പല ഷോകളിലും തരം താഴ്ത്തി അട്ടഹസിക്കാറുണ്ട്..അന്ന് പ്രതികരിക്കാൻ തോന്നിയില്ലേ ചേച്ചി.. കിണ്ണം കാച്ചിയ മറുപടിയുമായി അശ്വതി

മമ്മൂട്ടിയുടെ ദുബായ് എന്ന ചിത്രത്തിലെ ഒരു സീനാണ് കഴിഞ്ഞ ദിവസങ്ങളിലായി സമൂഹ മാധ്യമങ്ങളിൽ വൈറലാകുന്നത്. ‘ലോകോത്തര നർത്തകിയ്ക്ക് എന്റെ വീട്ടിലെ അടുക്കളക്കാരിയാകാൻ സ്വാഗതം’, എന്ന് മമ്മൂട്ടിയുടെ കഥാപാത്രം പറയുന്ന ഡയലോഗ് ആണ് സോഷ്യൽ മീഡിയ ഏറ്റെടുത്തത്.

ഇതിനിടെ നടിയും അവതാരകയും ആയ അശ്വതി ശ്രീകാന്ത് വീഡിയോ പങ്ക് വച്ചും അതിന് ഒരു ക്യാപ്‌ഷൻ നൽകിയും രംഗത്ത് എത്തിയിരിക്കുകയാണ്. ‘ഞാൻ ഈ സിനിമ കണ്ടിട്ടില്ല. ഇനി കണ്ടിരുന്നേൽ തന്നെ ആ കാലത്ത് പ്രത്യേകിച്ച് ഒന്നും തോന്നുകയും ഇല്ലായിരുന്നിരിക്കണം. പക്ഷേ ഇപ്പൊ തോന്നുന്നുണ്ട്, എനിക്ക് മാത്രമല്ല ഇപ്പോൾ ഇത് കാണുന്ന എല്ലാവർക്കും ഇതിലെ അപാകത മനസ്സിലാകുന്നുണ്ട്.ഇന്നാണെങ്കിൽ ഇത്തരമൊരു ഡയലോഗ് ഗ്ലോറിഫൈ ചെയ്ത് എഴുതാൻ ഒരു സ്ക്രിപ്റ്റ് റൈറ്ററും തയ്യാറാകുമെന്ന് തോന്നുന്നില്ല. ഇന്നായിരുന്നെങ്കിൽ മമ്മൂട്ടി എന്ന നടൻ ഇത് പറയാൻ തയാറാകുമെന്നും തോന്നുന്നില്ല. അപ്പൊ നമ്മള് മാറിയിട്ടുണ്ട്. എഴുതിയിട്ടും പറഞ്ഞിട്ടും കാര്യമില്ലെന്നും ഇവിടൊന്നും മാറാൻ പോകുന്നില്ലെന്നും പറഞ്ഞവരോടാണ്. നമ്മൾ മാറുന്നുണ്ട്. ഇനിയും മാറുമെന്നാണ് വീഡിയോ പങ്കുവെച്ച് കൊണ്ട് അശ്വതി കുറിച്ചത്

അതോടെ അനുകൂലിച്ചും പ്രതികൂലിച്ചും സോഷ്യൽ മീഡിയ വഴി ചർച്ചയും തുടങ്ങി..

നായികമാർക്ക് എന്തും ആവാം. ഇത് കേട്ട് റൊമാന്റിക് ആയി നിന്ന് അഭിനയിക്കാൻ നായികക്ക് ബുദ്ധിമുട്ട് ഇല്ല എല്ലാം കഴിഞ്ഞു ഫെമിനിസം പറയാൻ വരും കുറെ എണ്ണം. നിങ്ങളുടെ ചക്ക പഴത്തിലും സ്ത്രീ വിരുദ്ധ ഉണ്ട്. എത്രയോ ഷോകളിൽ ഇവരെ താഴ്ത്തി തമാശ പറഞ്ഞു അട്ടഹസിക്കുന്നതു കണ്ടിട്ടുണ്ട്. അന്ന് പ്രതികരിക്കാൻ തോന്നിയില്ലേ ചേച്ചി എന്ന ഒരാളുടെ കമന്റിനാണ് അശ്വതി ശക്തമായ ഭാഷയിലാണ് പ്രതികരിച്ചത്.

ആദ്യം പറഞ്ഞ കാര്യം മനസ്സിലാക്കണം. അന്ന് ഇത് കണ്ടപ്പോൾ ആർക്കും ഒരു കുഴപ്പവും തോന്നിയില്ല. അഭിനയിച്ചവർക്കും എഴുതിയവർക്കും കണ്ടവർക്കും. ഇന്ന് കാലം മാറിയപ്പോൾ ആളുകൾക്കു ഇതൊരു ട്രോൾ ആയി. അതിൽ ഒരുപാട് പേർക്ക് സ്ത്രീ വിരുദ്ധത തോന്നി. അത് കാലത്തിനും സമീപനത്തിനും ഉണ്ടായ മാറ്റം ആണെന്നാണ് പറഞ്ഞത്. ഷോയിൽ ആണിനേയും പെണ്ണിനേയും കളിയാക്കാറുണ്ട്. എന്ന് വച്ച് ഒരു സ്ത്രീ എന്ന നിലയിൽ എന്നെ വ്യക്തിപരമായി താഴ്ത്തി കെട്ടുന്ന ഒന്നിനും നിന്ന് കൊടുത്തിട്ടില്ല.എന്നാണ് താരം പ്രതികരിച്ചത്.