രണ്ട് ഭാര്യമാരെയു കെട്ടിപ്പിടിച്ച് യാത്ര പറഞ്ഞ് ബഷീര്‍ ബഷി ; ഈ യാത്ര എങ്ങോട്ടാണെന്ന് അറിയാമോ ?
ബിഗ് ബോസ് സീസണ്‍ ഒന്നിലെ മത്സരാര്‍ത്ഥിയായ ബഷീര്‍ ബഷിയും ഭാര്യമാരായ സുഹാനയും മഷൂറയും പ്രേക്ഷകര്‍ക്ക് ഏറെ സുപരിചിതരാണ്. ഇന്‍സ്റ്റഗ്രാം റീല്‍സ്, യൂട്യൂബ് വീഡിയോസ് എന്നിവയിലൂടെ തങ്ങളുടെ സോഷ്യല്‍ മീഡിയ സാന്നിധ്യം ഇവര്‍ അറിയിക്കാറുണ്ട്. ബഷീര്‍ ബഷി ഒരു യാത്ര പുറപ്പെട്ടതാണ് കുടുംബത്തില്‍ നിന്നും പുറത്ത് വരുന്ന ഏറ്റവും പുതിയ വിശേഷം.
രണ്ട് ഭാര്യമാരെയും മക്കളെയും കൂട്ടാതെയാണ് യാത്ര. പുതിയ കാര്‍ എടുത്തതിന് ശേഷം ഫ്രണ്ട്‌സിനൊപ്പം ഒരു ഗോവ ട്രിപ്പ് ഉണ്ട് എന്ന് അന്നേ പറഞ്ഞിരുന്നു. അങ്ങനെ ആ യാത്രയിലാണ് ഇപ്പോള്‍ താരം. വളരെ എനര്‍ജിയോടെയാണ് പുതിയ വ്‌ളോഗ് ബഷീര്‍ തന്റെ യൂട്യൂബ് ചാനലിലൂടെ പങ്കുവച്ചത്. രണ്ട് ഭാര്യമാരെയു കെട്ടിപ്പിടിച്ച് യാത്ര പറഞ്ഞു. ഇളയ മകന്‍ സൈഗുവിന് കുറച്ചധികം സങ്കടമുണ്ട് അത്രെ. പക്ഷെ തിരിച്ച് വരുമ്പോള്‍ കളിപ്പാട്ടങ്ങള്‍ കൊണ്ടു തരാം എന്ന വാക്കിലാണ് പിടിച്ച് നിര്‍ത്തിയിരിയ്ക്കുന്നത്.
ബഷീറിന്റെ ചാനലിലൂടെ തന്നെ പ്രേക്ഷകര്‍ക്ക് ഏറെ പരിചിതരായ സുഹൃത്തുക്കള്‍ക്ക് ഒപ്പമാണ് യാത്ര. ഫാമിലിയെ മിസ്സ് ചെയ്യും. ശരിയ്ക്കും അവര്‍ക്കൊപ്പമുള്ള യാത്ര പ്രത്യേക ഒരു വൈബ് ആണ്. പക്ഷെ അത് പോലെ തന്നെ വേറെ ഒരു വൈബ് ആണ് ഫ്രണ്ട്‌സിന് ഒപ്പവും. ഇങ്ങനെയും യാത്രകളൊക്കെ വേണ്ടേ എന്നാണ് ബഷീര്‍ ബഷി സ്വയം സമാധാനിയ്ക്കുന്നത്.
തിരിച്ച് വന്ന് കുടുംബത്തിനൊപ്പം മറ്റൊരു യാത്രയുണ്ട്. അതിന് മഷുറ ഗര്‍ഭിണിയാണല്ലോ എന്ന കാരണം പറഞ്ഞ് തടസ്സം നില്‍ക്കാന്‍ കഴിയില്ല. കാരണം പോകുന്നത് മഷുറയുടെ ഉപ്പയെയും ഉമ്മയെയും എല്ലാം കാണാനാണ്. കൂടെ സുഹാനയും മക്കളും ഉണ്ടാവും. ഗോവയില്‍ നിന്ന് തിരിച്ച് വരുമ്പോഴേക്കും കുട്ടികള്‍ക്ക് ഓണം അവധിയാവും. അപ്പോള്‍ പിന്നെ ബാംഗ്ലൂരിലേക്കുള്ള യാത്ര അടിപൊളിയായിരിയ്ക്കും. ഗോവയിലേക്കുള്ള യാത്രയുടെ കൂടുതല്‍ വിശേഷങ്ങളും റീല്‍സായും വീഡിയോസ് ആയും പങ്കുവയ്ക്കാം എന്ന് പറഞ്ഞ് ആണ് ഈ വ്‌ളോഗ് അവസാനിയ്ക്കുന്നത്.
