Connect with us

100 കോടി മുതല്‍ മുടക്കില്‍ ഒരുക്കിയ ചിത്രത്തിന് ലഭിച്ചത് 4420 രൂപ, വിറ്റു പോയത് 20 ടിക്കറ്റുകള്‍; വന്‍ പരാജയമായി കങ്കണ റണാവത്ത് ചിത്രം

News

100 കോടി മുതല്‍ മുടക്കില്‍ ഒരുക്കിയ ചിത്രത്തിന് ലഭിച്ചത് 4420 രൂപ, വിറ്റു പോയത് 20 ടിക്കറ്റുകള്‍; വന്‍ പരാജയമായി കങ്കണ റണാവത്ത് ചിത്രം

100 കോടി മുതല്‍ മുടക്കില്‍ ഒരുക്കിയ ചിത്രത്തിന് ലഭിച്ചത് 4420 രൂപ, വിറ്റു പോയത് 20 ടിക്കറ്റുകള്‍; വന്‍ പരാജയമായി കങ്കണ റണാവത്ത് ചിത്രം

വിവാദ പ്രസ്താവനകളിലൂടെ വാര്‍ത്തകളില്‍ ഇടം പിടിക്കാറുള്ള താരമാണ് കങ്കണ റണാവത്ത്. സോഷ്യല്‍ മീഡിയയില്‍ വളരെ സജീവമാണ് താരം. എന്നാല്‍ ഇപ്പോഴിതാ ബോളിവുഡില്‍ വന്‍ പരാജയമായി മാറിയിരിക്കുകയാണ് കങ്കണയുടെ പുതിയ ചിത്രം ധക്കഡ്. ചിത്രം റിലീസ് ചെയ്ത് എട്ടാം ദിവസത്തിലേയ്ക്ക് കടക്കുമ്പോഴും ഇന്ത്യയിലാകെ നേടിയത് 4,420 രൂപ മാത്രമാണ്.

20 ടിക്കറ്റുകള്‍ ആണ് ആകെ വിറ്റുപോയതും. 100 കോടി മുതല്‍ മുടക്കില്‍ ഒരുക്കിയ ചിത്രത്തിനാണ് 4420 രൂപ ലഭിച്ചത് എന്നതും ശ്രദ്ധേയമാണ്. മെയ് 20 ന് റിലീസ് ചെയ്ത ചിത്രത്തിന് ഇതുവരെ 3.53 കോടി മാത്രമേ വരുമാനം നേടാനായുള്ളൂ. ഒട്ടുമിക്ക തിയേറ്ററുകളിലും ആളില്ലാത്തതിനാല്‍ ഷോകള്‍ റദ്ദാക്കി.

റസ്നീഷ് റാസി സംവിധാനം ചെയ്ത ധാക്കഡ് ഒരു സ്പൈ ത്രില്ലറാണ്. ഏജന്റ് അഗ്നി എന്ന കഥാപാത്രമായാണ് കങ്കണ എത്തിയത്. അര്‍ജുന്‍ രാംപാല്‍, ദിവ്യാ ദത്ത ശാശ്വത ചാറ്റര്‍ജി എന്നിവരും പ്രധാന കഥാപാത്രത്തിലെത്തിയിരുന്നു.

തുടര്‍ച്ചയായി പരാജയപ്പെടുന്ന കങ്കണയുടെ എട്ടാമത്തെ ചിത്രമാണ് ‘ധക്കഡ്’. ‘കാട്ടി ബാട്ടി’, ‘രന്‍ഗൂണ്‍’, ‘മണികര്‍ണിക’, ‘ജഡ്ജ്‌മെന്റല്‍ ഹേ ക്യാ’, ‘പങ്ക’, ‘തലൈവി’ എന്നീ സിനിമകള്‍ക്കും ബോക്‌സോഫീസില്‍ പ്രതീക്ഷിച്ച വിജയം നേടാന്‍ കഴിഞ്ഞിരുന്നില്ല. തമിഴില്‍ നിര്‍മിച്ച് മറ്റു ഭാഷകളിലേക്ക് റീമേക്ക് ചെയ്യപ്പെട്ട തലൈവി 10 കോടി വരുമാനമാണ് നേടിയത്.

Continue Reading
You may also like...

More in News

Trending

Recent

To Top