Connect with us

സിനിമ ചിത്രീകരണത്തിനിടെ വിശാലിന് വീണ്ടും പരിക്ക് ; ചിത്രീകരണം നിര്‍ത്തിവച്ചു!

Movies

സിനിമ ചിത്രീകരണത്തിനിടെ വിശാലിന് വീണ്ടും പരിക്ക് ; ചിത്രീകരണം നിര്‍ത്തിവച്ചു!

സിനിമ ചിത്രീകരണത്തിനിടെ വിശാലിന് വീണ്ടും പരിക്ക് ; ചിത്രീകരണം നിര്‍ത്തിവച്ചു!

നടന്‍ വിശാലിന്‍റെ ഏറ്റവും പുതിയ ചിത്രമാണ് ‘ലാത്തി’. ‘ലാത്തി’യുടെ ചിത്രീകരണത്തിനിടെ വിശാലിന് പരിക്കേറ്റു. സിനിമയുടെ അവസാന ഷെഡ്യൂളിന്‍റെ ചിത്രീകരണത്തിന് ഇടയ്ക്ക് വെച്ചായിരുന്നു സംഭവം. സിനിമയുടെ സംഘട്ടനരംഗങ്ങൾക്കായി വിശാൽ തൃവ്ര പരിശീലനത്തിലായിരുന്നു. തീവ്രമായ ആക്ഷൻ സീക്വൻസിനായുള്ള ഷൂട്ടിങ്ങിനിടെയായിരുന്നു വിശാലിന്‍റെ കൈക്ക് പരിക്കേറ്റത്. തുടര്‍ന്ന് സിനിമയുടെ ഷൂട്ടിങ്‌ നിര്‍ത്തിവെച്ചിരിക്കുകയാണ്.വിശാൽ സുഖം പ്രാപിച്ചുകഴിഞ്ഞു മാത്രമേ സിനിമയുടെ ഷൂട്ടിങ്‌ പുനരാരംഭിക്കുകയുള്ളൂ. റിപ്പോർട്ടുകൾ പ്രകാരം വിശാൽ സുഖമായിരിക്കുന്നു എന്നാണ് ഡോക്ടർ പറഞ്ഞിരിക്കുന്നത്. കൈക്ക് ഒടിവോ ചതവോ ഇല്ല എന്നും ഡോക്‌ടര്‍ അറിയിച്ചിട്ടുണ്ട്. താരത്തിന് ‘ലാത്തി’യുടെ ഷൂട്ടിങ്ങിനിടെ പരിക്കേല്‍ക്കുന്നത്‌ രണ്ടാം തവണയാണ്. ഫെബ്രുവരിയില്‍ സിനിമയുടെ ആക്ഷൻ ഷെഡ്യൂളിനിടെ താരത്തിന് ഗുരുതരമായി പരിക്ക് ഏറ്റിരുന്നു. ഹൈദരാബില്‍ സ്‌റ്റണ്ട്‌ സീക്വന്‍സ്‌ ഷൂട്ട്‌ ചെയ്യുന്നതിനിടെയായിരുന്നു അപകടം നടന്നത്. മുൻപ് ഷൂട്ടിനിടെ നടന് നിരവധി തവണ ഒടിവുകള്‍ സംഭവിച്ചിട്ടുമുണ്ട്‌. ഇതിനെ തുടര്‍ന്ന് താരം ചികിത്സയ്ക്കായി കേരളത്തില്‍ എത്തിയിരുന്നു.

വിശാലിന്‍റെ 32ാം ചിത്രമായ ‘ലാത്തി’യില്‍ ഒരു പൊലീസുദ്യോഗസ്ഥൻ്റെ വേഷത്തിലാണ് വിശാൽ എത്തുന്നത്. ചിത്രത്തിനായി താരം തൻ്റെ ശാരീരികമായ ഫിറ്റ് ലുക്കിനായി ഭാരം അല്‍പം കുറച്ചിരുന്നു. ഈ റിപ്പോര്‍ട്ടുകള്‍ ശരിവയ്‌ക്കുന്ന തരത്തിൽ നടൻ വര്‍ക്കൗട്ട് വീഡിയോ പങ്കുവെച്ചിരുന്നു. ഇൻസ്റ്റാഗ്രാം പേജിലൂടെ വിശാൽ വർക്കൌട്ട് വീഡിയോ പങ്കുവെച്ചതിൻ്റെ അന്ന് വൈകിട്ടോടെയാണ് അപകടം പറ്റിയത്. ‘ലാത്തി’യുടെ ആക്ഷന്‍ രംഗങ്ങള്‍ ഷൂട്ടു ചെയ്യുന്ന വീഡിയോയും അടുത്തിടെ താരം സോഷ്യല്‍ മീഡിയയില്‍ പങ്കുവച്ചിരുന്നു.

‘ട്രെയിന്‍ പോലെയാവണം പരിശീലനങ്ങളും. കഠിനാധ്വാനത്തിന് പകരം വയ്ക്കാന്‍ ഒന്നുമില്ല.’ – എന്ന കുറിപ്പോടു കൂടിയാണ് താരം വര്‍ക്കൗട്ട് വീഡിയോ പങ്കുവച്ചിരിക്കുന്നത്‌. ചിത്രത്തിലെ ആക്ഷന്‍ മാസ്‌റ്റര്‍ ‘പുലിമുരുകന്‍റെ’ സംഘട്ടന രംഗങ്ങളൊരുക്കിയ പീറ്റര്‍ ഹെയ്‌ന്‍ ആണ്. നടന്‍ പ്രഭുവും ചിത്രത്തില്‍ സുപ്രധാന വേഷത്തിലെത്തുന്നുണ്ട്. സിനിമയില്‍ വിശാലിന്‍റെ നായികയായെത്തുന്നത് സുനൈന ആണ്.

നവാഗതനായ എ.വിനോദ്‌ കുമാര്‍ ആണ് സിനിമ സംവിധാനം ചെയ്യുന്നത്. നടന്‍മാരായ രമണ, നന്ദ എന്നിവര്‍ ചേര്‍ന്നുള്ള റാണാ പ്രൊഡക്ഷന്‍റെ ബാനറിലാണ് ചിത്രം നിര്‍മിക്കുന്നത്. ബാലസുബ്രഹ്മണ്യമാണ് ഛായാഗ്രഹണം നിർവ്വഹിക്കുന്നത്. യുവന്‍ ഷങ്കര്‍ രാജയാണ് സംഗീതം നിര്‍വഹിക്കുന്നത്. 2022 ഓഗസ്‌റ്റ് 12ന് സിനിമ തിയേറ്ററിലെത്തും. തമിഴിന് പുറമെ മലയാളം, ഹിന്ദി, തെലുങ്ക്‌, കന്നട എന്നീ അഞ്ചു ഭാഷകളിലായാണ് ചിത്രം ഒരുക്കുന്നത്‌.

More in Movies

Trending

Recent

To Top