തെലുങ്ക് നടനും മഹേഷ് ബാബുവിന്റെ സഹോദരനുമായ നരേഷിനെയും നടി പവിത്രാ ലോകേഷിനെയും ചെരുപ്പൂരി തല്ലാനൊരുങ്ങി നടന്റെ ഭാര്യ രമ്യാ രഘുപതി. മൈസൂരുവിലെ ഒരു ഹോട്ടലില്‍ വെച്ച് ഇരുവരേയും ഒരുമിച്ച് കണ്ടതോടെയാണ് സംഭവം. കാലില്‍ നിന്ന് ചെരുപ്പൂരി തല്ലാനായി എത്തിയ രമ്യയെ പൊലീസുകാര്‍ ചേര്‍ന്നാണ് പിടിച്ചുമാറ്റിയത്. ഇതിന്റെ വീഡിയോ ഇപ്പോള്‍ സാമൂഹിക മാധ്യമങ്ങളില്‍ വൈറലാണ്.
മൈസൂരുവില്‍ നരേഷ് താമസിക്കുന്ന ഹോട്ടലില്‍ എത്തിയപ്പോഴാണ് രമ്യ ഭര്‍ത്താവിനൊപ്പം പവിത്രയേയും കണ്ടത്. ഇതോടെ രമ്യ ദേഷ്യപ്പെടുകയും തല്ലാനായി ചെരുപ്പൂരുകയുമായിരുന്നു. രമ്യയെ പൊലീസ് ഇടപെട്ട് പിടിച്ചുമാറ്റുന്നതിനിടയില്‍ നരേഷും പവിത്രയും റൂമില്‍ നിന്ന് ഇറങ്ങി ലിഫ്റ്റില്‍ കയറി.
ലിഫ്റ്റില്‍ കയറിയതിന് ശേഷം നരേഷ് രമ്യയെ നോക്കി വിസിലടിക്കുന്നതും പരിഹസിക്കുന്നതും വീഡിയോയിലുണ്ട്. നരേഷിന്റെ മൂന്നാം ഭാര്യയാണ് രമ്യ. കന്നഡ നടന് മൈസൂര്‍ ലോകേഷിന്റെ മകളും നടന് ആദി ലോകേഷിന്റെ സഹോദരിയുമാണ് പവിത്ര. നരേഷും പവിത്ര ലോകേഷും വിവാഹിതരായി എന്ന വാര്‍ത്തകള്‍ നേരത്തെ പുറത്തുവന്നിരുന്നു.
എന്നാല്‍ രണ്ട് ദിവസം മുമ്പ് നരേഷ് ഇക്കാര്യങ്ങള്‍ നിഷേധിച്ചുകൊണ്ട് ഒരു വീഡിയോ പങ്കുവച്ചിരുന്നു. കൂടാതെ താന്‍ വിവാഹമോചന നോട്ടീസ് അയച്ചതിന്റെ പ്രതികാരമായാണ് രമ്യ ഇത്തരം കാര്യങ്ങള്‍ ചെയ്യുന്നതെന്നും നരേഷ് പറഞ്ഞിരുന്നു. ഇതിന് പിന്നാലെ ചില മാധ്യമ പ്രവര്‍ത്തകര്‍ തന്നെ പിന്തുടര്‍ന്ന് മാനസികമായി പീഡിപ്പിക്കുന്നുവെന്ന് ചൂണ്ടിക്കാട്ടി നടി പവിത്ര ലോകേഷ് പൊലീസില്‍ പരാതി നല്‍കിയിരുന്നു.
നടപടി ആവശ്യപ്പെട്ട് മൈസൂരുവിലെ വിവി പുരം പൊലീസിലാണ് ഇവര്‍ പരാതി നല്‍കിയത്. നരേഷും രമ്യ രഘുപതിയും തങ്ങളുടെ വ്യക്തിപരമായ പ്രശ്‌നങ്ങള്‍ പരിഹരിക്കണമെന്നും അവര്‍ പറയുന്നു. തന്റെ മനസമാധാനം നശിപ്പിക്കുന്ന തരത്തില്‍ ചില മാധ്യമ പ്രതിനിധികള്‍ തന്നെ പിന്തുടരുന്നതായും അവര്‍ വ്യക്തമാക്കി.
അത്തരത്തിലുള്ള മാധ്യമ സ്ഥാപനങ്ങള്‍ക്കെതിരെ പൊലീസ് നടപടി എടുക്കണമെന്നും നടി ആവശ്യപ്പെട്ടു. പവിത്ര ലോകേഷ് നേരത്തെ സൈബര്‍ പൊലീസിലും പരാതി നല്‍കിയിരുന്നു. തന്റെ പേരില്‍ നിരവധി വ്യാജ അല്‍കൗണ്ടുകള്‍ വന്നിട്ടുണ്ടെന്നും സൈബര്‍ പൊലീസിന് നല്‍കിയ പരാതിയില്‍ ഉണ്ട്. വ്യാജ അകൗണ്ടുകള്‍ തന്റെ പേരില്‍ വ്യാജ വാര്‍ത്തകള്‍ പ്രചരിപ്പിക്കുന്നതായും നടി പറഞ്ഞു.
നിരവധി ആരാധകരുള്ള താരമാണ് വിശാല്. ഇപ്പോഴിതാ തന്റെ പുതിയ ചിത്രം ‘രത്നം’ റിലീസ് ചെയ്യുന്നതില് തടസങ്ങള് ഉണ്ടാക്കുന്നുവെന്ന് നടന് വിശാല്. ഈ...
സംവിധായകനും എഡിറ്ററുമായ അപ്പു ഭട്ടതിരി വിവാഹിതനായി. അഭ വരദരാജ് ആണ് വധു. തിരുവനന്തപുരം സബ് രജിസ്ട്രാര്‍ ഓഫിസില് വച്ച് നടന്ന വളരെ...
തെന്നിന്ത്യന് സിനിമാ ലോകത്ത് നിരവധി മനോഹര ഗാനങ്ങള് സമ്മാനിച്ച ഗായികയാണ് മിന്മിനി. എ. ആര്. റഹ്മാന് ആദ്യമായി സംഗീതം നല്‍കിയ റോജ...
ജനപ്രിയ റിയാലിറ്റി ഷോ ആയ ബിഗ് ബോസ് മലയാളം സീസണ് 6 ല് അതിഥിയായി ദിലീപ് എത്തുന്നു. താന്‍ നായകനാവുന്ന പുതിയ...
കഴിഞ്ഞ ദിവസമായിരുന്നു നടന് ദീപക് പറമ്പോലും നടി അപര്ണ ദാസും ഗുരുവായൂരമ്പലത്തില് വെച്ച് വിവാഹിതരായത്. അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങില്...
