ജീവനോടെ തിരിച്ച് വീട്ടിൽ എത്തുമോ എന്ന് ഞാനും ചിന്തിച്ചു; ജനക്കൂട്ടം കണ്ട് കണ്ണ് നിറഞ്ഞുപോയി ; ‘തല്ലുമാല’യുടെ പ്രൊമോഷൻ പരിപാടി ജനത്തിരക്ക് മൂലം മടങ്ങിപ്പോയി…; പിന്നാലെ ടൊവിനോയുടെ ലൈവ് വീഡിയോ !

മലയാളികൾ കാണാൻ കാത്തിരിക്കുന്ന സിനിമയാണ് ‘തല്ലുമാല’. എന്നാൽ സിനിമാ പ്രൊമോഷൻ മുടങ്ങിപ്പോയ വിചിത്രമായ വാർത്തയാണ് ഇപ്പോൾ വൈറലാകുന്നത്. സിനിമയുടെ പ്രൊമോഷന്‍റെ ഭാഗമായി കോഴിക്കോട് ഹൈലൈറ്റ് മാളില്‍ നടത്താന്‍ തീരുമാനിച്ച പരിപാടി ജനത്തിരക്ക് കാരണമാണ് മുടങ്ങിപ്പോയത് . അണിയറ പ്രവര്‍ത്തകര്‍ക്ക് ജനത്തിരക്ക് കാരണം പ്രൊമോഷന്‍ പരിപാടി അവതരിപ്പിക്കാനാകാത്ത സാഹചര്യമായിരുന്നു. മാളിനുള്ളിലും പുറത്തും വന്‍ ജനത്തിരക്കായിരുന്നു.

മാളിനുള്ളിലേക്ക് പ്രവേശിക്കാന്‍ പോലും അണിയറ പ്രവര്‍ത്തകര്‍ക്ക് സാധിച്ചില്ല. ‘ജീവനോടെ തിരിച്ച് എത്തുമോ എന്ന് ഒരു നിമിഷം ചിന്തിച്ചു പോയെന്നും, കോഴിക്കോടിന്‍റെ സ്നേഹത്തിന് നന്ദിയെന്നുമാണ്’ ടൊവിനോ ഇതിന് ശേഷം തന്‍റെ സോഷ്യല്‍ മീഡിയയിലൂടെ പറഞ്ഞത്. നേരിട്ട് ലൈവില്‍ എത്തിയായിരുന്നു താരം പ്രതികരിച്ചത്.

ടൊവിനോ പറഞ്ഞ വാക്കുകൾ വായിക്കാം… “പ്രതീക്ഷിച്ചതിലും വലിയ ജനക്കൂട്ടമായിരുന്നു. ഇതൊരു സന്തോഷവാ‍ർത്ത എന്ന് പറയണോ, ദു:ഖവാ‍ർത്ത എന്ന് പറയണോ എന്ന് എനിക്കറിയില്ല. തിരക്ക് കാരണം പരിപാടി തുടങ്ങാൻ പറ്റിയില്ല. ജീവിതത്തിൽ ഇങ്ങനെയൊരു ക്രൗഡ് കണ്ടിട്ടില്ല. ഇത്രയും ക്രൗഡിനുള്ളിൽ നിന്നിട്ടില്ല.

ഇടയ്ക്ക് ഏതോ ഒരു നിമിഷം ജീവനോടെ തിരിച്ച് വീട്ടിൽ എത്തുമോ എന്ന് ഞാനും ചിന്തിച്ചു. സ്നേഹമാണെന്ന് തിരിച്ചറിയുന്നു. നന്ദി. ഇതേ തിരക്ക് തീയേറ്ററിലുണ്ടായാൽ കൂടുതൽ സന്തോഷം. ക്രൗഡ് കണ്ട് കണ്ണ് നിറഞ്ഞുപോയി’ എന്നും ടൊവിനോ ലൈവിൽ പറഞ്ഞിരിക്കുകയാണ്.

ടൊവീനോ തോമസും കല്യാണി പ്രിയദർശനും കേന്ദ്ര കഥാപാത്രങ്ങളായി എത്തുന്ന തല്ലുമാല
ഖാലിദ് റഹ്മാൻ ആണ് ചിത്രം സംവിധാനം ചെയ്യുന്നത്. ആഷിഖ് ഉസ്മാൻ പ്രൊഡക്ഷൻസിന്‍റെ ബാനറിൽ ആഷിഖ് ഉസ്മാനാണ് ചിത്രം നിർമ്മിക്കുന്നത്. ആഗസ്റ്റ് 12 ന് ലോകമെമ്പാടുമുള്ള തീയേറ്ററുകളിൽ റിലീസ് ചെയ്യും. ചിത്രം സംവിധാനം ചെയ്തിരിക്കുന്നത് ഖാലിദ് റഹ്മാനാണ്. മണവാളൻ വസിം എന്ന കഥാപാത്രം ആയി ആണ് ടൊവിനോ തോമസ് എത്തുന്നത്. ബീപാത്തു എന്ന കഥാപാത്രം ആയി ആണ് കല്യാണി പ്രിയദർശൻ എത്തുന്നത്.

പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളിൽ ഒന്നാണ് തല്ലുമാല. ദുബായിലും,തലശ്ശേരിയിലും, കണ്ണൂരിലെ പരിസരങ്ങളിലുമാണ് സിനിമയയുടെ പ്രധാന രംഗങ്ങളുടെ ചിത്രീകരണം നടന്നത്. ചിത്രത്തിന്‍റെ ഛായാഗ്രാഹകൻ ജിംഷി ഖാലിദാണ്. ചിത്രത്തിന് മുഹ്സിൻ പരാരിയും അഷ്റഫ് ഹംസയും ചേർന്നാണ് തിരക്കഥ ഒരുക്കിയിരിക്കുന്നത്.

ടൊവീനോയ്ക്കും കല്യാണിയ്ക്കും പുറമെ ഷൈൻ ടോം ചാക്കോ, ലുക്മാൻ അവറാൻ, ചെമ്പൻ വിനോദ് ജോസ് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.മ്യൂസിക് വിഷ്ണു വിജയ്, എഡിറ്റർ നിഷാദ് യൂസഫ്, ആർട്ട്‌ ഗോകുൽ ദാസ്, സൗണ്ട് ഡിസൈൻ വിഷ്ണു ഗോവിന്ദ്, ശ്രീ ശങ്കർ. മേക്കപ്പ് റോനെക്സ് സേവിയർ, കൺട്രോളർ സുധർമൻ വള്ളിക്കുന്നു, മാർക്കറ്റിംഗ് പ്ലാൻ ഒബ്സ്ക്യൂറ എന്‍റർ‍ടെയ്ൻമെന്‍റ്സ് ആണ്. ചിത്രം ആഗസ്റ്റ് 12ന് തീയേറ്ററുകളിലെത്തും.

about tovino