അത് ഞാന്‍ പുറത്ത് വിടാന്‍ പാടുണ്ടോ എന്നറിയില്ല, അനുവിന്റെ ലൈഫിലെ വലിയൊരു കാര്യമാണ്, നിങ്ങള്‍ കേള്‍ക്കാനാഗ്രഹിക്കുന്ന കാര്യം, അനുക്കുട്ടിക്ക് കല്യാണം, ഇനി വെഡ്ഡിങ് ഷോപ്പിംഗാണെന്ന് ലക്ഷ്മി, വീഡിയോ വൈറൽ, സ്റ്റാർ മാജിക്ക് താരം അനുമോള്‍ വിവാഹിതയാവുന്നു?

സ്വത സിദ്ധമായ ശൈലിയിലൂടെയുള്ള അവതരണത്തിലൂടെ മിനിസ്ക്രീൻ പ്രേക്ഷരുടെ പ്രിയ താരമായി മാറുകയായിരുന്നു ലക്ഷ്മി നക്ഷത്ര. ഇന്ന് മിക്ക ടെലിവിഷൻ പരിപാടികളിലും ലക്ഷ്മി സജീവ സാന്നിധ്യമാണ്. ടമാർ പഠാർ എന്ന സ്റ്റാർ ഗെയിം ഷോ അവതരിപ്പിച്ചുകൊണ്ടാണ് ലക്ഷ്മി ശ്രദ്ധേയയായത്. ഇപ്പോഴിതാ സ്റ്റാർ മാജിക്കിലൂടെ എന്ന സൂപ്പർ ഹിറ്റ് ഷോയുടെ അവതാരകയായി തിളങ്ങുകയാണ്

സ്റ്റാര്‍ മാജിക് അവതരിപ്പിച്ചതോടെയായിരുന്നു താരത്തിന്റെ കരിയര്‍ മാറിയത്. ഷോയിലെ താരങ്ങള്‍ക്കെല്ലാം പ്രത്യേകമായൊരു സൗഹൃദമുണ്ട് ലക്ഷ്മിയോട്. താന്‍ അനിയത്തിയായി കാണുന്ന കുട്ടിയാണ് അനുമോളെന്ന് നേരത്തെ ലക്ഷ്മി പറഞ്ഞിരുന്നു. സ്വന്തം ചേച്ചിയെപ്പോലെ തന്നെയാണ് ലക്ഷ്മിയെന്ന് അനുവും പറഞ്ഞിരുന്നു. ഇരുവരും ഒന്നിച്ചുള്ള വീഡിയോ വൈറലായിക്കൊണ്ടിരിക്കുകയാണിപ്പോള്‍.

അനുക്കുട്ടിക്ക് കല്യാണമുണ്ടെന്നും ഇനി വെഡ്ഡിങ് ഷോപ്പിംഗാണെന്നുമായിരുന്നു ലക്ഷ്മി പറഞ്ഞത്. കഴിഞ്ഞ ദിവസവും വൈകിയോളം ഷൂട്ടുണ്ടായിരുന്നുവെന്നും ഷോപ്പിംഗ് ഇഷ്ടമുള്ളതുകൊണ്ടാണ് പോവുന്നതെന്നും ലക്ഷ്മി പറഞ്ഞിരുന്നു. പതിവില്‍ നിന്നും വ്യത്യസ്തമായി ഇത്തവണ കൃത്യസമയത്ത് തന്നെ അനു എത്തിയിരുന്നു. ചേച്ചിയുടെ പ്ലാനെന്താണെന്ന് ചോദിച്ചപ്പോഴാണ് ഞാന്‍ ഷോപ്പിംഗിന് പോവുന്നതിനെക്കുറിച്ച് പറഞ്ഞത്. അങ്ങനെയാണ് അവളും കൂടെ വരാനായി തീരുമാനിച്ചത്.

