ജസ്റ്റിസ് ഹേമ കമ്മിറ്റി റിപ്പോര്‍ട്ടിന്മേല്‍ വീണ്ടും ചര്‍ച്ചയ്ക്ക് തയ്യാറായി സര്‍ക്കാര്‍. റിപ്പോര്‍ട്ട് നടപ്പാക്കുന്നതുമായി ബന്ധപ്പെട്ട് സിനിമ സംഘടനകളെ എല്ലാം വിളിച്ചു ചേര്‍ത്താണ് സാംസ്‌കാരിക വകുപ്പ് ഇന്ന് യോഗം ചേരുക. രാവിലെ പതിനൊന്ന് മണിക്ക് തിരുവനന്തപുരത്ത് വച്ച് ചേരുന്ന യോഗത്തില്‍ സിനിമ സംഘടനകളായ അമ്മ, മാക്ട, ഫെഫ്ക, ഡബ്ല്യുസിസി, ഫിലിം ചേമ്പര്‍, പ്രൊഡ്യൂസേഴ്സ് അസോസിയേഷന് അടക്കം മുഴുവന്‍ സംഘടനകളേയും ക്ഷണിച്ചിട്ടുണ്ട്.
ഹേമ കമ്മീഷന്‍ റിപ്പോര്‍ട്ടില്‍ നടക്കുന്ന ചര്‍ച്ചയില്‍ പങ്കെടുക്കുന്ന അഭിനേതാക്കളുടെ സംഘടനയായ ‘അമ്മ’യുടെ പ്രതിനിധികളെക്കുറിച്ച് കുറിപ്പുമായി ഷമ്മി തിലകന്‍. ‘പൊന്നുരക്കുന്നിടത്ത് പൂച്ചകള്‍ക്ക് എന്താണാവോ കാര്യം?’ എന്ന് തുടങ്ങുന്ന കുറിപ്പില്‍ ചര്‍ച്ചയില്‍ ഉരുത്തിരിയുന്ന തീരുമാനം പ്രവചിക്കാമോ എന്നും അദ്ദേഹം ആവശ്യപ്പെടുന്നു. താന്‍ സെക്രട്ടറിയുടെ പത്രകുറിപ്പിനായി കാത്തിരിക്കുന്നതായും അദ്ദേഹം ഫേസ്ബുക്കിലൂടെ അറിയിക്കുന്നു.
ഷമ്മി തിലകന്റെ ഫേസ്ബുക്ക് പോസ്റ്റ്:പൊന്നുരക്കുന്നിടത്ത് പൂച്ചകള്‍ക്ക് എന്താണാവോ കാര്യം..? സിനിമാ മേഖലയിലെ സ്ത്രീകള്‍ നേരിടുന്ന പ്രശ്നങ്ങള്‍ പഠിച്ച് തയ്യാറാക്കിയ ഹേമ കമ്മിറ്റി റിപ്പോര്‍ട്ടിന്മേല്‍ നടപടികള്‍ സ്വീകരിക്കാന്‍ സര്‍ക്കാര്‍ നടത്തുന്ന ചര്‍ച്ചയില്‍ പങ്കെടുക്കുന്ന ‘അമ്മ’ പ്രതിനിധികള്‍..! സ്ത്രീകളെ ‘പൊടിപോലുമില്ല കണ്ടുപിടിക്കാന്‍’ എന്നൊക്കെ പറയുന്നവരോട്..! ഈ ചര്‍ച്ചയില്‍ ഉരുത്തിരിയുന്ന തീരുമാനം എന്തായിരിക്കും…? പ്രവചിക്കാമോ..? (പ്രവചനം എന്തുതന്നെയായാലും ജനറല്‍ സെക്രട്ടറിയുടെ പത്രകുറിപ്പിനായി കാത്തിരിക്കുന്നു.)
ഹേമ കമ്മീഷന്‍ റിപ്പോര്‍ട്ടുമായി ബന്ധപ്പെട്ട ചര്‍ച്ചയില്‍ അമ്മയുടെ പ്രതിനിധികളാകുന്നത് നടന്മാരായ ഇടവേള ബാബു, സിദ്ദിഖ്, മണിയന്‍പിള്ള രാജു എന്നിവരാണ്. ബീന പോള്‍, പത്മപ്രിയ, ആശാ ജോര്‍ജ് എന്നിവരാണ് ഡബ്ല്യുസിസി പ്രതിനിധികള്‍. ഫെഫ്ക, ഫിലിം ചേമ്പര്‍ അംഗങ്ങളും യോഗത്തില്‍ പങ്കെടുക്കുന്നുണ്ട്. അതേസമയം യോഗത്തിലേക്ക് മാക്ട ഫെഡറേഷനെ ക്ഷണിച്ചിട്ടില്ല. ഹേമ കമ്മിറ്റി റിപ്പോര്‍ട്ടില്‍ സിനിമാ സംഘടനകള്‍ സ്വീകരിക്കുന്ന നിലപാട് നിര്‍ണായകമാകും.
about shammi thilakan
തെലുങ്ക് യുവതാരം വിജയ് ദേവരക്കൊണ്ട നായകനായി എത്തിയ ഏറ്റവും പുതിയ ചിത്രമാണ് ഫാമിലി സ്റ്റാര്. ബോളിവുഡ് താരം മൃണാള് താക്കൂര് നായികയായ...
തെലുങ്ക് ഫിലിം ഡയറക്‌ടേഴ്‌സ് അസോസിയേഷന് 35 ലക്ഷം രൂപ ധനസഹായം നല്‍കി നടന് പ്രഭാസ്. മെയ് നാലിന് ഫിലിം ഡയറക്‌ടേഴ്‌സ് അസോസിയേഷനുകള്...
ജീവിതത്തില് ആദ്യമായി ഒരു സിനിമയ്ക്ക് വേണ്ടി ഓഡിഷന് പോയ അനുഭവം പങ്കുവെച്ച് നടന് ഫഹദ് ഫാസില്‍. ഒരു ഹോളിവുഡ് ചിത്രത്തിന് വേണ്ടി...
കരാട്ടെയില് ബ്ലാക്ക് ബെല്‍റ്റ് സ്വന്തമാക്കി സൂര്യയുടെയും ജ്യോതികയുടെയും മകന് ദേവ്. ചടങ്ങില് വിശിഷ്ഠാതിഥിയായി സൂര്യയാണ് എത്തിയത്. മകന് ആദരവ് നല്കുന്നതും, മകന്...
തെന്നിന്ത്യയില് നിരവധി ആരാധകരുള്ള താരമാണ് സൂര്യ. സോഷ്യല് മീഡിയയില് വളരെ സജീവമായ താരം പങ്കുവെയ്ക്കാറുള്ള വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്....
