ഉപ്പ അകാൻ ബഷീർ ബഷി; ഉമ്മ അകാൻ രണ്ടുപേർ; രണ്ടു ഭാര്യമാരിൽ ഗർഭിണി ആരെന്ന് കണ്ടോ?; വ്യാജ വർത്തകളിലൂടെയും ഗോസിപ്പുകളിലൂടെയും നിറഞ്ഞു നിന്ന ആ വാർത്ത സത്യമായി ; സന്തോഷം അറിയിച്ച് ബഷീർ ബഷി!

മലയാളി പ്രേക്ഷകർ ഒരുകാലത്ത് ആഘോഷിച്ച താരകുടുംബമാണ് ബഷീർ ബഷിയുടേത് . പ്രേക്ഷകര്‍ക്ക് സുപരിചിതരായവരാണ് ബഷീര്‍ ബഷിയും കുടുംബവും. ബിഗ് ബോസില്‍ മത്സരിച്ചതോടെയാണ് ബഷീര്‍ ശ്രദ്ധ നേടിയത്. തനിക്ക് രണ്ട് ഭാര്യമാരുണ്ടെന്നും ആദ്യ ഭാര്യയുടെ സമ്മതത്തോടെയാണ് രണ്ടാമത്തെയാളും ജീവിതത്തിലേക്ക് വന്നതെന്നും ബഷീര്‍ പറഞ്ഞിരുന്നു. രണ്ടു ഭാര്യമാരുള്ളതായിരുന്നു മലയാളികൾക്ക് ബഷീർ ബഷിയെ കുറിച്ച് സംസാരിക്കാൻ ആകാംക്ഷ കൂട്ടിയത്.

ഇടയ്ക്കിടെ വ്യാജ വർത്തകളിലൂടെയും ഗോസിപ്പുകളിലൂടെയും ബഷീറും ഭാര്യമാരും വൈറലാകാറുണ്ട്. ഇപ്പോഴിതാ, രണ്ടാമത്തെ ഭാര്യയായ മഷൂറ ഗര്‍ഭിണിയാണെന്നുള്ള സന്തോഷം പങ്കുവെച്ചെത്തിയിരിക്കുകയാണ് ബഷീര്‍ ബഷി. ഇന്‍സ്റ്റഗ്രാമിലും യൂട്യൂബ് ചാനലിലൂടെയുമായാണ് ബഷീര്‍ സന്തോഷവാര്‍ത്ത അറിയിച്ചിട്ടുള്ളത്.

പ്രഗ്നന്‍സി ടെസ്റ്റ് നടത്തിയതും റിസല്‍ട്ട് പോസിറ്റീവായെന്നുമുള്ള സന്തോഷം അറിയിച്ചെത്തിയിരിക്കുകയാണ് ബഷീര്‍ ബഷി. അതീവ സന്തോഷത്തോടെയാണ് സുഹാനയും റിസല്‍ട്ട് നോക്കിയത്. ഒരുപാട് സന്തോഷത്തോടെയാണ് ഞാന്‍ ഈ വാര്‍ത്ത പങ്കുവെക്കുന്നത്. മഷൂറ ഗര്‍ഭിണിയാണ്. നിങ്ങളുടെ പ്രാര്‍ത്ഥനകളില്‍ ഞങ്ങളേയും ഉള്‍പ്പെടുത്തുക. ഷിയാസ് കരീമായിരുന്നു പോസ്റ്റിന് താഴെയായി ആദ്യം കണ്‍ഗ്രാറ്റ്‌സ് അറിയിച്ചത്.

ബഷീറിനൊപ്പമായി വീഡിയോയിലൂടെയും മഷൂറ ഇതേക്കുറിച്ച് സംസാരിച്ചിരുന്നു. പീരീഡ്‌സ് മിസായിട്ട് കുറച്ച് ദിവസമായി. ഇത് പറയുമ്പോള്‍ നിങ്ങളുടെ മുഖത്ത് പുഞ്ചിരി വിരിയുമെന്ന് എനിക്കറിയാം. ഞാന്‍ പ്രഗ്നന്റാണെന്ന് തരത്തിലുള്ള വാര്‍ത്തകള്‍ നേരത്തെയും പ്രചരിച്ചിരുന്നു. കസിന്‍സൊക്കെ ഞാന്‍ ഗര്‍ഭിണിയാണോ എന്നൊക്കെ ചോദിച്ചിരുന്നു. പ്രഗ്നന്റായാല്‍ ഞങ്ങള്‍ തന്നെ ആ സന്തോഷം പങ്കിടുമെന്ന് നേരത്തെ ഞങ്ങള്‍ നിങ്ങളോട് പറഞ്ഞതാണ്.

