ബിഗ്‌ബോസ് ഹൗസ് കഴിഞ്ഞപ്പോൾ ദേ മറ്റൊരു ഹൗസ് !അതിലാണേൽ നടന്മാരുടെ വ്യാജന്മാരും !! എന്താണ് ഈ ക്ലബ് ഹൗസ്?

ബിഗ് ബോസ് ഹൗസ് കഴിഞ്ഞപ്പോൾ ഇതെന്താപ്പോ ഒരു ക്ലബ് ഹൗസ്.. എങ്ങനെയാ ആ വീട്ടിൽ കയറുക.. അവിടെ മുഴുവൻ നടന്മാരുടെ വ്യാജന്മാരാണെന്നും വർത്തയുണ്ടല്ലോ…സോഷ്യൽ മീഡിയയിൽ ഇപ്പോൾ തരംഗമായിരിക്കുന്ന ഒരു ആപ്പ്ളിക്കേഷനെ കുറിച്ചാണ് ഞാൻ ഈ പറയുന്നത്.

ഇതുപോലെയുള്ള രസകരമായ വാർത്തകൾക്കും വിശേഷങ്ങൾക്കും പ്ലീസ് ലൈക്ക് ഷെയർ സബ്സ്ക്രൈബ് മൂവി ബ്രാൻഡ്.

ഇല്ല ഇതൊന്നും ഞാൻ അല്ല, ക്ളബ് ഹൗസിൽ വ്യാജനെന്ന് ദുൽഖർ സൽമാൻ…! പൃഥ്വിരാജിനും വ്യാജൻ, ക്ളബ് ഹൗസ് അക്കൗണ്ട് ഇല്ലെന്ന് താരം! രണ്ട് ദിവസമായി ഓൺലൈൻ മാധ്യമത്തിൽ വരുന്ന വാർത്താ തലക്കെട്ടുകളാണിത് . ഇതിനി കുഴപ്പം പിടിച്ച വല്ലതുമാണോ..?
അപ്പോൾ എന്താണ് ക്ലബ് ഹൗസ് ? എന്തുകൊണ്ടാണ് ക്ലബ് ഹൗസ് ഇത്ര ട്രെൻഡിങ് ആകാൻ കാരണം. വാട്ട്സ് ആപ്പ് ഫേസ്ബുക്ക് പോലെയുള്ള അപ്പ്ലികേഷനിൽ നിന്നും ക്ലബ് ഹൗസിനെ വേറിട്ടുനിർത്തുന്നതെന്താണ്?

സാമൂഹിക ഇടപെടലുകള്‍ സൈബര്‍ ഇടങ്ങളിലേക്ക് ഒതുങ്ങിയ ഈ ലോക്ഡൗണ്‍ കാലത്ത് തരംഗമായിക്കൊണ്ടിരിക്കുന്ന സോഷ്യല്‍ മീഡിയ ആപ്ലിക്കേഷനാണ് ക്ലബ്ബ് ഹൗസ് . ആന്‍ഡ്രോയ്ഡ് ഡിവൈസുകളിലേക്ക് കൂടി ആപ്ലിക്കേഷന്‍ എത്തിയതോടുകൂടിയാണ് കേരളത്തില്‍ ക്ലബ്ബ് ഹൗസ് പ്രധാന ചര്‍ച്ചാ വിഷയമായി മാറിയത്.

കഴിഞ്ഞ വര്‍ഷം മാര്‍ച്ചിലായിരുന്നു ഐഒഎസ് പ്ലാറ്റ്‌ഫോമില്‍ ക്ലബ്ബ് ഹൗസ് ഇറങ്ങുന്നത്. മെയ് 21 ന് ആപ്പ് ആന്‍ഡ്രോയിഡ് അരങ്ങേറ്റം നടത്തിയതോടെ ഇന്ത്യയിലും ആപ്ലിക്കേഷന് ആള് കൂടി .

ഇനി ഇതെങ്ങനെ പ്രവർത്തിക്കുന്നു എന്ന് നോക്കാം….

