ജീവിതത്തിലെ ചന്ദ്രയോടൊപ്പം സുജാതയും അമ്മയാകുന്നു..; നിറവയറില്‍ ചുംബിച്ച് ടോഷ്; ഏഴാം മാസം ആഘോഷമാക്കിയത് ഇങ്ങനെ; ചിത്രങ്ങള്‍ ഏറ്റെടുത്ത് സോഷ്യൽ മീഡിയ!

മലയാളി മിനിസ്ക്രീൻ പ്രേക്ഷകർ ആഘോഷമാക്കിയ വിവാഹമായിരുന്നു ചന്ദ്ര ലക്ഷമണിന്റേയും ടോഷ് ക്രിസ്റ്റിയുടേയും. പരമ്പരയിലെ പ്രിയ താരങ്ങള്‍ ഒന്നിക്കുന്നതിന്റെ സന്തോഷത്തിലായിരുന്നു ആരാധകര്‍. ഇരുവരുടേയും വിവാഹവും ചടങ്ങുകളുമെല്ലാം സോഷ്യൽ മീഡിയയിൽ വരെ വൈറലായിരുന്നു.

ഇപ്പോള്‍ തങ്ങളുടെ ജീവിതത്തിലേയ്ക്ക് പുതിയ അതിഥിയെ വരവേല്‍ക്കാനുള്ള ഒരുക്കത്തിലാണ് താരങ്ങള്‍. ഇപ്പോള്‍ ഏഴാം മാസത്തിലെ ചടങ്ങുകളിലേയ്ക്ക് കടക്കുകയാണ് ഇരുവരും. വളകാപ്പെന്നും പുളിയൂണെന്നും പറയുന്ന ചടങ്ങ് പൊതുവെ ഏഴാം മാസത്തിലാണ് നടത്തുക. കഴിഞ്ഞ ദിവസമായിരുന്നു ഇരുവരും ചടങ്ങിന്റെ വീഡിയോ പങ്കുവെച്ചത്. ഇന്നിപ്പോള്‍ നിറവയറില്‍ ടോഷിനൊപ്പം ചേര്‍ന്ന് നില്‍ക്കുന്ന ചിത്രങ്ങളാണ് ചന്ദ്ര പങ്കുവെയ്ക്കുന്നത്. ചന്ദ്രയ്ക്കും ടോഷിനും ഒപ്പം കുട്ടിത്താരത്തെ കാത്തിരിക്കുകയാണ് ഇപ്പോള്‍ ആരാധകരും.

സ്വന്തം സുജാത എന്ന പരമ്പരയിലൂടെയാണ് ടോഷും ചന്ദ്രയും വിവാഹിതരാകുന്നത്. പരമ്പരയില്‍ വിവാഹിതരാകാന്‍ തയ്യാറെടുക്കുന്നതിനിടെയാണ് ജീവിതത്തിലും ഒന്നിയ്ക്കാന്‍ ഇവര്‍ തീരുമാനിക്കുന്നത്. പരമ്പരയിലെ ടൈറ്റില്‍ കഥാപാത്രമായ സുജാതയായാണ് ചന്ദ്ര എത്തിയത്. പരമ്പരയില്‍ കഥാഗതിയില്‍ 100-ാം എപ്പിസോഡ് മുതലാണ് ആദം എന്ന കഥാപാത്രമായി ടോഷ് ക്രിസ്റ്റി എത്തുന്നത്. നീണ്ടനാളത്തെ ഇടവേളയ്ക്ക് ശേഷമായിരുന്നു ചന്ദ്രയും ടോഷും ടെലിവിഷനിലേയ്ക്ക് തിരിച്ചെത്തുന്നത്.

അതുവരെ ആര്‍ട്ടിസ്റ്റ് എന്ന രീതിയില്‍ പരിചിതരായിരുന്നു ഇവര്‍ ഒന്നിച്ച് അഭിനയിക്കാന്‍ എത്തിയതോടെയാണ് അടുത്തറിയാന്‍ ആരംഭിക്കുന്നത്. ഇങ്ങനെയാണ് ആ പരിചയം വിവാഹത്തിലേയ്ക്ക് എത്തുന്നത്. ചന്ദ്രയുടേയും ടോഷിന്റേയും വീട്ടുകാര്‍ തമ്മിലും സ്വന്തം സുജാതയുടെ സെറ്റില്‍വെച്ചാണ് പരിചയപ്പെടുന്നത്. അങ്ങനെയാണ് വിവാഹം തീരുമാനിക്കുന്നതെന്നാണ് ചന്ദ്ര പറഞ്ഞത്.

