Malayalam
കേസുമായി മുന്നോട്ട് തന്നെയെന്ന് പരാതിക്കാരി; നടന് ശ്രീനാഥ് ഭാസിയെ സ്റ്റേഷന് ജാമ്യത്തില്‍ വിട്ടയച്ചു
കേസുമായി മുന്നോട്ട് തന്നെയെന്ന് പരാതിക്കാരി; നടന് ശ്രീനാഥ് ഭാസിയെ സ്റ്റേഷന് ജാമ്യത്തില്‍ വിട്ടയച്ചു
കഴിഞ്ഞ ദിവസമായിരുന്നു അവതാരകയെ അപമാനിച്ച കേസില്‍ നടന് ശ്രീനാഥ് ഭാസി അറസ്റ്റിലായത്. പിന്നാലെ നടനെ സ്റ്റേഷന് ജാമ്യത്തില്‍ വിട്ടയച്ചു. ഐപിസി 509 (സ്ത്രീത്വത്തെ അപമാനിക്കല്‍) ഐപിസി 354(ലൈംഗിക ചുവയോടെ സംസാരിക്കല്‍) 294 ബി എന്നീ മൂന്ന് വകുപ്പുകള്‍ ചുമത്തിയാണ് ശ്രീനാഥ് ഭാസിയുടെ അറസ്റ്റ് കൊച്ചി മരട് പൊലീസ് രേഖപ്പെടുത്തിയത്.
മൂന്നര മണിക്കൂറോളമാണ് നടനെ ചോദ്യം ചെയ്തത്. കൊച്ചിയിലെ ഹോട്ടലില്‍ നടന്ന അഭിമുഖത്തിന്റെ ദൃശ്യങ്ങളും പൊലീസ് ശേഖരിച്ചിട്ടുണ്ട്. ഈ ദൃശ്യങ്ങള്‍ കേസില്‍ നിര്‍ണായകമാകും.
‘ചട്ടമ്പി’ എന്ന ചിത്രത്തിന്റെ പ്രമോഷന്റെ ഭാഗമായി നടന്ന അഭിമുഖത്തിനിടെ ശ്രീനാഥ് ഭാസി അവതാരകയോട് മോശമായി പെരുമാറി എന്നായിരുന്നു കേസ്. അഭിമുഖത്തിനിടെ തന്നെ ഭീഷണിപ്പെടുത്തിയെന്നും അധിക്ഷേപിച്ചെന്നും അവതാരക നല്‍കിയ പരാതിയില്‍ പറയുന്നു.
ആദ്യം ചോദ്യങ്ങള്‍ക്ക് മാന്യമായി മറുപടി നല്‍കിയ നടന്, പിന്നീട് യാതൊരു പ്രകോപനവുമില്ലാതെ അവതാരകയോടും, ക്യാമറാമാനോടും അശഌല ഭാഷയില്‍ സംസാരിക്കുകയായിരുന്നു. വനിത കമ്മീഷനിലും യുവതി പരാതി നല്‍കിയിരുന്നു. കൊച്ചിയിലെ ഹോട്ടലില്‍ നടന്ന അഭിമുഖത്തിന്റെ ദൃശ്യങ്ങളും പൊലീസ് ശേഖരിച്ചിട്ടുണ്ട്.