ആളുകള്‍ക്ക് പലതും പറയാം. ഞാന്‍ കടന്നുപോയ വേദന എന്താണെന്ന് എനിക്ക് മാത്രമേ അറിയൂയെന്നായിരുന്നു മഷൂറ പറഞ്ഞത്. പ്രഗ്നന്റായാല്‍ നിങ്ങളെ അറിയിക്കുമെന്ന പറഞ്ഞ വാക്ക് ഞങ്ങള്‍ പാലിക്കും. ടെസ്റ്റ് നടത്തി ആശുപത്രിയില്‍ പോയി ഡോക്ടറിനെ കണ്ടതിന് ശേഷം മാത്രമേ ഞങ്ങള്‍ അതേക്കുറിച്ച് പറയുകയുള്ളൂ. നേരത്തെയും ഇതേപോലെ വീഡിയോ ചെയ്തിട്ടുള്ളതിനാല്‍ എനിക്ക് ടെന്‍ഷനാണെന്നായിരുന്നു ബഷീര്‍ പറഞ്ഞത്.

പ്രാര്‍ത്ഥനയോടെയായിരുന്നു ബഷിയും മഷൂറയും ടെസ്റ്റ് നടത്തിയത്. ഇത് പോസിറ്റീവാണ്, സംശയിക്കേണ്ടെന്നായിരുന്നു ബഷീര്‍ പ്രതികരിച്ചത്. ഈ പ്രാവശ്യം വലിയ പ്രതീക്ഷയുണ്ടായിരുന്നില്ലെന്നും ബഷീര്‍ പറഞ്ഞിരുന്നു. സോനുവിന്റെ പ്രതികരണം എങ്ങനെയായിരിക്കുമെന്ന് നോക്കാമെന്നും ഇരുവരും പറയുന്നുണ്ടായിരുന്നു.

എന്താണിതെന്ന് പറഞ്ഞ് ആശ്ചര്യത്തോടെ റിസല്‍ട്ട് നോക്കുകയായിരുന്നു സുഹാന. ഞാനൊരു ഉമ്മയാവാന്‍ പോവുകയാണെന്നായിരുന്നു സോനുവിന്റെ പ്രതികരണം.

ഞാനൊരു അമ്മയാവാന്‍ പോവുന്ന ഫീലാണ്. സൈഗു വലുതായല്ലോ, ഇനി കളിപ്പിക്കാനൊരു കൊച്ചൊക്കെയാവാമെന്നും സോനു പറയുന്നുണ്ടായിരുന്നു. നേരത്തെ ടെസ്റ്റ് ചെയ്തപ്പോള്‍ നെഗറ്റീവായപ്പോള്‍ മഷൂറ നല്ല വിഷമത്തിലായിരുന്നു. അന്ന് മഷൂറ കരഞ്ഞിരുന്നു. അതുപോലെയാവുമോ ഇന്ന് എന്ന പേടിയുണ്ടായിരുന്നു.

മക്കളായ സുനുവിന്റെയും സൈഗുവിന്റെയും റിയാക്ഷനും വീഡിയോയില്‍ കാണിച്ചിരുന്നു. മഷൂമ്മിക്ക് ബേബിയുണ്ടാവാന്‍ പോവുകയാണെന്നറിഞ്ഞപ്പോള്‍ സുനുവിന് കരച്ചിലായിരുന്നു. എനിക്ക് ഒരനിയനും അനിയത്തിയും വേണമെന്നായിരുന്നു സൈഗുവിന്റെ കമന്റ്. സുനുവിന്റെ ആനന്ദക്കണ്ണീര് പ്രതീക്ഷിച്ചതാണെന്നും ബഷീര്‍ പറയുന്നുണ്ടായിരുന്നു.

ഈദ് ദിനത്തില്‍ തന്നെ വിശേഷ വാര്‍ത്ത എത്തിയതില്‍ എല്ലാവരും സന്തോഷത്തിലാണ്. കുടുംബാംഗങ്ങളോടെല്ലാം ഇതേക്കുറിച്ച് വിളിച്ച് പറഞ്ഞിരുന്നു. ഇനിയങ്ങോട്ടുള്ള വിശേഷങ്ങളും നിങ്ങളെ അറിയിക്കുമെന്നും ബഷീര്‍ ബഷി പറഞ്ഞിരുന്നു. നാളുകളായി കേള്‍ക്കാന്‍ കാത്തിരുന്ന വാര്‍ത്ത, വളരെ സന്തോഷം.

സോനു പറയുന്നത് കേട്ടപ്പോള്‍ സങ്കടം വന്നു തുടങ്ങി നിരവധി കമന്റുകളാണ് വീഡിയോയ്ക്ക് താഴെയുള്ളത്. ആശംസ അറിയിച്ചവരോടെല്ലാം ബഷീറും മഷൂറയും നന്ദി പറഞ്ഞിരുന്നു.

about basheer bashi