വിവാഹ ശേഷം ജീവിതത്തിലെ ഓരോ മനോഹര നിമിഷങ്ങളും ഇരുവരും പ്രേക്ഷകരുമായി പങ്കുവെക്കാറുണ്ട്. ടോഷിന്റെ യൂട്യൂബ് ചാനലിലൂടെയാണ് തങ്ങളുടെ വിശേഷങ്ങള്‍ ഇരുവരും പങ്കുവെക്കുക. വിവാഹ ശേഷം ഏവരും കേള്‍ക്കാന്‍ കാത്തിരുന്ന വാര്‍ത്തയുമായി അധികം താമസിക്കാതെ തന്നെ ചന്ദ്രയും ടോഷും എത്തിയിരുന്നു. അച്ഛനമ്മമാരാകാന്‍ പോകുന്ന വിവരം അധികം വൈകാതെ തന്നെ ഈ ദമ്പതികള്‍ പ്രേക്ഷകരുമായി പങ്കുവെച്ചിരുന്നു.

ഞങ്ങള്‍ ജീവിതത്തിന്റെ അടുത്തഘട്ടത്തിലേയ്ക്ക് കടക്കുകയാണെന്നാണ് ഇരുവരും പറഞ്ഞത്. എപ്പോഴും പിന്തുണയായി നില്‍ക്കുന്ന സബ്‌സ്‌ക്രൈബേഴ്‌സിനെ ഞങ്ങള്‍ സ്വന്തം കുടുംബാഗങ്ങളെപ്പോലെയാണ് കാണുന്നത്. നിങ്ങളും ഈ സന്തോഷത്തില്‍ പങ്കുചേരണമെന്ന് ഞങ്ങള്‍ ആഗ്രഹിക്കുകയാണ്. ഞാനും ചന്ദ്രയും അച്ഛനും അമ്മയും ആകാന്‍ പോകുകയാണെന്നാണ് ടോഷ് അന്ന് പറഞ്ഞത്.

ഒരു നിമിത്തം പോലെയും ഭാഗ്യമായോ ഒക്കെ കണക്കാന്‍ സാധിക്കുന്ന ചില നിമിഷങ്ങളിലൂടെയാണ് ചന്ദ്രയും ടോഷും കടന്നുപോകുന്നത്. ഇരുവരും ഒന്നിച്ചഭിനയിക്കുന്ന പരമ്പരയും ജീവിതവും ഒന്നിച്ച് മുന്നോട്ടുപോകുകയാണ്. കാരണം സുജാതയും ആദമും പരമ്പരയില്‍ വിവാഹിതരായതിന് പിന്നാലെയാണ് ടോഷും ചന്ദ്രയും ജീവിതത്തില്‍ ഒന്നിക്കാന്‍ തീരുമാനിക്കുന്നത്.

രണ്ട് മതത്തില്‍പ്പെട്ടവരായി പരമ്പരയില്‍ അഭിനയിക്കുന്നതിനോടൊപ്പം തന്നെ ഇവരുടെ ജീവിതത്തിലെ സംഭവിച്ചത് അങ്ങനെയാണ്. വിവാഹ ശേഷം ഗര്‍ഭിണിയായപ്പോള്‍ പരമ്പരയിലും ഇതേ മാറ്റങ്ങളാണ് സംഭവിച്ചത്. ജീവിതത്തിലെ ചന്ദ്രയോടൊപ്പം സുജാതയും അമ്മയാകാന്‍ തയ്യാറെടുക്കുകയാണ്.

ചന്ദ്ര ഇപ്പോള്‍ ഏഴ് മാസം ഗര്‍ഭിണിയാണ്. ചന്ദ്രയും ടോഷും ഇപ്പോള്‍ ചന്ദ്രയുടെ വീട്ടിലാണ്. അധികം യാത്ര ചെയ്യരുതെന്ന ഡോക്ടറിന്റെ നിര്‍ദ്ധേശപ്രകാരം ഏറെ ശ്രദ്ധയോടെയാണ് ചന്ദ്ര ഓരോ ചുവടും വെയ്ക്കുന്നത്. ഗര്‍ഭിണികളായ സ്ത്രീകള്‍ക്ക് ഏഴാം മാസത്തില്‍ ചില ചടങ്ങുകളൊക്കെയുണ്ട്. വളകാപ്പെന്നും പുളിയൂണെന്നും വ്യത്യസ്ത പേരുകളില്‍ അറിയപ്പെടുന്ന ചടങ്ങുകള്‍ക്കായുള്ള ഒരുക്കങ്ങളിലായിരുന്നു താരങ്ങളുടെ കുടുംബം. ഇതിനുവേണ്ടിയുള്ള പര്‍ച്ചൈസുകളൊക്കെ നടത്തുന്ന വീഡിയോ ഇരുവരും പങ്കുവെച്ചിരുന്നു.