സൗഹൃദ സദസിലെ സംസാരവും, സെമിനാര്‍ ഹാളിലെ ചര്‍ച്ചകളുമൊക്കെ അനായാസം സൈബര്‍ ഇടത്തിലേക്ക് പറിച്ചു നടാനുള്ള അവസരമാണ് ക്ലബ്ബ് ഹൗസില്‍ നിന്ന് ലഭിക്കുന്നത്. നിങ്ങള്‍ക്ക് ഇഷ്ടപ്പെട്ട ഏതൊരു വിഷത്തെക്കുറിച്ചും ക്ലബ്ബ് ഹൗസില്‍ സംസാരിക്കാമെന്നത് ഗുണമാണ്.

റൂം എന്ന ആശയത്തിന്‍മേലാണ് ഇത്തരം ചര്‍ച്ചാ വേദികള്‍ ആപ്ലിക്കേഷനില്‍ ഒരുക്കിയിരിക്കുന്നത്. നിലവില്‍ 5000 അംഗങ്ങളെ വരെ റൂമില്‍ ഉള്‍പ്പെടുത്താം. റൂം ക്രിയേറ്റ് ചെയ്യുന്നയാളാണ് ചര്‍ച്ചയുടെ മോഡറേറ്റര്‍. റൂമില്‍ ആരൊക്കെ സംസാരിക്കണമെന്ന് തീരുമാനിക്കുന്നതും മോഡറേറ്ററാണ്. റൂമില്‍ കയറിയാല്‍ അവിടെ നടക്കുന്ന എന്ത് സംസാരവും നിങ്ങള്‍ക്ക് കേള്‍ക്കാം. കൂടുതല്‍ പ്രൈവസി ആവശ്യമാണെങ്കില്‍ ക്ലോസ്ഡ് റൂം ക്രിയേറ്റ് ചെയ്യാം.

എന്നാൽ, ഫേസ്ബുക്കിലും വാട്ട്സ് ആപ്പിലും ഇല്ലാത്ത എന്തുപ്രത്യേകതയാണ് ഇതിപ്പോൾ ക്ലബ് ഹൗസിലുള്ളത്.? പറയാലോ…..
ഇവിടെ ശബ്ദം മാത്രമേ ള്ളൂ…. ചിത്രങ്ങളില്ല … എഴുത്തുകളില്ല….ഇതൊരു കുറവായി കാണേണ്ട…ഇതാണ് ഇതിന്റെ പ്രത്യേകത. ക്ലബ്ബ് ഹൗസില്‍ ശബ്ദം മാത്രമാണ് ആശയ വിനിമയത്തിനുള്ള മാര്‍ഗം. ഇതിലൂടെ മെസേജ് അയക്കാന്‍ സാധിക്കില്ല. ചിത്രങ്ങൾ പോസ്റ്റ് ചെയ്യാൻ സാധിക്കില്ല.. ഇന്‍സ്റ്റന്‍ഡ് മെസേജിങ്ങ് ആപ്ലിക്കേഷനുമായി ക്ലബ്ബ് ഹൗസിനെ താരതമ്യപ്പെടുത്താനേ ….. സാധിക്കില്ല.

എന്നാപ്പിന്നെ എങ്ങനാ ജോയിൻ ചെയ്യുവല്ലേ.. അതെങ്ങനെയാണന്ന് നോക്കാം…
ഫോണ്‍ നമ്പര്‍ അടിസ്ഥാനമാക്കിയാണ് ക്ലബ്ബ് ഹൗസില്‍ ചേരാന്‍ സാധിക്കുക. ആന്‍ഡ്രോയ്ഡ് ഉപയോക്താക്കള്‍ക്ക് പ്ലേസ്റ്റോറില്‍ നിന്നും സൗജന്യമായി ഈ ആപ്പ് ഡൗണ്‍ലോഡ് ചെയ്യാം. ഇന്‍വൈറ്റിലൂടെയാണ് ആപ്പില്‍ ചേരാന്‍ സാധിക്കുന്നത്. ഇന്‍വൈറ്റ് ലഭിച്ചില്ലെങ്കില്‍ പ്ലേ സ്റ്റോറില്‍ നിന്ന് ഡൗണ്‍ലോഡ് ചെയ്ത ശേഷം വെയ്റ്റ് ലിസ്റ്റില്‍ നിന്നാല്‍ ക്ലബ് ഹൗസിലെ നിങ്ങളുടെ സുഹൃത്തുക്കള്‍ വഴി ആപ്പിന്റെ ഭാഗമാകാം. ഇതിന്റെ കാരണം അപ്പ്ലിക്കേഷൻ ഇപ്പോഴും ബീറ്റാ സ്റ്റേജിലാണ് എന്നുള്ളതാണ്.

