യൂട്യൂബ് ചാനല്‍ തുടങ്ങിയാല്‍ നമ്മള്‍ ആണ് അവിടെ രാജാവ്, നമ്മുക്ക് ഇഷ്ടമുള്ള കണ്ടെന്റ് ഉണ്ടാകാം, സിനിമയാണെങ്കില്‍ ബാക്കിയുള്ളവരുടെ വിളിക്ക് നമ്മള്‍ കാത്ത് നില്‍ക്കണം’; സിനിമ ഇല്ലെങ്കിലും ജീവിക്കാന്‍ വേറെ വഴി കണ്ടു വെച്ചിട്ടുണ്ടെന്ന് ഗായത്രി സുരേഷ്

വളറെ കുറച്ച് ചിത്രങ്ങളിലൂടെ തന്നെ മലയാളി പ്രേക്ഷകര്‍ക്കേറെ പ്രിയങ്കരിയായി മാറിയ നടിയാണ് ഗായത്രി സുരേഷ്. സോഷ്യല്‍ മീഡിയയില്‍ വളരെ സജീവമായ താരം ഇടയ്ക്കിടെ തന്റെ ചിത്രങ്ങളും വിശേഷങ്ങളും എല്ലാം തന്നെ പങ്കുവെച്ച് എത്താറുണ്ട്. അവയെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്.

ഇടയ്ക്കിടെ വിവാദ പ്രസ്താവനകളും ഗായത്രിയുടേതായി പുറത്തെത്താറുണ്ട്. അവയെല്ലാം തന്നെ വൈറലാകുകയും ട്രോളുകള്‍ ഇരന്നു വാങ്ങുകയും ചെയ്യാറുണ്ട്. ഇപ്പോഴിതാ തന്റെ കരിയറിനെ കുറിച്ച് ഗായത്രി ഒരു അഭിമുഖത്തില്‍ പറഞ്ഞ കാര്യങ്ങളാണ് ശ്രദ്ധനേടുന്നത്. സിനിമ ഇല്ലെങ്കിലും താന്‍ വേറെ വഴി കണ്ടു വെച്ചിട്ടുണ്ടെന്ന് ഗായത്രി പറയുന്നു.

‘സിനിമ ഇല്ലെങ്കിലും ഞാന്‍ വേറെ വഴി കണ്ടു വെച്ചിട്ടുണ്ട്, ഞാന്‍ യൂട്യൂബ് ചാനല്‍ തുടങ്ങും. നല്ല നല്ല കണ്ടെന്റ് ചെയ്യും യൂട്യൂബ് ചാനല്‍ തുടങ്ങിയാല്‍ നമ്മള്‍ ആണ് അവിടെ രാജാവ്. നമ്മുക്ക് ഇഷ്ടമുള്ള കണ്ടെന്റ് ഉണ്ടാക്കാം. വേണമെങ്കില്‍ നമ്മുക്ക് ലോക പ്രശസ്തര്‍ വരെയാകാം. സിനിമയാണെങ്കില്‍ ബാക്കിയുള്ളവരുടെ വിളിക്ക് നമ്മള്‍ കാത്ത് നില്‍ക്കണം.

പലരുടെയും താളത്തിന് അനുസരിച്ച് തുള്ളണം. ഇന്റീമേറ്റ് സീന്‍ ചെയ്യണം. തന്റെ വാല്യൂസ് കളഞ്ഞ് ഒന്നിഞ്ഞും താന്‍ തയ്യാറല്ല. ഒരുപാട് പേര്‍ കോംപ്രമൈസിന് തയ്യാറാണോയെന്ന് ചോദിക്കാറുണ്ട്. അതിനൊന്നും ഞാന്‍ തയ്യാറല്ല,’ എന്നും ഗായത്രി പറയുന്നു.