Malayalam
‘ബീസ്റ്റ്’ ഇഷ്ടമായില്ലെങ്കില്‍ എന്തിനാണ് അഭിനയിച്ചത്’; ബീസ്റ്റിനെതിരെ സംസാരിച്ച ഷൈനിനെ വിമര്‍ശിച്ച് കമന്റുകള്‍
‘ബീസ്റ്റ്’ ഇഷ്ടമായില്ലെങ്കില്‍ എന്തിനാണ് അഭിനയിച്ചത്’; ബീസ്റ്റിനെതിരെ സംസാരിച്ച ഷൈനിനെ വിമര്‍ശിച്ച് കമന്റുകള്‍
വിജയുടേതായി ഒടുവില്‍ പുറത്തെത്തിയ ബീസ്റ്റ് എന്ന ചിത്രത്തിന് സമ്മിശ്ര പ്രതികരണമാണ് ലഭിച്ചിരുന്നത്. നെല്‍സണ്‍ ദിലീപ് കുമാര്‍ സംവിധാനം ചെയ്ത ചിത്രം വാണിജ്യമായി വിജയമായിരുന്നു. ഏപ്രില്‍ 13-ന് റിലീസ് ചെയ്ത ‘ബീസ്റ്റി’ല്‍ പൂജഡ ഹെഗ്ഡെ ആയിരുന്നു നായിക.
ചിത്രത്തില്‍ മലയാളി താരം ഷൈന്‍ ടോം ചാക്കോയും അഭിനയിച്ചിരുന്നു.
ബീസ്റ്റ് റിലീസ് ചെയ്ത് മാസങ്ങള്‍ കഴിയുമ്പോള്‍ ഷൈന്‍ ചിത്രത്തിനെതിരെ നടത്തിയ പരാമര്‍ശം വിമര്‍ശനങ്ങള്‍ക്ക് വഴിവച്ചിരിക്കുകയാണ്. ‘ബീസ്റ്റ്’ താന്‍ കണ്ടിട്ടില്ലെന്നും സിനിമയെ പരിഹസിച്ചു കൊണ്ടുള്ള ട്രോളുകള്‍ കണ്ടിരുന്നുവെന്നും ഷൈന്‍ ദ ക്യൂവിന് നല്‍കിയ അഭിമുഖത്തില്‍ പറഞ്ഞിരുന്നു.’ട്രോളുകള്‍ കണ്ടിരുന്നു.
പടം നന്നായില്ലെങ്കിലും ട്രോളുകള്‍ നല്ലതാണല്ലോ. വിജയിന്റെ ‘പോക്കിരി’ കണ്ടിട്ടുണ്ട്. നല്ല സിനിമയാണ്. ‘ബീസ്റ്റി’ല്‍ എല്ലാ തീവ്രവാദികളെയും ഒരുമിച്ച് തീര്‍ക്കുക എന്നൊക്കെ പറഞ്ഞാല്‍…’ എന്നാണ് ഷൈന്‍ പറഞ്ഞത്.
ചിത്രത്തില്‍ വിജയ് ഷൈനിനെ ബാഗ് പോലെ തൂക്കിയെടുക്കുന്ന രംഗമുണ്ട്. അത് പ്രേക്ഷകരുടെ യുക്തിയെ ചോദ്യം ചെയ്യുന്നതാണെന്നും നടന് പറഞ്ഞിരുന്നു. പിന്നാലെയാണ് ഷൈനിനെതിരെ വിമര്‍ശനവുമായി നിരവധി പേര് രംഗത്തെത്തിയത്.
‘ബീസ്റ്റ്’ ഇഷ്ടമായില്ലെങ്കില്‍ എന്തിനാണ് അഭിനയിച്ചത്. സംവിധായകന്‍ നെല്‍സണ്‍ ദിലീപ് കുമാറിനോട് പറയാമായിരുന്നില്ല ഓസ്‌കറാണ് തന്റെ ലക്ഷ്യമെന്ന്. നല്ല പ്രതിഫലം വാങ്ങിയതിന് ശേഷം സിനിമ കണ്ടില്ലെന്ന് പറയുന്നതെന്തിന്’എന്നാണ് ഒരാളുടെ ട്വീറ്റ്.