ടോഷിനൊപ്പം ചന്ദ്രയും മാതാപിതാക്കളും ഒത്തൊരുമിച്ചായിരുന്നു പര്‍ച്ചൈസിന് പോയത്. ഇതിന് ശേഷം കുടുംബാംഗങ്ങളും ഏറ്റവും അടുത്ത ബന്ധുക്കളും ചേര്‍ന്ന് ചടങ്ങിന് വേണ്ടിയുള്ള ഒരുക്കങ്ങളിലായിരുന്നു. വളകാപ്പിനുള്ള വളകളും പൂക്കളുമെല്ലാം ഒരുക്കുന്നതിന്റെ വീഡിയോയും ടോഷ് പങ്കുവെച്ചിട്ടുണ്ട്. വളകാപ്പ് പെണ്ണിന്റെ വീട്ടിലും പുളിയൂണ് ചെറുക്കന്റെ വീട്ടിലുമാണ് സാധാരണ നടത്തുന്നത്. എന്നാല്‍ ചന്ദ്രയ്ക്ക് യാത്ര ചെയ്യാന്‍ ബുദ്ധിമുട്ടുള്ളത് കൊണ്ട് ഈ രണ്ട് ചടങ്ങുകളും ഒന്നിച്ച് ചന്ദ്രയുടെ വീട്ടില്‍ വെച്ചാണ് നടത്തിയത്.

രണ്ടുപേരുടെയും മാതാപിതാക്കള്‍ ചേര്‍ന്നാണ് ചന്ദ്രയെ വേദിയില്‍ ഇരുത്തിയത്. പട്ടുസാരി ചുറ്റി ആഭരണങ്ങള്‍ അണിഞ്ഞ് മനോഹരിയായാണ് ചന്ദ്ര എത്തുന്നത്. ആദ്യം പുളിയൂണാണ് നടത്തിയത്. ചെറുക്കന്റെ വീട്ടില്‍ നിന്ന് പെണ്ണിനെ വിളിച്ചുകൊണ്ട് പോകുന്ന ചടങ്ങാണ് പുളിയൂണ്. കേക്ക് കട്ട് ചെയ്താണ് ഈ ചടങ്ങിന് തുടക്കം കുറിച്ചത്. പ്രസവത്തിന് കൂട്ടിക്കോണ്ടുപോകുന്ന ചടങ്ങിനായി ചന്ദ്രയെ ടോഷിന്റെ മാതാപിതാക്കള്‍ ചന്ദ്രയുടെ മാതാപിതാക്കളെ ഏല്‍പ്പിക്കുന്ന ചടങ്ങായിരുന്നു ആദ്യം നടന്നത്. പിന്നീട് പുടവ മാറിയാണ് വളകാപ്പിന് ചന്ദ്ര എത്തിയത്.

മറ്റൊരു സാരിയില്‍ സ്വര്‍ണ്ണാഭരണങ്ങളോടൊപ്പം പൂമാലയും അണിഞ്ഞാണ് പിന്നീട് ചന്ദ്ര എത്തിയത്. അതിഥികള്‍ ഓരോരുത്തരായി പൂക്കള്‍ എറിഞ്ഞ് അനുഗ്രഹിക്കുകയും മഞ്ഞളും ചന്ദനവും തേയ്ക്കുന്നതാണ് ചടങ്ങ്.

ഒപ്പം വളയും അണിയിക്കും. ടോഷ് ചെയ്തതാണ് ഇതില്‍ ഏറ്റവും രസകരമായത്. ചടങ്ങുകള്‍ക്ക് പിന്നാലെ ചന്ദ്രയെ ചേര്‍ത്തു പിടിക്കുകയും നിറവയറില്‍ ചുംബിക്കുകയും ചെയ്യുകയാണ് ടോഷ്. ഇതിന് ശേഷം നടന്ന ഫോട്ടോഷൂട്ടും വ്‌ളോഗില്‍ ജോഷ് ആരാധകർക്കായി പങ്കുവെച്ചിട്ടുണ്ട്.

about chandra