Connect with us

എപ്പോഴും സജീവമായിരിക്കുന്ന ആളുകൾക്കുള്ളതാണ് ട്വിറ്റർ, എനിക്ക് അതിനുള്ള സമയമില്ല,ഞാൻ എന്റെ കുട്ടികളുമായി തിരക്കിലാണ്; കരീന കപൂർ പറയുന്നു !

Bollywood

എപ്പോഴും സജീവമായിരിക്കുന്ന ആളുകൾക്കുള്ളതാണ് ട്വിറ്റർ, എനിക്ക് അതിനുള്ള സമയമില്ല,ഞാൻ എന്റെ കുട്ടികളുമായി തിരക്കിലാണ്; കരീന കപൂർ പറയുന്നു !

എപ്പോഴും സജീവമായിരിക്കുന്ന ആളുകൾക്കുള്ളതാണ് ട്വിറ്റർ, എനിക്ക് അതിനുള്ള സമയമില്ല,ഞാൻ എന്റെ കുട്ടികളുമായി തിരക്കിലാണ്; കരീന കപൂർ പറയുന്നു !

തൻെറ 20-ാം വയസ്സിലാണ് കരീന കപൂർ ഖാൻ ഹിന്ദി സിനിമയിൽ അരങ്ങേറ്റം കുറിക്കുന്നത്. 2000ൽ പുറത്തിറങ്ങിയ ജെ.പി. ദത്തയുടെ റെഫ്യൂജി ആയിരുന്നു കരീനയുടെ ആദ്യ ബോളിവുഡ് ചലച്ചിത്രം. സോഷ്യൽ മീഡിയ എറ്റവും കൂടുതൽ തിരയുന്ന ബോളിവുഡ് താരമാണ് കരീന കപൂർ ഖാൻ. ഫേസ്ബുക്കിലോ ട്വിറ്ററിലോ അക്കൗണ്ട് ഇല്ലാത്ത കരീനയക്ക് നിരവധി ഫാൻ പേജുകളും ഉണ്ട്. ട്വിറ്ററിൽ മുൻനിര ട്രെൻഡുകളിൽ ഇടം നേടിയ താരത്തിന്റെ ചിത്രം ‘ലാൽ സിംഗ് ഛദ്ദ’യ്ക്ക് ബഹിഷ്‌കരണ ആഹ്വാനവും നടന്നിരുന്നു. ഇപ്പോഴിതാ സോഷ്യൽ മീഡിയ പ്ലാറ്റ്‌ഫോമുകളിൽ നിലവിലുള്ള ട്രെൻഡിനോടും സംസ്കാരത്തോടും പ്രതികരിക്കുകയാണ് കരീന കപൂർ. തനിക്ക് ഇതിനൊന്നും സമയമില്ല എന്നാണ് താരം പറയുന്നത്. നിലവിൽ ഇൻസ്റ്റാ​ഗ്രാമിൽ മാത്രമാണ് താരം സജീവമായി ഉള്ളത്.



എപ്പോഴും സജീവമായിരിക്കുന്ന ആളുകൾക്കുള്ളതാണ് ട്വിറ്റർ. എനിക്ക് അതിനുള്ള സമയമില്ല.ഞാൻ എന്റെ കുട്ടികളുമായി തിരക്കിലാണ്. എന്റെ സമയം ഞാൻ അവരോടൊപ്പം ചെലവഴിക്കാൻ ആഗ്രഹിക്കുന്നു. അതുകൊണ്ട് തന്നെ എനിക്ക് ട്വിറ്റർ അക്കൗണ്ട് ഇല്ല.’കരീന ഒരു പ്രമുഖ മാധ്യമത്തോടെ പ്രതികരിച്ചു. ‘ലാൽ സിംഗ് ഛദ്ദ’യിൽ ആമിർ ഖാന്റെ നായികയായാണ് കരീന എത്തിയിരിക്കുന്നത്. “ചിത്രം തമിഴിലും തെലുങ്കിലും ഡബ്ബ് ചെയ്തിട്ടുണ്ട്, അതിനാൽ പ്രേക്ഷകർക്ക് അവരുടെ സ്വന്തം ഭാഷയിൽ ഇത് കാണാനും ആസ്വദിക്കാനും കഴിയും. ” കരീന പറഞ്ഞു.

ലാൽ സിംഗ് ഛദ്ദ ഇന്ന് തിയേറ്ററുകളിലെത്തുമ്പോൾ ആദ്യ പ്രേക്ഷക പ്രതികരണത്തിനായി കാത്തിരിക്കുകയാണ് അണിയറപ്രവർത്തകർ. ടോം ഹാങ്ക്‌സ് ടൈറ്റിൽ റോളിൽ അഭിനയിച്ച 1994ലെ ഹോളിവുഡ് ചിത്രം ‘ഫോറസ്റ്റ് ഗമ്പിന്റെ’ ഹിന്ദി പതിപ്പാണ് ലാൽ സിംഗ് ചദ്ദ. അദ്വൈത് ചന്ദൻ സംവിധാനം ചെയ്യുന്ന ചിത്രത്തിൽ കരീന കപൂർ ആണ് നായിക. ‘ത്രീ ഇഡിയറ്റ്‌സ്’ എന്ന ബ്ലോക്ക്ബസ്റ്ററിന് ശേഷം ആമിർ ഖാൻ, കരീന കപൂർ ജോഡികൾ ഒരുമിക്കുന്ന ചിത്രം കൂടിയാണ് ‘ലാൽ സിംഗ് ഛദ്ദ’. ചിത്രത്തിൽ ആമിറിന്റെ അമ്മയുടെ വേഷത്തിലാണ് മോന സിംഗ് എത്തുന്നത്.

More in Bollywood

Trending

Recent

To Top