ്വാഗതം ചെയ്തത്. ലക്ഷ്മിയെ ഒന്ന് കാണണമെന്നും ഇതുപോലെ ചേര്‍ത്തുപിടിക്കണമെന്നാഗ്രഹിച്ചിരുന്നുവെന്നുമായിരുന്നു അമ്മമാര്‍ ലക്ഷ്മിയോട് പറഞ്ഞത്. സനയെ ചേര്‍ത്തുനിര്‍ത്തിയപ്പോള്‍ ഞങ്ങളുടെ മക്കളേയും ലക്ഷ്മി ചേര്‍ത്തുപിടിക്കുമെന്ന് മനസിലായെന്നും അമ്മമാര്‍ ലക്ഷ്മിയോട് പറഞ്ഞിരുന്നു. ജീവിതത്തില്‍ ഇത്രയും നല്ലൊരു ബര്‍ത്ത് ഡേ ഇതുവരെയുണ്ടായിട്ടില്ല. ഇനി ഉണ്ടാവുമോയെന്നറിയില്ലെന്നും ലക്ഷ്മി പറഞ്ഞിരുന്നു
ഈ വീഡിയോ ഞങ്ങളുടെ എല്ലാവരുടെയും കണ്ണും മനസും നിറച്ചു. പിറന്നാള്‍ അവരോടൊപ്പം ചെലവഴിച്ച ചിന്നു ചേച്ചിക്ക് നന്ദി. ഓരോ ദിവസവും ലക്ഷ്മി ഞെട്ടിക്കുകയാണ്. കണ്ണ് നിറയാതെ ഈ വീഡിയോ കാണാന്‍ കഴിയില്ല, അവരുടെ സന്തോഷം തന്നെയാണ് ചിന്നു ചേച്ചിക്ക് കിട്ടാവുന്ന ഏറ്റവും വലിയ സമ്മാനം. ചേച്ചിയുടെ അനിയത്തിയാവാന്‍ കഴിഞ്ഞതില്‍ അഭിമാനം. കരഞ്ഞുകൊണ്ടല്ലാതെ ഈ വീഡിയോ കാണാന്‍ കഴിയില്ല, തുടങ്ങി നിരവധി കമന്റുകളാണ് വീഡിയോയ്ക്ക് താഴെയുള്ളത്.