അനുവിന് ഇപ്പോള്‍ ഷോപ്പിംഗിന്റെ ആവശ്യമുണ്ടെന്ന് പറഞ്ഞ് ഞെട്ടിക്കുന്ന കാര്യം എന്നോട് പറഞ്ഞിട്ടുണ്ട്. അത് ഞാന്‍ പുറത്ത് വിടാന്‍ പാടുണ്ടോ എന്നറിയില്ല. അനുവിന്റെ ലൈഫിലെ വലിയൊരു കാര്യമാണ്, നിങ്ങള്‍ കേള്‍ക്കാനാഗ്രഹിക്കുന്ന കാര്യമാണെന്നും പറഞ്ഞായിരുന്നു ലക്ഷ്മി അനുവിനെ പിക് ചെയ്യാനായി പോയത്. ചിലര്‍ക്ക് ചില കാര്യങ്ങളൊക്കെ പറയാനുണ്ട്, ഫൈനലി അത് സംഭവിക്കുന്നുവെന്നുമായിരുന്നു ലക്ഷ്മി നക്ഷത്ര അനു എത്തിയപ്പോള്‍ പറഞ്ഞത്.

ഗൃഹോപകരണങ്ങള്‍ വില്‍ക്കുന്ന പ്രമുഖ ഷോപ്പിലേക്കായിരുന്നു ലക്ഷ്മിയും അനുവും പോയത്. ഓണം ഓഫറുകളെക്കുറിച്ചും നിലവിലെ ഡിസ്‌കൗണ്ടുകളെക്കുറിച്ചും ഇരുവരും ചോദിച്ചിരുന്നു. അവന്‍ എന്ന് പറഞ്ഞായിരുന്നു അനുമോള്‍ ഓവന്‍ എവിടെയാണെന്ന് ചോദിച്ചത്. പര്‍ച്ചേസിംഗിനിടയില്‍ അനു ആരെയോ വിളിച്ച് സംസാരിക്കുന്നതും വീഡിയോയില്‍ കാണിച്ചിരുന്നു. അച്ഛനാണ് വിളിച്ചത്, തിരിച്ച് വിളിക്കാമെന്ന് പറഞ്ഞ് കട്ട് ചെയ്യുകയായിരുന്നു. ഇവളെന്റെ സ്വന്തം അനിയത്തിയായത് കൊണ്ട് കോള്‍ ലിസ്‌റ്റൊക്കെ നോക്കാമെന്ന് പറഞ്ഞ് ഫോണ്‍ പരിശോധിച്ചിരുന്നു ലക്ഷ്മി നക്ഷത്ര.

ആരാണ് ഏട്ടനെന്ന് ചോദിച്ചപ്പോള്‍ അത് പിന്നെ പറയാമെന്നായിരുന്നു അനുവിന്റെ മറുപടി. കുട്ടിക്ക് ഞാനൊരു സമ്മാനം വാങ്ങിയിട്ടുണ്ട്. കല്യാണം കഴിഞ്ഞ് ഏട്ടന്റെ വീട്ടില്‍ പോയാലും ഇത് ഉപയോഗിക്കാമെന്നും പറഞ്ഞായിരുന്നു ലക്ഷ്മി നക്ഷത്ര അനുവിനുള്ള ഗിഫ്റ്റ് തിരഞ്ഞെടുത്തത്. ചേച്ചിയെന്ന നിലയില്‍ അനിയത്തിക്ക് ഏറ്റവും ബെസ്റ്റ് തന്നെ കൊടുക്കണമല്ലോ. അനുവിന്റെ വീട്ടിലേക്ക് നേരിട്ട് പോവുന്നുണ്ടെന്നും അച്ഛനും അമ്മയോടും വിശേഷങ്ങള്‍ ചോദിക്കുന്നുണ്ടെന്നും ലക്ഷ്മി നക്ഷത്ര പറഞ്ഞിരുന്നു.

ചിങ്ങം ഒന്ന് സ്‌പെഷല്‍ എപ്പിസോഡില്‍ പുതിയ തീരുമാനങ്ങളെക്കുറിച്ച് ചോദിച്ചപ്പോള്‍ കല്യാണം കഴിക്കാന്‍ തീരുമാനിച്ചെന്നായിരുന്നു അനു പറഞ്ഞത്. അനുവും ലക്ഷ്മിയും ഒന്നിച്ചുള്ള വീഡിയോയ്ക്കായി കാത്തിരിക്കുകയായിരുന്നു. നിങ്ങള്‍ തമ്മിലുള്ള അടുപ്പം വളരെ സ്‌പെഷലാണ്. നിങ്ങള്‍ ചേച്ചിയേയും അനിയത്തിയേയും പോലെയുണ്ട്. നിരവധി പേരായിരുന്നു വീഡിയോയ്ക്ക് താഴെയായി കമന്റുകളുമായെത്തിയത്.