Malayalam
ടിനി എന്നെ വിളിച്ചപ്പോള് ഞാന് ഭയങ്കര ദേഷ്യത്തിലായിരുന്നു. ടിനി പറഞ്ഞത് ഒട്ടും ഇഷ്ടമായില്ല. ഏറ്റവും കൂടുതല് ആളുകള് എന്നെയാണ് സൈബര് ആക്രമണം നടത്തിയത്. എല്ലാ ആര്ട്ടിസ്റ്റുകളും ഇത് ഷെയര് ചെയ്തുകൊണ്ടിരിക്കുകയാണ്; ടിനി തന്റെ ഓണം കുളമാക്കിയെന്ന് ബാല
ടിനി എന്നെ വിളിച്ചപ്പോള് ഞാന് ഭയങ്കര ദേഷ്യത്തിലായിരുന്നു. ടിനി പറഞ്ഞത് ഒട്ടും ഇഷ്ടമായില്ല. ഏറ്റവും കൂടുതല് ആളുകള് എന്നെയാണ് സൈബര് ആക്രമണം നടത്തിയത്. എല്ലാ ആര്ട്ടിസ്റ്റുകളും ഇത് ഷെയര് ചെയ്തുകൊണ്ടിരിക്കുകയാണ്; ടിനി തന്റെ ഓണം കുളമാക്കിയെന്ന് ബാല
തമിഴ് സിനിമയിലൂടെയാണ് ബാല വെള്ളിത്തിരയില് എത്തിയത്. 2006ല് ആയിരുന്നു കളഭം എന്ന സിനിമയിലൂടെ ബാല മലയാളത്തിലേക്ക് എത്തിയത്. കൂടുതലായും വില്ലന് റോളിലാണ് ബാല തിളങ്ങിയിട്ടുള്ളത്. കളഭത്തിന് ശേഷം ഹരീന്ദ്രന് ഒരു നിഷ്കളങ്കന് എന്ന സിനിമയിലാണ് ബാല അഭിനയിച്ചത്. ബിഗ് ബി, ആയുധം, ബുള്ളറ്റ്, ചെമ്പട, പുതിയ മുഖം, അലക്സാണ്ടര് ദി ഗ്രേറ്റ്, എന്ന് നിന്റെ മൊയ്തീന് തുടങ്ങിയവയാണ് ബാലയുടേതായി റിലീസിനെത്തിയ പ്രധാന സിനിമകള്.
ആദ്യ സിനിമയില് തന്നെ മികച്ച പ്രേക്ഷക സ്വീകാര്യത നേടാന് നടന് കഴിഞ്ഞിരുന്നു. അതിലൂടെയാണ് താരം നിരവധി നല്ല കഥാപാത്രങ്ങള് ചെയ്തത്. സോഷ്യല് മീഡിയയില് വളരെ സജീവമായ അദ്ദേഹം പങ്കുവെയ്ക്കാറുള്ള വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്.
കുറച്ച് നാളുകള്ക്ക് മുമ്പ് ബാലയെക്കുറിച്ചുള്ള രമേശ് പിഷാരടിയുടെയും ടിനി ടോമിന്റെ വീഡിയോ സാമൂഹിക മാധ്യമങ്ങളില് വൈറലായിരുന്നു. 2012ല് ബാല തിരക്കഥയെഴുതി സംവിധാനം ചെയ്ത ‘ഹിറ്റ് ലിസ്റ്റ്’ എന്ന സിനിമയിലേക്ക് തന്നെ അഭിനയിക്കാന് ക്ഷണിച്ചതും അന്നുണ്ടായ രസകരമായ ഓര്മകളുമാണ് തമാശ രൂപേണ ഒരു റിയാലിറ്റി ഷോയിലൂടെ ഇരുവരും പങ്കുവച്ചത്. ഇപ്പോഴിതാ സംഭവത്തില് പ്രതികരണവുമായി എത്തിയിരിക്കുകയാണ് ബാല. ടിനി ടോമിനെ തനിക്ക് കൊല്ലാനുള്ള ദേഷ്യമുണ്ടെന്നും തന്റെ ഓണം അദ്ദേഹം കുളമാക്കിയെന്നുമാണ് ബാലയുടെ രസകരമായ പ്രതികരണം.
എന്നാല് തന്നെ ഏറ്റവും മനോഹരമായി അനുകരിച്ചത് ടിനി ടോം ആണെന്നും അതില് അതിയായ സന്തോഷമുണ്ടെന്നും അദ്ദേഹം വ്യക്തമാക്കി. ഒരു മാധ്യമത്തിന്റെ ഓണ പരിപാടിയില് സംസാരിക്കുകയായിരുന്നു ബാല. ‘ടിനി എന്നെ വിളിച്ചപ്പോള് ഞാന് ഭയങ്കര ദേഷ്യത്തിലായിരുന്നു. ടിനി പറഞ്ഞത് ഒട്ടും ഇഷ്ടമായില്ല. ഏറ്റവും കൂടുതല് ആളുകള് എന്നെയാണ് സൈബര് ആക്രമണം നടത്തിയത്. എല്ലാ ആര്ട്ടിസ്റ്റുകളും ഇത് ഷെയര് ചെയ്തുകൊണ്ടിരിക്കുകയാണ്. ഇവിടെ ഇരുന്നു കാണുമ്പോള് മനസിലാകില്ല.
