തമ്പിയ്‌ക്കൊപ്പം ശങ്കരനും സാവിത്രിയും സാന്ത്വനത്തിലേക്ക്; ഒരിക്കലും സ്വാന്തനം കുടുംബം വേർപിരിക്കല്ലേ…?; ആരാധകര്‍ക്ക് പറയാനുള്ളത് ഇത് !

മിനിസ്‌ക്രീന്‍ പ്രേക്ഷകര്‍ ഒന്നടങ്കം സ്വീകരിച്ച പരമ്പരയാണ് സാന്ത്വനം. വാനമ്പാടി നാളുകള്‍ക്കുശേഷം മലയാളിക്ക് സുപരിചിതയായ ചിപ്പി പ്രധാന വേഷത്തിലെത്തിയ പരമ്പര കഥയുടെ കെട്ടുറപ്പ് കൊണ്ടും അഭിനേതാക്കളുടെ പ്രകടനം കൊണ്ടും മിനിസ്‌ക്രീനിലെ മിന്നും പരമ്പരയായി മാറുകയായിരുന്നു. ‘കൃഷ്ണ സ്റ്റോഴ്‌സ്’ എന്ന പലചരക്ക് കട നടത്തുന്ന ‘സാന്ത്വനം’ കുടുംബമാണ് പരമ്പരയിലെ പ്രധാന കഥാപാത്രങ്ങള്‍.

സാന്ത്വനം വീട്ടിലെ ജ്യേഷ്ടാനുജന്മാരുടേയും, അവരുടെ ഭാര്യമാരുടേയും കഥ പറയുന്ന പരമ്പര മികച്ച കഥാഗതിയിലൂടെയാണ് ഇപ്പോള്‍ മുന്നോട്ട് പോകുന്നത്. ചടുലമായ കഥാമുഹൂര്‍ത്തങ്ങളിലൂടെ മുന്നോട്ടുപോകുന്ന പരമ്പര പലതരത്തിലുള്ള ട്വിസ്റ്റുകളിലൂടെയും കടന്നുപോകുന്നുണ്ട്.

ചെറുപ്പത്തില്‍ സഹോദര ബന്ധങ്ങളെക്കുറിച്ചും സ്‌നേഹത്തെക്കുറിച്ചും എന്തൊക്കെ കാര്യങ്ങളാണ് കുട്ടികള്‍ക്ക് പറഞ്ഞു കൊടുക്കുന്നത്. എന്നാല്‍ പ്രായം ഏറുന്നതോടൊപ്പം ഈ ബന്ധങ്ങളിലും ഉലച്ചില്‍ തട്ടുകയാണ്. കയ്യില്‍ കിട്ടിയിരുന്നതെന്തും പകുത്ത് കഴിച്ചിരുന്ന ഇതേ സഹോദരങ്ങള്‍ തന്നെയാണ് പ്രായമാകുമ്പോള്‍ സ്വത്തിന് വേണ്ടി കടിപിടികൂടുന്നത്. വിട്ടുകൊടുക്കാന്‍ തയ്യാറാകാതെ പരസ്പരം എല്ലാം മറന്ന് മത്സരിക്കുകയാണ് സാന്ത്വനം വീട്ടിലുള്ള അംഗങ്ങൾ.

എന്റേത് നിന്റേത് എന്ന ചിന്തകള്‍ക്ക് അപ്പുറത്ത് നില്‍ക്കുന്നവരാണ് ഇതുവരെ സാന്ത്വനം വീട്ടിലും ഉണ്ടായിരുന്നത്. എന്നാല്‍ കുടുംബം വളര്‍ന്നതോടെ മറ്റു ചിന്താഗതിയിലുള്ള മനുഷ്യരുടെ ഇടപെടല്‍ അതുവരെയുണ്ടായിരുന്ന വീടിന്റെ താളംതെറ്റിക്കുകയാണ്.

