Connect with us

‘ആര്‍ആര്‍ആര്‍’ രണ്ട് പ്രാവശ്യം കണ്ടുവെന്ന് ജെയിംസ് കാമറൂണ്‍; സന്തോഷം പങ്കുവെച്ച് എസ്എസ് രാജമൗലി

News

‘ആര്‍ആര്‍ആര്‍’ രണ്ട് പ്രാവശ്യം കണ്ടുവെന്ന് ജെയിംസ് കാമറൂണ്‍; സന്തോഷം പങ്കുവെച്ച് എസ്എസ് രാജമൗലി

‘ആര്‍ആര്‍ആര്‍’ രണ്ട് പ്രാവശ്യം കണ്ടുവെന്ന് ജെയിംസ് കാമറൂണ്‍; സന്തോഷം പങ്കുവെച്ച് എസ്എസ് രാജമൗലി

എസ് എസ് രാജമൗലിയുടെ സംവിധാനത്തിലൊരുങ്ങിയ ചിത്രം ‘ആര്‍ആര്‍ആര്‍’ ഗോള്‍ഡന്‍ ഗ്ലോബ് പുരസ്‌കാരത്തിന്റെ നിറവിലാണ്. നിരവധി പേരാണ് ആശംസകളറിയിച്ച് രംഗത്തെത്തിയത്. ഇപ്പോഴിതാ വിഖ്യാത സംവിധായകന്‍ ജെയിംസ് കാമറൂണും ‘ആര്‍ആര്‍ആറിനെ’ അഭിനന്ദിച്ച് രംഗത്ത് എത്തിയിരിക്കുകയാണ്.

എസ് എസ് രാജമൗലി തന്നെയാണ് ഇക്കാര്യം അറിയിച്ചത്. ജെയിംസ് കാമറൂണ്‍ രണ്ട് തവണ ചിത്രം കണ്ടുവെന്ന് പറഞ്ഞതിന്റെ സന്തോഷം സംഗീത സംവിധായകന്‍ കീരവാണിയും പങ്കുവെച്ചു.

മഹാനായ ജെയിംസ് കാമറൂണ്‍ ‘ആര്‍ആര്‍ആര്‍’ ചിത്രം കണ്ടു. അദ്ദേഹത്തിന് വളരെ ഇഷ്ടമാകുകയും ഭാര്യയോട് നിര്‍ദ്ദേശിക്കുകയും അവര്‍ക്കൊപ്പം വീണ്ടും കാണുകയും ചെയ്തു. പത്ത് മിനുട്ട് ഞങ്ങള്‍ക്കൊപ്പം നിന്ന് സിനിമയെ വിലയിരുത്താന്‍ താങ്കള്‍ സമയം ചെലവഴിച്ചുവെന്നത് എനിക്ക് ഇപ്പോഴും വിശ്വസിക്കാനാകുന്നില്ല.

ഗോള്‍ഡ് ഗ്ലോബ് അവാര്‍ഡ് ‘ആര്‍ആര്‍ആര്‍’ ചിത്രത്തിലെ ‘നാട്ടു നാട്ടു’ എന്ന ഗാനം അടുത്തിടെ നേടിയിരുന്നു. എം എം കീരവാണിയാണ് ചിത്രത്തിലെ ഗാനത്തിന് സംഗീത സംവിധാനം ചെയ്തിരിക്കുന്നത്. ചന്ദ്രബോസിന്റെ വരികള്‍ രാഹുല്‍, കാല ഭൈരവ എന്നിവര്‍ ചേര്‍ന്നാണ് പാടിയിരിക്കുന്നത്.

അജയ് ദേവ്ഗണ്‍, ആലിയ ഭട്ട്, ഒലിവിയ മോറിസ്, റേ സ്റ്റീവെന്‍സണ്‍, അലിസണ്‍ ഡൂഡി തുടങ്ങിയ താരങ്ങളും ‘ആര്‍ആര്‍ആറി’ല്‍ അഭിനയിച്ചിരുന്നു. രാജമൗലിയുടെ അച്ഛന്‍ കെ വി വിജയേന്ദ്ര പ്രസാദ് ആണ് ചിത്രത്തിന് തിരക്കഥയെഴുതിയത്. 1920കള്‍ പശ്ചാത്തലമായ ചിത്രം അല്ലൂരി സീതാരാമ രാജു, കോമരം ഭീം എന്നീ സ്വാതന്ത്ര്യ സമര സേനാനികളുടെ കഥയാണ് പറയുന്നത്. യഥാര്‍ഥ ജീവിതത്തില്‍ നേരിട്ട് കണ്ടിട്ടില്ലാത്ത ഇവര്‍ പരസ്പരം കണ്ടിരുന്നെങ്കിലോ എന്ന ഭാവനയിലാണ് ചിത്രത്തിന്റെ കഥ രാജമൗലി എഴുതിയിരിക്കുന്നത്.

More in News

Trending

Recent

To Top