ജീവിതം മനോഹരമാണ്, സ്നേഹം കൊണ്ട് നിങ്ങളെന്റെ ജീവിതം നിറച്ചു ; വിവാഹശേഷമുള്ള മഹാലക്ഷ്മിയുടെ ആദ്യ പോസ്റ്റ് വൈറല്‍! ഇത് ചിലർക്കുള്ള മറുപടി !
തമിഴ് സിനിമാ നിർമ്മാതാവ് രവീന്ദർ ചന്ദ്രശേഖരനും നടി മഹാലക്ഷ്മിയും കഴിഞ്ഞ ദിവസമായിരുന്നു വിവാഹിതരായത്. ഇവരുടെ വിവാഹചിത്രങ്ങളും വീഡിയോയും സോഷ്യല്‍മീഡിയയിലൂടെ വൈറലായിരുന്നു. ഇരുവരുടേയും രണ്ടാമത്തെ വിവാഹമായിരുന്നു ഇത്. പ്രണയവിവാഹമായിരുന്നു ഇവരുടേത്. നീണ്ടനാളത്തെ പ്രണയമായിരുന്നു വിവാഹത്തിലെത്തിയത്. സോഷ്യല്‍മീഡിയയിലൂടെയായി വിവാഹചിത്രങ്ങള്‍ പങ്കുവെച്ച് ഇവരെത്തിയിരുന്നു. മഹാലക്ഷ്മിയുടെ പുതിയ പോസ്റ്റ്വൈ റലായിക്കൊണ്ടിരിക്കുകയാണിപ്പോള്‍.
ജീവിതം മനോഹരമാണ്. നീ എനിക്കത് സാധ്യമാക്കിത്തന്നു എന്റെ പുരുഷാ എന്നായിരുന്നു മഹാലക്ഷ്മി ഇന്‍സ്റ്റഗ്രാമില്‍ കുറിച്ചത്. താലിയണിഞ്ഞുള്ള ഫോട്ടോയും താരം പോസ്റ്റ് ചെയ്തിട്ടുണ്ട്. രവി ചന്ദ്രനെ ടാഗ് ചെയ്തായിരുന്നു മഹാലക്ഷ്മിയുടെ ഫോട്ടോ പങ്കുവെച്ചത്. ചെന്നൈ മഹാബലിപുരത്തെ റിസോർട്ടിൽ നിന്നാണ് ഫോട്ടോ പകർത്തിയത്. ജീവിതത്തിലെ പുതിയ തുടക്കം നല്ലതാവട്ടെ, എല്ലാവിധ അനുഗ്രഹങ്ങളും ഉണ്ടാവട്ടെ, ഹാപ്പി മാരീഡ് ലൈഫ് തുടങ്ങി നിരവധി കമന്റുകളാണ് പോസ്റ്റിന് താഴെയുള്ളത്.
നിങ്ങളെ എനിക്ക് പങ്കാളിയായി ലഭിച്ചതില്‍ ഞാന്‍ ഭാഗ്യവതിയാണ്. സ്നേഹം കൊണ്ട് നിങ്ങളെന്റെ ജീവിതം നിറച്ചു. സ്നേഹം അമ്മൂ എന്നായിരുന്നു നേരത്തെ മഹാലക്ഷ്മി കുറിച്ചത്. താലികെട്ടിന്റെ ചിത്രങ്ങളും പോസ്റ്റ് ചെയ്തിരുന്നു. സുഹൃത്തുക്കളും സഹപ്രവര്‍ത്തകരെല്ലാം നവദമ്പതികള്‍ക്ക് ആശംസ അറിയിച്ചെത്തിയിരുന്നു.
മഹാലക്ഷ്മിയുടേയും രവീന്ദറിന്റെയും വിവാഹ ചിത്രങ്ങള്‍ നിമിഷനേരം കൊണ്ടായിരുന്നു വൈറലായത്. വ്യക്തിപരമായ കാര്യങ്ങളെക്കുറിച്ചും ശരീരത്തെക്കുറിച്ചുമെല്ലാം പറഞ്ഞ് പലരും ഇവരെ വിമര്‍ശിച്ചിരുന്നു. ബോഡി ഷെയ്മിംഗ് കമന്റുകളും ചര്‍ച്ചയായിരുന്നു. വിമര്‍ശിക്കുന്നവര്‍ക്കുള്ള മറുപടിയായാണ് മഹാലക്ഷ്മിയുടെ പുതിയ പോസ്റ്റ് എന്ന് വേണമെങ്കിലും കരുതാമെന്നാണ് ആരാധകര്‍ പറയുന്നത്.തമിഴിലെ പ്രമുഖ നിര്‍മ്മാണക്കമ്പനിയായ ലിബ്ര പ്രൊഡക്ഷന്‍സിന്റെ ഉടമയാണ് രവീന്ദര്‍. നളനും നന്ദിയും, സുട്ട കഥൈ തുടങ്ങിയ സിനിമകള്‍ നിര്‍മ്മിച്ചത് രവീന്ദറാണ്.
വിടിയും വരൈ കാത്തിര് എന്ന ചിത്രത്തിനിടയില്‍ വെച്ചായിരുന്നു ഇരുവരും പ്രണയത്തിലായത്. അവതരണം മാത്രമല്ല മികച്ച അഭിനേത്രി കൂടിയായ മഹാലക്ഷ്മി കുടുംബ പ്രേക്ഷകര്‍ക്ക് സുപരിചിതയാണ്. ചെല്ലമേഉതിരിപ്പൂക്കള്‍, വാണി റാണി തുടങ്ങിയ പരമ്പരകളിലെ പ്രകടനം ശ്രദ്ധേയമായിരുന്നു. ഹരിചന്ദനമെന്ന മലയാള പരമ്പരയിലും താരം അഭിനയിച്ചിരുന്നു.
