ജീവിതത്തില്‍ പ്രണയമൊക്കെയുണ്ടായിട്ടുണ്ട്, കംഫര്‍ട്ടബിളല്ലെന്ന് തോന്നിയപ്പോള്‍ അത് വിട്ടതാണ്; കൃഷ്ണ പ്രഭ പറയുന്നു !
2008 ല്‍ പുറത്തിറങ്ങിയ മാടമ്പി എന്ന ചിത്രത്തിലൂടെ എത്തിയ താരമാണ് കൃഷ്ണ പ്രഭ. . പിന്നീട് നിരവധി വേഷങ്ങള്‍ ചെയ്തു.വ്യത്യസ്തമായ കഥാപാത്രങ്ങളിലൂടെയായി പ്രേക്ഷകര്‍ക്ക് പരിചിതയായി മാറിയ താരമാണ് കൃഷ്ണ പ്രഭ. അഭിനയം മാത്രമല്ല മികച്ച നര്‍ത്തകിയും ഗായികയും കൂടിയാണ് താരം. സോഷ്യല്‍മീഡിയയില്‍ ആക്ടീവായി ഇടപെടാറുള്ള താരം പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. ആര്‍ടിസ്റ്റായതിനാല്‍ കുറേ വിദേശരാജ്യങ്ങളിലേക്ക് പോവാനായിട്ടുണ്ട്. അമ്മയും എല്ലായിടത്തും എനിക്കൊപ്പം പോവാറുണ്ട്. യുഎസ് ട്രിപ്പിനിടയിലെ രസകരമായ സംഭവത്തെക്കുറിച്ചും കൃഷ്ണപ്രഭ തുറന്നുപറഞ്ഞിരുന്നു.
കന്നാസും കടലാസും പിന്നെ ഞങ്ങളും ഷോയ്ക്കിടയിലായിരുന്നു അത്. ഇന്നസെന്റ്, ശ്വേത മേനോന്‍, ജഗതി ശ്രീകുമാര്‍, ബിജു നാരായണന്‍ അങ്ങനെ കുറേ പേരുണ്ടായിരുന്നു ആ ഷോയില്‍. ഫ്‌ളോറിഡയിലെന്തോ ആയിരുന്നു അത്. എല്ലാവരും ഉറങ്ങിക്കിടക്കുന്ന സമയത്ത് ഭയങ്കരമായ ശബ്ദത്തോട് കൂടി ഫയര്‍ അലാറം അടിച്ചു. എന്തോ കുഴപ്പമുണ്ടെന്ന് പറഞ്ഞ് എല്ലാവരും കൈയ്യില്‍ കിട്ടുന്ന സാധനമെടുത്ത് ഓടുന്നതാണ് കണ്ടത്. പാസ്‌പോര്‍ട്ടും എടുത്താണ് ഞാന്‍ ഓടിയത്. അമ്മയാവട്ടെ ക്യാമറയും എടുത്താണ് വന്നത്.
എനിക്ക് വില പിടിപ്പുള്ളതായി തോന്നിയത് ഇതാണെന്നായിരുന്നു അമ്മയുടെ കമന്റ്. ആരോ റൂമില്‍ സിഗരറ്റ് വലിച്ചപ്പോള്‍ അടിച്ചതാണ്. ജഗതിച്ചേട്ടനും ഇന്നസെന്റേട്ടും ഇങ്ങനെയൊരു സൗണ്ട് അറിഞ്ഞതേയില്ല. ആണോ, നിങ്ങളൊക്കെ ഇറങ്ങി ഓടിയോ എന്നായിരുന്നു ചോദിച്ചത്. ശരിക്കും ഇപ്പോള്‍ കന്നാസും കടലാസുമായേനെ എന്നായിരുന്നു അന്ന് സാജുച്ചേട്ടന്റെ കമന്റ്
ലോക് ഡൗണ്‍ സമയത്തായിരുന്നു ഞങ്ങള്‍ റീല്‍സ് ചെയ്ത് തുടങ്ങിയത്. ഡാന്‍സ് വീഡിയോ എടുത്ത് നോക്കാമെന്ന് പറഞ്ഞ് ഇട്ടതാണ്. അത് വൈറലായി. അതോടെ ഇത് കൊള്ളാലോ എന്ന് തോന്നി. ഇപ്പോള്‍ ഞങ്ങള്‍ അറിയപ്പെടുന്നത് റീല്‍സ് സിസ്റ്റേഴ്‌സ് എന്നാണ്. നിങ്ങള്‍ ട്വിന്‍സാണോ എന്നൊക്കെ ചോദിച്ചിരുന്നു. ലെസ്ബിയന്‍സാണോയെന്നുള്ള ചോദ്യങ്ങളുമുണ്ടായിരുന്നു. എന്താണ് ആളുകള്‍ അങ്ങനെ ചിന്തിക്കുന്നതെന്ന് അറിയില്ല.വിവാഹം ഇപ്പോഴില്ല. ഒരുപാട് പേര് ഇതേക്കുറിച്ച് ചോദിക്കുന്നുണ്ട്. ആരേയും കണ്ടുവെച്ചിട്ടില്ല. സ്വന്തമായിട്ട് സിംഗിളായിട്ട് നില്‍ക്കാനാണിഷ്ടം. ആഗ്രഹിച്ച് ഫീല്‍ഡില്‍ വന്നതാണ്. ജീവിതത്തില്‍ പ്രണയമൊക്കെയുണ്ടായിട്ടുണ്ട്. കംഫര്‍ട്ടബിളല്ലെന്ന് തോന്നിയപ്പോള്‍ അത് വിട്ടതാണ്. എന്റെ ചേട്ടനും ഇതുവരെ കല്യാണം കഴിച്ചിട്ടില്ല. പുള്ളിക്ക് 42 വയസായി, എനിക്ക് 35ഉം.
നിങ്ങള്‍ക്ക് തോന്നുന്ന സമയത്ത് കല്യാണം കഴിച്ചാല്‍ മതിയെന്നാണ് അമ്മ പറഞ്ഞിട്ടുള്ളത്. ഇതുപോലൊരു അമ്മയെ കിട്ടുമോയെന്ന് സുഹൃത്തുക്കളൊക്കെ ചോദിക്കാറുണ്ടെന്നും കൃഷ്ണ പ്രഭ പറയുന്നു.നെഗറ്റീവ് കമന്റുകള്‍ ഞാന്‍ അങ്ങനെ നോക്കാറില്ല. വല്ലതും കണ്ടാല്‍ അതിന് കൃത്യമായി മറുപടി കൊടുക്കാറുണ്ട്. സെലിബ്രിറ്റികളെ ചൊറിഞ്ഞ് റീച്ച് കൂട്ടാമെന്നായിരുന്നു ചിലരൊക്കെ കരുതിയത്. അങ്ങനെയുള്ള കാഴ്ചപ്പാട് തെറ്റാണ്. സ്വന്തം കഴിവിലൂടെ വളരാന്‍ ശ്രമിക്കുകയല്ലാതെ മറ്റൊരാളെ ചൊറിഞ്ഞ് റീച്ച് കൂട്ടുന്നതിനോട് ഒരിക്കലും യോജിക്കാനാവില്ല. ഈ ട്രിക്ക് മനസിലായതോടെയാണ് ഞാന്‍ കമന്റുകള്‍ കണ്ടാല്‍ മിണ്ടാതിരിക്കാന്‍ പഠിച്ചത്.