സത്യത്തില് എല്ലാവര്ക്കും സൈബര് അറ്റാക്ക് കിട്ടുന്നുണ്ട്. എന്തായാലും ഈ ഓണം ചെന്നൈയില് തന്നെ നില്ക്കാനാണ് ഞാന് തീരുമാനിച്ചത്. ഇപ്പോള് ഞാന് ഫേസ്ബുക്കില് എല്ലാവര്ക്കും എന്റെ ഹൃദയം നിറഞ്ഞ ഓണാശംസകള് എന്ന് പറഞ്ഞാല് എനിക്ക് തിരിച്ചുകിട്ടാന് പോകുന്നത് പ്രിത്തിരാജ്, അണുപ് മേനോന്, ഉണ്ണി മുകുന്ദന്, ലെമന് ടീ എന്നായിരിക്കും. അതിനേക്കാളും നല്ലത് ചെന്നൈയിലിരിക്കുന്നതാണ് എന്നത് കൊണ്ട് ഞാന് തിരിച്ചെത്തി. എന്റെ ഓണം നശിപ്പിച്ച ടിനി ടോമിന് വളരെ വളരെ വളരെ നന്ദി. അടുത്ത കൊല്ലം ഓണത്തിന് ടിനി ടോം പോലെ മിമിക്രി ചെയ്തിട്ട് നിങ്ങളുടെ ഓണം കുളമാക്കിയിരിക്കും’, എന്നും ബാല തമാശരൂപേണ പറഞ്ഞു.
ഷെഫീക്കിന്റെ സന്തോഷം എന്ന സിനിമയിലാണ് താന് അവസാനമായി അഭിനയിച്ചതെന്നും ആ ചിത്രത്തിന്റെ ഭാഗമാകാന് കാരണം ഇത്തരം ട്രോളുകള് ആണെന്നും ബാല വ്യക്തമാക്കി. ‘ഷെഫീക്കിന്റെ സന്തോഷം എന്ന സിനിമയിലെ കഥാപാത്രം ലഭിച്ചത്, പറഞ്ഞാല് അത്ഭുതപ്പെട്ടുപോകും, മോന്സണ് കേസില് ഭയങ്കര ദേഷ്യത്തില് ‘ദിസ് ഈസ് റാങ്ങ് കൊഞ്ചം ലാജിക്കലാ തിങ്ക് പണ്ണുങ്ക സാര്’ എന്ന് പറയുന്നുണ്ട്. ഉണ്ണി മുകുന്ദന് എന്നെ വിളിച്ചിട്ട് പറഞ്ഞു, സെയിം പാറ്റേണില് മിക്സ് ആക്കാന് ബാലയ്ക്ക് അറിയാം. തമിഴില് മലയാളം മിക്സ് ചെയ്തു അതെ ടോണില് പറയണം എന്ന് പറഞ്ഞു. അപ്പോള് തന്നെ എനിക്ക് മനസിലായി ഇത് ഫുള് ടൈം എന്റര്ടെയ്നര് ആയിരിക്കുമെന്ന്. സംവിധായകന് എന്നോട് പറഞ്ഞു ബാലയ്ക്കുള്ളില് വലിയൊരു കോമഡി സെന്സുണ്ട്. ഇത്രയും കാലം ആരും തിരിച്ചറിഞ്ഞില്ല. അത് നമ്മള് പുറത്തുകൊണ്ടുവരുമെന്ന്. ആദ്യ ദിനം മുതല് അവസാനം വരെ ഞാന് സെറ്റില് ഉണ്ടായിരുന്നു. ഞാന് തന്നെയാണ് ഡബ് ചെയ്തത്’, ബാല പറഞ്ഞു.
‘ടിനിയേക്കാള് രമേശ് പിഷാരടിയോടാണ് ദേഷ്യം. എനിക്ക് അറിയാം കോമഡിക്ക് വേണ്ടി നിങ്ങള് കള്ളത്തരം പറയുകയാണ് എന്ന്. അപ്പോള് പിഷാരടി സത്യമെന്ന പോലെ റിയാക്ഷന് കൊടുക്കുന്നുണ്ട്. ആരെ ആദ്യം കൊല്ലണം എന്ന സംശയമുണ്ട്. എന്ത് പറഞ്ഞാലും എന്റെ മര്ഡര് പ്ലാന് ഞാന് വിടില്ല’ എന്നും നടന് പറഞ്ഞു. തന്നെ മികച്ച രീതിയിലാണ് ടിനി ടോം അനുകരിച്ചതെന്നും അതൊരു ഭാഗ്യമെന്നും നടന് വ്യക്തമാക്കി. ‘നടന് ബാല സാറിനെപ്പോലെ എന്ന് പറഞ്ഞ് പിള്ളേര് സ്റ്റേജില് സംസാരിക്കാറുണ്ട്. എനിക്ക് കേള്ക്കാന് പോലും പറ്റില്ല. ഇതാണോ ഞാന്.
പക്ഷെ നിയര് പെര്ഫെക്ഷനില് ഞാന് കേട്ടപ്പോള് ആ ഒരു കാര്യത്തില് സന്തോഷമുണ്ട്. അതൊരു ഭാഗ്യം തന്നെയാണ്. ഇതുവരെ ആരും ഇങ്ങനെ സംസാരിച്ചിട്ടില്ല. ഒരു കലാകാരന് എന്ന് പറയുമ്പോള് മറ്റൊരാളുടെ ശബ്ദമെടുത്ത് നിയര് പെര്ഫെക്ഷന് കൊടുക്കുന്നത് സന്തോഷം തന്നെയാണ്. ഒരു കാര്യം ഉറപ്പാണ് എന്റെ വോയിസ് എന്റെ കണ്ടു ആരും പഠിക്കാന് പോകുന്നില്ല. എന്റെ വോയിസ് നിങ്ങളുടെ കണ്ടു ആളുകള് പഠിക്കും’ ബാല കൂട്ടിച്ചേര്ത്തു.