താരങ്ങൾ അമ്മമാരായപ്പോൾ; ഇവർ വെള്ളിത്തിരയിലെ സൂപ്പർ അമ്മമാർ!

മലയാളം മിനി സ്‌ക്രീനിൽ എത്തുന്ന താരങ്ങളോട് ഒരു പ്രത്യേക ഇഷ്ടമാണ് പ്രേക്ഷകർക്ക്. അതിപ്പോൾ പരമ്പരകളിൽ പ്രത്യക്ഷപ്പെടുന്ന നായികമാർ മുതൽ അവതാരകർ ആയെത്തുന്ന താരങ്ങളോട് വരെയുള്ള ഇഷ്ടം അങ്ങിനെ നീണ്ടു പോകുന്നു. സ്‌ക്രീനിൽ നമ്മൾ ഇരു കൈയും നീട്ടി സ്വീകരിക്കുന്ന താരങ്ങൾ ജീവിതത്തിൽ സൂപ്പർ അമ്മമാരായി തിളങ്ങുന്നവർ ആണ്. ജീവിതത്തിൽ കുഞ്ഞിമക്കൾക്കൊപ്പം അടിച്ചുപൊളിക്കുന്ന അമ്മമാരെ പരിചയപ്പെടാം..

വര്ഷങ്ങളായി മിനി സ്‌ക്രീൻ പ്രേക്ഷകരുടെ സ്വന്തം താരമാണ് രേഖ രതീഷ്. അഭിനയത്തിൽ സജീവമായ താരത്തിന്റെ ലോകം മകൻ അയാൻ രതീഷാണ്. രേഖ സിംഗിൾ പേരന്റാണ്. മൂന്നാം ക്‌ളാസ് വിദ്യാർത്ഥിയായ അയാന് ഒപ്പമുള്ള ചിത്രങ്ങളും ടിക് ടോക് വീഡിയോകളും താരം സോഷ്യൽ മീഡിയയിലൂടെ പങ്കിടാറുണ്ട്.

പരസ്പരം സീരിയലിലൂടെ നമ്മുടെ സ്വീകരണ മുറിയിലേക്ക് വന്ന താരം. അഭിനയത്തിലും സോഷ്യൽ മീഡിയയിലും സജീവമായ താരം കുടുംബത്തിനൊപ്പമുളള ചിത്രങ്ങൾ പങ്ക് വയ്ക്കാറുണ്ട്.

ആത്മസഖി എന്ന സീരിയലിലെ അഭിനയത്തിലൂടെ മലയാള ടെലിവിഷൻ ആരാധകരുടെ മനം കവർന്ന നടിയാണ് അവന്തിക മോഹൻ. വിവാഹശേഷവും അഭിനയരംഗത്ത് ഉണ്ടായിരുന്ന അവന്തിക തൻറെ മകൻ രുദ്രന് ജന്മം നൽകുന്നതിന് വേണ്ടിയാണ് ഇടവേള എടുത്തത്. ഈ അടുത്തിടയ്ക്കാണ് കുഞ്ഞിന് ഒരു വയസ്സ് പൂർത്തിയായത്. ഇതിന്റെ ആഘോഷങ്ങൾ താരം എഫ് ബിയിലൂടെ പോസ്റ്റ് ചെയ്തിരുന്നു.

അവതാരകയായി എത്തി പ്രേക്ഷകരുടെ ഹൃദയം കവർന്ന താരമാണ് അശ്വതി ശ്രീകാന്ത്. റിയാലിറ്റി ഷോകളിലും, സ്റ്റേജ് ഷോകളിലും സ്വത സിദ്ധ ശൈലിയിലൂടെയാണ് അശ്വതി പരിപാടികൾ അവതരിപ്പിക്കുക. അത് തന്നെയാണ് താരത്തിനോട് പ്രേക്ഷകരുടെ പ്രിയം കൂടാൻ കാരണവും. ഏക മകൾ പദ്മയും ഒത്തുള്ള ചിത്രങ്ങൾ താരം ഇൻസ്റ്റയിലൂടെ ആരാധകർക്കായി പങ്ക് വയ്ക്കാറുണ്ട്.

ബഡായ് ആര്യ എന്നാണ് താരത്തെ അറിയപ്പെടുന്നത്. ബഡായ് ബംഗ്ളാവിൽ എത്തിയപ്പോൾ മുതലാണ് താരത്തിനോടുള്ള പ്രേക്ഷക പ്രീതി ആരാധകർക്ക് വർധിച്ചത്. സിംഗിൾ പേരന്റാണ് ആര്യ. റോയ രോഹിതാണ് ആര്യയുടെ ഏക മകൾ. മകൾക്കൊപ്പമുള്ള സുന്ദര നിമിഷങ്ങൾ താരം സോഷ്യൽ മീഡിയയിലൂടെ പങ്ക് വയ്ക്കാറുണ്ട്.

Malayalalm serial actress