ക്ലബ് ഹൗസില്‍ കയറിയവരുടെയൊക്കെ പ്രധാന സംശയം ആരാണ് ക്ലബ് ഹൗസ് ഐക്കണ്‍ ആയ സ്ത്രീ എന്നതാണ്. കലാരംഗത്ത് പ്രവര്‍ത്തിക്കുന്ന ഡ്രൂ കറ്റോകയാണ് ക്ലബ് ഹൗസ് ഐക്കണായ സ്ത്രീ. ജപ്പാനീസ് വംശജയായ അമേരിക്കകാരിയാണിവര്‍.

നിരവധി സാമൂഹിക വിഷയങ്ങളില്‍ തന്റെ നിലപാട് പ്രഖ്യാപിച്ചിട്ടുള്ള സ്ത്രീ കൂടിയാണ് കറ്റോക. സ്ത്രീകളുടെ അവകാശങ്ങള്‍, ഏഷ്യാക്കാരോടുള്ള അമേരിക്കയിലെ വിവേചനം തുടങ്ങിയ വിഷയങ്ങളില്‍ കറ്റോക നിലപാട് വ്യക്തമാക്കിയിട്ടുണ്ട്. ഇവര്‍ ക്ലബ്ബ് ഹൗസില്‍ നടത്തിയ ചര്‍ച്ചയില്‍ ഏഴുലക്ഷം പേര്‍ പങ്കാളിയായി എന്നാണ് കണക്ക്. നിലവില്‍ ക്ലബ്ബ് ഹൗസില്‍ പറയുന്ന കാര്യങ്ങള്‍ റെക്കോഡ് ചെയ്യാന്‍ സാധിക്കില്ലെന്ന് പറയുന്നുണ്ട്. ചര്‍ച്ചകളുടെ ഡാറ്റ എവിടെയും സേവ് ചെയ്യുന്നില്ല എന്നത് ഒരു പോരായ്മ തന്നെയാണ്. ഇനി അപ്ഡേറ്റഡ് ആകുമ്പോൾ നമുക്ക് ഇതൊക്കെ പ്രതീക്ഷിക്കാം…

ഇത് പ്രശ്നക്കാരനാകണോ എന്നൊരു ചോദ്യത്തിന് പ്രസക്തിയില്ല.. കാരണം പ്രശ്നങ്ങൾ ഇതിനോടകം തന്നെ നമ്മൾ കണ്ടുകഴിഞ്ഞു. ആള്‍മാറാട്ടം, ശബ്ദതട്ടിപ്പുകള്‍ തുടങ്ങിയ പ്രശ്‌നങ്ങള്‍ ക്ലബ് ഹൗസില്‍ നടന്നേക്കാമെന്ന മുന്നറിയിപ്പുകളും വരുന്നുണ്ട്. നേരത്തെ ഇന്ത്യയില്‍ ഈ ആപ്പ് ആദ്യം ഇടംപിടിച്ചത് തന്നെ വിവാദത്തോടെയാണ്. പിന്നെ ദേ ദുൽഖറിന്റെയും പൃഥ്വിയുടെയുമൊക്കെ വ്യാജന്മാരും എത്തിയിട്ടുണ്ട്…

about club house