എന്റെ ഏറ്റവും ഇഷ്ടപ്പെട്ട സ്ഥലം അത് ,ഒരുപാട് ഓർമ്മകൾ ഉള്ള സ്ഥലം അവിടെയാണ് ; ആരാധകരോട് ജാസ്മിൻ !
ബിഗ് ബോസ് മലയാളം സീസൺ 4ലെ ശക്തായ മത്സരാർഥികളിൽ ഒരാളായിരുന്നു ജാസ്മിൻ മൂസ. ബിഗ് ബോസ് തുടങ്ങിയ അന്നു മുതൽ ശ്രദ്ധിക്കപ്പെട്ട മത്സരാർഥികളിൽ ഒരാൾ കൂടിയായിരുന്നു ജാസ്മിൻ. നിലപാടുകൾ കൊണ്ടും ജാസ്മിൻ ശ്രദ്ധിക്കപ്പെട്ടിരുന്നു. ഷോ തുടങ്ങിയപ്പോൾ മുതൽ റോബിനുമായുള്ള ജാസ്മിന്റെ വാക്കേറ്റങ്ങളും ഉണ്ടായിരുന്നു. പലപ്പോഴും റോബിനും ജാസ്മിനും ഒന്നിച്ചെത്തിയ നിമിഷങ്ങളെല്ലാം ബിഗ് ബോസ് പ്രേക്ഷകർക്ക് മറക്കാനാകത്തതാണ്. ബിഗ് ബോസിൽ നിമിഷയോടും റിയാസിനോടുമുള്ള ജാസ്മിന്റെ സൗഹൃദവും ഏറെ ശ്രദ്ധിക്കപ്പെട്ടിരുന്നു.
ഷോയിൽ നിന്ന് പുറത്തിറങ്ങിയ ശേഷവും സുഹൃത്തുക്കളുമായി യാത്ര ചെയ്യുന്നതിന്റെയും അടിച്ചുപൊളിക്കുന്നതിന്റെയുമൊക്കെ തിരക്കിലാണ് ജാസ്മിൻ. നിമിഷയോടൊപ്പമുള്ള രസകരമായ മുഹൂർത്തങ്ങൾ പലപ്പോഴും ജാസ്മിൻ പങ്കുവയ്ക്കാറുണ്ട്. ബിഗ് ബോസിൽ നിന്ന് പുറത്തിറങ്ങിയ ഉടനെ തന്നെ അപർണ, നിമിഷ, നവീൻ എന്നിവർക്കൊപ്പം ആഘോഷിക്കുന്നതിന്റെ ചിത്രങ്ങളും വീഡിയോയും ജാസ്മിൻ പങ്കുവച്ചിരുന്നു. കഴിഞ്ഞ ദിവസം റോബിനെ കളിയാക്കി കൊണ്ടുള്ള ഒരു വീഡിയോയും നിമിഷയും ജാസ്മിനും പങ്കുവച്ചിരുന്നു.
ഇപ്പോഴിത ഇൻസ്റ്റഗ്രാമിൽ ആരാധകരുടെ ചോദ്യത്തിനുള്ള ഉത്തരവുമായെത്തിയിരിക്കുകയാണ് ജാസ്മിൻ. എപ്പോഴാണ് മണാലിയിലേക്ക് വരുന്നത് എന്നായിരുന്നു ഒരു ആരാധകരന്റെ ചോദ്യം. മണാലിയേക്ക് അടുത്ത് വരാൻ സാധ്യതയുണ്ടെന്നാണ് ജാസ്മിൻ മറുപടി പറഞ്ഞത്. ഏറ്റവും ഇഷ്ടപ്പെട്ട നിറം കറുപ്പാണെന്നും ജാസ്മിൻ പറഞ്ഞു. എന്തുകൊണ്ടാണ് ഇങ്ങനെ വ്യത്യസ്തതയോടെ ചിന്തിക്കുന്നത് എന്നായിരുന്നു അടുത്ത ചോദ്യം. അടിസ്ഥാനപരമായി എല്ലാവരും വ്യത്യസ്തരാണ്. നമ്മൾ എല്ലാവരും വ്യത്യസ്തരാകുമ്പോൾ വ്യത്യസ്തമായിട്ടായിരിക്കും ചിന്തിക്കുന്നത്.
ചില ആളുകൾക്ക് അത് റിലേറ്റ് ചെയ്യാൻ പറ്റും. മറ്റു ചിലർക്ക് അത് പറ്റില്ല. അതാണ് ജീവിതമെന്നും ജാസ്മിൻ പറയുന്നു. ഹിമാചൽ പ്രദേശ് ആണ് എന്റെ ഇഷ്ടപ്പെട്ട സ്ഥലം. ഒരുപാട് ഓർമ്മകൾ ഉള്ള സ്ഥലം കൊച്ചിയാണെന്നും ജാസ്മിൻ പറഞ്ഞു. മോണിക്കയോടൊപ്പമുള്ള ഏറ്റവും നല്ല ചിത്രങ്ങൾ പങ്കുവയ്ക്കാമോ എന്ന ചോദ്യത്തിന് മനോഹരമായ ചിത്രങ്ങളും ജാസ്മിൻ പങ്കുവച്ചിട്ടുണ്ട്.
