മലയാള ടെലിവിഷന്‍ ലോകത്തെ സൂപ്പര്‍ നായികയായിരുന്നു മായ മൗഷ്മി. ദൂരദര്‍ശനില്‍ സംപ്രേക്ഷണം ചെയ്തിരുന്ന പകിട പകിട പമ്പരം അടക്കം നിരവധി സീരിയലുകള്‍. ആ കാലത്ത് ഒരേ സമയം എട്ട് സീരിയലുകളില്‍ പോലും മായ വേഷമിട്ടിട്ടുണ്ട്. അതിനൊപ്പം സിനിമകളിലൂടെയും താരമായിട്ടുണ്ട്. എന്നാല്‍ ഇപ്പോള്‍ കുറേ കാലമായി ഇന്റസ്ട്രിയില്‍ നിന്നും മാറി നില്‍ക്കുകയാണ് മായ. അതിന്റെ കാരണം നടി വെളിപ്പെടുത്തി,
ഫ്‌ളവേഴ്‌സ് ഒരു കോടി എന്ന ഷോയില്‍ എത്തിയപ്പോഴാണ് താന്‍ വിട്ടു നിന്നതിന്റെ കാരണം മായ മൗഷ്മി വ്യക്തമാക്കിയത്. കുടുംബത്തിനാണ് എന്നെ സംബന്ധിച്ച് പ്രാധാന്യം. മകന്‍ ജനിച്ചപ്പോള്‍ സീരിയലുകള്‍ തിരക്ക് കാരണം അവനൊപ്പം സമയം ചെലവഴിക്കാന്‍ സാധിച്ചില്ല. അതേ മിസ്സിങ് മകള്‍ക്കും വരാന്‍ അനുവദിയ്ക്കില്ല.
മകള്‍ ഇപ്പോള്‍ രണ്ടാം ക്ലാസിലേക്ക് പോകുകയാണ്. അഭിനയിക്കുന്നതിന് മക്കള്‍ക്ക് എതിര്‍പ്പ് ഒന്നും ഇല്ല. പക്ഷെ അമ്മ രാവിലെ പോയി വൈകുന്നേരം വരണം എന്നാണ് മകള്‍ പറഞ്ഞിരിയ്ക്കുന്നത്. സീരിയലില്‍ അത് നടക്കില്ല. രാവിലെ പോയാല്‍ രാത്രി എപ്പോഴാണ് ഷൂട്ടിങ് കഴിയുന്നത് എന്ന് പോലും അറിയില്ല. സിനിമ ആണെങ്കില്‍ എന്നാലും കുഴപ്പമില്ല. നല്ലൊരു വേഷം വന്നാല്‍ സിനിമ ചെയ്യും.
ആദ്യം വിവാഹത്തിന് ശേഷമാണ് സീരിയല്‍ ലോകത്തേക്ക് വന്നത് എന്നും മായ പറഞ്ഞു. ഭര്‍ത്താവിന് പ്രശ്‌നം ഒന്നും ഉണ്ടായിരുന്നില്ല. പിന്നീട് അവരുടെ ബന്ധുക്കള്‍ എതിര്‍പ്പ് പറഞ്ഞു. അഭിനയിക്കാന്‍ എനിക്ക് ചെറുപ്പം മുതലേ ഇഷ്ടമായിരുന്നു. നല്ല ഒരു അവസരം കിട്ടിയപ്പോള്‍ അഭിനയിച്ചു തുടങ്ങി. പിന്നീട് നിര്‍ത്താന്‍ കഴിയാത്ത അവസ്ഥയായിരുന്നു.
