Connect with us

മമ്മൂട്ടിയോട് ആ രണ്ട് സിനിമയുടെ കഥ പറഞ്ഞിരുന്നെങ്കിലും ഇഷ്ടപ്പെട്ടില്ല; മമ്മൂട്ടിയ്‌ക്കൊപ്പം സിനിമകള്‍ ചെയ്യാത്തതിനെ കുറിച്ച് ജീത്തു ജോസഫ്

Malayalam

മമ്മൂട്ടിയോട് ആ രണ്ട് സിനിമയുടെ കഥ പറഞ്ഞിരുന്നെങ്കിലും ഇഷ്ടപ്പെട്ടില്ല; മമ്മൂട്ടിയ്‌ക്കൊപ്പം സിനിമകള്‍ ചെയ്യാത്തതിനെ കുറിച്ച് ജീത്തു ജോസഫ്

മമ്മൂട്ടിയോട് ആ രണ്ട് സിനിമയുടെ കഥ പറഞ്ഞിരുന്നെങ്കിലും ഇഷ്ടപ്പെട്ടില്ല; മമ്മൂട്ടിയ്‌ക്കൊപ്പം സിനിമകള്‍ ചെയ്യാത്തതിനെ കുറിച്ച് ജീത്തു ജോസഫ്

ദൃശ്യം എന്ന ഒറ്റ ചിത്രം മാത്രം മതി ജീത്തു ജോസഫ് എന്ന സംവിധായകനെ സിനിമാ പ്രേമികള്‍ ഓര്‍ത്തിരിക്കാന്‍. മോഹന്‍ലാല്‍- ജീത്തു ജോസഫ് കൂട്ടിക്കെട്ടില്‍ പുറത്തെത്തിയ ചിത്രങ്ങളെല്ലാം തന്നെ സൂപ്പര്‍ഹിറ്റുകളായിരുന്നു. എന്നാല്‍ ഇപ്പോഴിതാ മമ്മൂട്ടിയ്‌ക്കൊപ്പം സിനിമകള്‍ ചെയ്യാത്തതിനെ കുറിച്ച് തുറന്ന് പറഞ്ഞ് രംഗത്തെത്തിയിരിക്കുകയാണ് ജീത്തു ജോസഫ്.

മമ്മൂട്ടിയോട് രണ്ട് സിനിമയുടെ കഥ പറഞ്ഞിരുന്നെങ്കിലും അദ്ദേഹത്തിന് കഥ ഇഷ്ടപ്പെട്ടില്ല. അതുകൊണ്ട് തന്നെ മമ്മൂട്ടിക്കൊപ്പം സിനിമ ചെയ്യണമെന്ന തന്റെ ആഗ്രഹം ഇപ്പോഴും ബാക്കിയാണെന്ന് ജീത്തു പറയുന്നു. മമ്മൂക്കയോട് രണ്ട് സബ്ജക്ട് പറഞ്ഞിരുന്നു. അദ്ദേഹത്തിന് ഇഷ്ടപ്പെട്ടില്ല. ഒന്ന് എല്ലാവര്‍ക്കും അറിയാം.

ഒന്ന് ‘ദൃശ്യം’ പിന്നെ ‘മെമ്മറീസ്’. മെമ്മറീസിന്റെ സ്‌ക്രിപ്റ്റ് കൊടുത്തപ്പോള്‍ അദ്ദേഹത്തിന് കണ്‍വിന്‍സിംഗ് ആയി തോന്നിയില്ല. ഒത്തിരി വര്‍ഷം മുമ്പാണ്. എന്റെ നടക്കാതെ ഇരിക്കുന്ന വലിയൊരു ആഗ്രഹമാണ്. ഒരു പടം എങ്ങനെയെങ്കിലും അസോസിയേറ്റ് ചെയ്യണമെന്ന് ആഗ്രഹമുണ്ട്. നമുക്ക് ആഗ്രഹമുള്ളത് കൊണ്ട് മാത്രം കാര്യമില്ല.

ഒരു ആക്ടറിന് സ്‌ക്രിപ്റ്റ് അയച്ചാല്‍ താനെഴുതിയത് കൊണ്ട് ഇത് മഹത്താരമാവണമെന്ന് ഒരു നിര്‍ബന്ധവും ഇല്ല, നിങ്ങള്‍ക്കിഷ്ടപ്പെട്ടില്ലെങ്കില്‍ ഇഷ്ടപ്പെട്ടില്ലെന്ന് തന്നെ പറയാമെന്ന് താന്‍ എപ്പോഴും പറയാറുണ്ട്.

ആസിഫിന് ഒരു പടം ചെയ്യുമ്പോള്‍ അത് കണ്‍വിന്‍സ് ആവാതെ ആ സിനിമ ചെയ്യാന്‍ പറ്റുമോ. മമ്മൂക്കയെ വെച്ച് സിനിമ ചെയ്യണമെന്ന ആഗ്രഹം ഇപ്പോഴും നിലനില്‍ക്കുന്നുണ്ട് എന്നാണ് ജീത്തു ജോസഫ് പറയുന്നത്. അതേസമയം, ആസിഫ് അലിയെ നായകനാക്കി ഒരുക്കിയ ‘കൂമന്‍’ ആണ് ജീത്തുവിന്റെതായി റിലീസിന് ഒരുങ്ങുന്നത്.

More in Malayalam

Trending

Recent

To Top