സാന്ത്വനം വീടിന്റെ ഏറ്റവും വലിയ വരുമാനം അവര്‍ക്ക് സ്വന്തമായുള്ള കടയില്‍ നിന്നാണ്. വളരെ ചെറിയ സൗകര്യത്തിലാണ് കട നടത്തുന്നത്. ഇത് വിപുലീകരിക്കാനുള്ള തീരുമാനത്തില്‍ നിന്നാണ് ഇപ്പോഴുള്ള പ്രശ്‌നങ്ങള്‍ തുടങ്ങുന്നത്.

കുടുംബത്തിന്റെ മുഴുവന്‍ നല്ലതിനു വേണ്ടിയാണ് ബിസിനസ് തുടങ്ങുന്നതെങ്കിലും അത് ഒറ്റയ്ക്ക് സ്വന്തം പേരുകളില്‍ ആക്കിമാറ്റാനാണ് പലരും ശ്രമിക്കുന്നത്. മകള്‍ക്ക് വേണ്ടി നേരിട്ട് രംഗത്തെത്തിയിരിക്കുകയാണ് തമ്പി. അതിന് വേണ്ടി അഞ്ചുവിന്റെ മാതാപിതാക്കളേയും കൂട്ടുപിടിയ്ക്കുകയാണ്.

എല്ലാവരേയും സംഘടിപ്പിച്ച് സാന്ത്വനം വീട്ടിലെത്തി കാര്യങ്ങള്‍ തീരുമാനിക്കാനുള്ള പുറപ്പാടിലാണ് അയാള്‍. എന്നാൽ ആരെല്ലാം എന്തൊക്കെ കാര്യങ്ങള്‍ പറഞ്ഞാലും ഇവിടെ തീരുമാനമെടുക്കുന്നത് ബാലേട്ടനാണെന്ന് ഹരിയും അനുജന്മാരും ഉറപ്പിക്കുകയാണ്. സ്വന്തം ഭാര്യവീട്ടുകാരോട് തുറന്നയുദ്ധം പ്രഖ്യാപിച്ചതുപോലെയാണ് ഹരിയുടെ പെരുമാറ്റം.

സ്വത്ത് എല്ലാ മക്കള്‍ക്കും തുല്യമായി വീതിച്ച് എഴുതണം എന്ന ആവശ്യവമായാണ് തമ്പി എത്തുന്നത്. മകളെ സാന്ത്വനം വീട്ടില്‍ നിന്ന് അടര്‍ത്താനുള്ള എല്ലാവഴികളും നോക്കുമ്പോഴാണ് സ്വത്ത് ഭാഗം വെയ്ക്കുന്നതിനെക്കുറിച്ച് തമ്പി അറിയുന്നത്. മറ്റുള്ളവരുടെ ഇഷ്ടങ്ഹള്‍ക്കനുസരിച്ചല്ല, സ്വന്തം ഇഷ്ടത്തിന് ജീവിക്കാനാണ് നോക്കേണ്ടത് എന്ന് മകള്‍ക്ക് ഉപദേശവും കൊടുത്താണ് തമ്പി അവസാനമായി അവിടെനിന്ന് പോകുന്നത്.

സാന്ത്വനം വീട് ഹരിയുടെ പേരില്‍ കിട്ടിയാല്‍ അവിടെ ഒരു മണിമാളിക പണിഞ്ഞുതരാം എന്ന് തമ്പി അപ്പുവിന് ഉറപ്പ് നല്‍കിയിരുന്നു. ഇത് മനസ്സില്‍ കണ്ടാണ് അപ്പു ഹരിയോട് പെരുമാറുന്നത്. സാന്ത്വനം വീട്ടിലെ പ്രശ്‌നങ്ങള്‍ ഇപ്പോള്‍ പ്രേക്ഷകരേയും ബാധിച്ചിരിക്കുകയാണ്. എന്നും പ്രശ്നങ്ങൾ മാത്രമാണ് സാന്ത്വനം വീട്ടിൽ നടക്കുന്നത്.

about santhwanam