ഇന്റസ്ട്രിയില്‍ നിന്നും മാറി നിന്ന സമയത്ത് ഒരുപാട് ഗോസിപ്പുകള്‍ എന്നെ കുറിച്ച് വന്നു എന്ന് ഞാന്‍ അറിഞ്ഞു. എനിക്കെന്തോ മാരക രോഗം വന്നു എന്നൊക്കെയാണ് കേട്ടത്. ഞാന്‍ സോഷ്യല്‍ മീഡിയയും ഫോണും ഒന്നും ഉപയോഗിക്കാറില്ല, പുറത്ത് പോകുമ്പോള്‍ മാത്രം ചേട്ടന്റെ പഴയൊരു ഫോണുണ്ട്, അതെടുക്കും. പിന്നെ സോഷ്യല്‍ മീഡിയയിലൂടെ തുടരുന്ന സൗഹൃദം വേണ്ട എന്ന് തോന്നി. ആ സമയം അടുത്തുള്ള സുഹൃത്തുക്കളോട് ഇടപഴകാമല്ലോ.
സിനിമയില്‍ നിന്നും മാറി നില്‍ക്കുന്ന ഈ സമയത്താണ് ഇന്റസ്ട്രിയില്‍ ആരൊക്കെയാണ് എന്റെ അടുത്ത സുഹൃത്തുക്കള്‍ എന്ന് ഞാനറിഞ്ഞത്. നമ്മള്‍ ഇന്റസ്ട്രിയില്‍ ഉള്ള സമയത്ത് ഒരുപാട് പ്രശംസിച്ച് സംസാരിച്ചവര്‍ പലരും വിട്ട് നിന്നപ്പോള്‍ വിളിച്ച് പോലും നോക്കിയില്ല. എന്നാല്‍ ഇപ്പോഴും എന്റെ ആ പഴയ ലാന്റ് ഫോണ്‍ നമ്പറില്‍ വിളിയ്ക്കുന്ന സുഹൃത്തുക്കളുണ്ട്. പിന്നെ എന്ത് വന്നാലും ആത്മയുടെ വാര്‍ഷിക യോഗത്തിന് എങ്ങിനെയും ഞാന്‍ പോകാറുണ്ട്. അന്ന് എല്ലാവരെയും കാണും മായ പറഞ്ഞു.
about maya
മലയാളികള്ക്കേറെ സുപരിചിതയാണ് ലാലി. ഇപ്പോഴിതാ മക്കളുടെ പ്രണയത്തെക്കുറിച്ച് നടിയും യുവനടി അനാര്ക്കലി മരിക്കാറിന്റെ അമ്മയുമായ ലാലി പറഞ്ഞ വാക്കുകളാണ് ശ്രദ്ധ നേടുന്നത്....
നിരവധി ആരാധകരുള്ള, ഒരുകാലത്ത് ഇന്ത്യന് സിനിമാപ്രേക്ഷകരുടെ ആവേശമായിരുന്ന താരമാണ് രവീണ ടണ്ടന്‍. ഇപ്പോഴും താരത്തിന് ആരാധകര്‍ ഏറെയാണ്. ഇപ്പോഴിതാ പണ്ട് ബോളിവുഡില്...
തെന്നിന്ത്യന് പ്രേക്ഷകര്ക്ക് ഏറെ പ്രിയങ്കരിയാണ് പ്രിയാമണി. വിവാഹ ശേഷവും സിനിമയില്‍ വളരെ സജീവമാണ് താരം. പൃഥ്വിരാജ് നായകനായെത്തിയ ‘സത്യം’ എന്ന ചിത്രത്തിലൂടെയായിരുന്നു...
നിരവധി ആരാധകരുള്ള തെന്നിന്ത്യന് സൂപ്പര്‍ നായികയാണ് നയന്താര. മനസ്സിനക്കരെ എന്ന മലയാള ചിത്രത്തിലൂടെ എത്തി ഇന്ന് തെന്നിന്ത്യയുടെ ലേഡി സൂപ്പര്സ്റ്റാറായി തിളങ്ങി...
ഒരു വ്യവസ്ഥ അടിമുടി സ്ത്രീ വിരുദ്ധമായതിന്റെ ദുരന്തമാണ് നടി ആക്രമിക്കപ്പെട്ട കേസില് മെമ്മറി കാര്‍ഡ് ചോര്ത്തിയ വിഷയത്തില് അതിജീവിതക്ക് ആവര്ത്തിച്ച് കോടതിയെ...
